DGP Brothers: సొంత అన్నదమ్ముళ్లే ఆ రెండు రాష్ట్రాలకు పోలీస్​ బాస్​ లు..!

భారతదేశంలో చాలామందికి సివిల్ సర్వీసును క్రాక్ చేసి ప్రజలకు సేవ చేయాలన్నదే కోరిక. కాకపోతే ఇది అందరికీ సాధ్యం కాదు. కృషి, పట్టుదల, తెలివితేటలు ఉన్నవారు మాత్రమే ఈ పోస్టులను సాధిస్తారు. నిజానికి ఈ పరీక్షల్లో ఉత్తీర్ణత సాధించాలంటే అంత ఆషామాసి విషయం కాదు. అలాంటిది ఒకే కుటుంబానికి చెందిన ముగ్గురు అన్నదమ్ముళ్లు సివిల్ సర్వీసును క్రాక్ చేసారు. వారెవరో కాదు.. బిహార్​కు చెందిన వివేక్ సహాయ్, వికాస్ సహాయ్.

Also Read: TDP MP Candidates List: సిద్ధమైన టీడీపీ ఎంపీల జాబితా..! ఈ రోజే విడుదలకు ఛాన్స్..

ఇందులో ఇద్దరు అన్నదమ్ముళ్లు ఐపీఎస్​లు కాగా మరొకరు ఐఆర్​ఎస్ గా విధులు నిర్వహిస్తున్నారు. ఇందులో కేవలం ఐపీఎస్​ లు అవ్వడమే కాదు.. రెండు వేర్వేరు రాష్ట్రాలకు డీజీపీ లుగా నియమితులవ్వడం విశేషం. పోలీస్ శాఖ చరిత్రలోనే ఇలా జరగడం మొదటిసారి. ఇద్దరిలో ఒకరు ఏడాది కాలంగా డీజీపీ పని చేస్తుండగా.. మరొకరు సోమవారమే డీజీపీగా బాధత్యలు చేపట్టారు.

Also Read: SS Rajamouli : ఆర్ఆర్ఆర్ మూవీ రాజమౌళి ఒరిజినల్ వెర్షన్ కాదా.. అన్ని మార్పులు చేసారా..?

బిహార్​ రాష్ట్రానికి చెందిన సహాయ్​ కుటుంబంలో మొత్తం ముగ్గురు ప్రభుత్వ ఉద్యోగాలను సంపాదించగా.. అందులో వివేక్ సహాయ్ 1988 బ్యాచ్​, వికాస్ సహాయ్ 1989 బ్యాచ్ ఐపీఎస్​ అధికారులు. ఇక మరొక సోదరుడు విక్రమ్ సహాయ్ 1992 బ్యాచ్ ఐఆర్​ఎస్ అధికారి. గత సంవత్సర కాలంగా గుజరాత్ రాష్ట్రానికి డీజీపీగా వికాస్ సహాయ్ సేవలందిస్తుండగా.. సోమవారం నాడు వివేక్​ బెంగాల్ రాష్ట్ర​ డీజీపీగా నియమితులయ్యారు. ఈ పోస్ట్ కు సంబంధించి ముగ్గురు పేర్లను ఎన్నికల సంఘానికి పంపగా.. వారిలో వివేక్ సహాయ్​ ను బంగాల్​ డీజీపీగా నియమిస్తూ ఎన్నికల సంఘం నిర్ణయం తీసుకుంది. ఈ విధంగా అన్నదమ్ములిద్దరూ రెండు వేర్వేరు రాష్ట్రాలకు ఒకే సమయంలో డీజీపీ లుగా సేవలు అందించబోతున్నారు. ఇక వివేక్ ఈ ఏడాది చివర్లో పదవి విరమణ చేయనున్నారు.