Pak Space Agency: 62 ఏళ్లలో కేవలం 5 ఉపగ్రహాలను మాత్రమే ప్రయోగించింది.. ఎందుకు వెనుకబడిందంటే?

ISRO vs Pak Space Agency: చంద్రునిపై చంద్రయాన్ 3 విజయవంతంగా ల్యాండింగ్ అయిన తర్వాత పాకిస్థాన్‌ పౌరులే పాక్‌ అంతరిక్ష సంస్థను ఎగతాళి చేస్తున్నారు. ఇక్కడ ఆహార కొరత ఉందని, అంతరిక్షంలోకి వెళ్లడం గురించి ఎవరు మాట్లాడతారని ప్రజలు అంటున్నారు. పాక్ ఏజెన్సీ ఇస్రో కంటే ముందే స్థాపించబడిన తర్వాత కూడా ఎందుకు వెనుకబడిందో తెలుసుకుందాం.

చంద్రుడిపై చంద్రయాన్‌-3 విజయవంతంగా ల్యాండింగ్ కావడం గురించి అందరూ మాట్లాడుకుంటున్నారు. అమెరికా, రష్యా, చైనా చేయలేని పనిని భారత్ చేసింది. భారత్‌ పొరుగు దేశమైన పాకిస్తాన్‌లో ఎక్కువగా చంద్రయాన్‌-3 గురించి చర్చించుకుంటున్నారు. సామాన్యులు అయినా, మీడియా అయినా అందరూ పాకిస్థాన్ పాలకులను తిట్టడంలో బిజీగా ఉన్నారు. భారత అంతరిక్ష పరిశోధన సంస్థ(ఇస్రో) కంటే ముందే పాకిస్థాన్‌లో అంతరిక్ష సంస్థ స్థాపించబడింది. ఇస్రోతో పోలిస్తే పాక్‌ అంతరిక్ష సంస్థ ఎక్కడా ఎందుకు నిలబడలేకపోయింది అనే ప్రశ్న చాలా ఎక్కువగా తలెత్తుతోంది.

Read Also: Uttar Pradesh: ప్రేమ పేరుతో యువతిపై అత్యాచారం.. ఫొటోలు సోషల్ మీడియాలో పోస్ట్

భారత అంతరిక్ష సంస్థ ఇస్రో కంటే ముందే పాకిస్థాన్‌లో స్పేస్ ఏజెన్సీ SUPARCO స్థాపించబడింది. స్పేస్ అండ్ అప్పర్ అట్మాస్పియర్ రీసెర్చ్ ఆర్గనైజేషన్ (SUPARCO) సెప్టెంబర్ 16, 1961న స్థాపించబడింది. అయితే ఇస్రో 1969లో స్థాపించబడింది. ఇస్రో కంటే ముందే సుపార్కో 1962లో అంతరిక్షంలోకి రాకెట్‌ను ప్రయోగించింది. దీని తరువాత ఇస్రో నెమ్మదిగా పురోగతి పథాన్ని పట్టుకుని ముందుకు సాగింది. పాకిస్తాన్ ప్రభుత్వం నుంచి ఏజెన్సీపై శ్రద్ధ చూపకపోవడమే దీనికి అతిపెద్ద కారణం.

62 ఏళ్ల అంతరిక్ష సంస్థ చరిత్రలో పాకిస్థాన్ కేవలం 5 ఉపగ్రహాలను మాత్రమే ప్రయోగించింది. మొదటి ఉపగ్రహాన్ని 19 జూలై 1990న ప్రయోగించారు. దీనికి బదర్ 1 అని పేరు పెట్టారు. ఈ ఉపగ్రహం 6 నెలలు మాత్రమే పని చేసింది. దీని తరువాత, రెండవ ఉపగ్రహాన్ని 10 డిసెంబర్ 2001న ప్రయోగించారు, దీనికి బద్ర్-బి అని పేరు పెట్టారు. మూడో ఉపగ్రహం PAKAT-1 చైనా సహాయంతో 11 ఆగస్టు 2011న ప్రయోగించబడింది. నాల్గవ ఉపగ్రహం iCube-1 21 నవంబర్ 2013న ప్రయోగించబడింది. చైనా సహాయంతో 9 జులై 2018న పాకిస్తాన్ చివరి, ఐదో ఉపగ్రహాన్ని ప్రయోగించింది. ఆ తర్వాత పాకిస్థాన్ ఎలాంటి ప్రయోగాలు చేయలేదు.

Read Also: Russia: రష్యా విమానం ప్రమాదం.. 10 మృతదేహాలు, ఫ్లైట్‌ రికార్డర్‌లు వెలికితీత

నిజానికి మొదట్లో, పాకిస్తాన్ తనను తాను సూపర్ పవర్‌గా మార్చాలని నిర్ణయించుకుంది. అంతరిక్ష సంస్థను స్థాపించి రాకెట్లను ప్రయోగించడంలో నిమగ్నమయ్యేందుకు ఇదే కారణం. పాకిస్తాన్ అమెరికా సహాయంతో దీనిని ప్రారంభించింది. కానీ తరువాత పొరుగు దేశంలోని అస్థిర ప్రభుత్వాలు, సైన్యం తిరుగుబాటు వల్ల ఎదగలేకపోయింది. పాకిస్థాన్‌ తన సైనిక శక్తిని పెంచడానికి, క్షిపణులను పరీక్షించడానికి తన డబ్బును ఎక్కువగా ఖర్చు చేసింది. ప్రస్తుతం భారత అంతరిక్ష సంస్థ నిధులు పాకిస్థాన్‌తో పోలిస్తే 70 రెట్లు ఎక్కువ.