Chaganti Koteswara Rao: “ఇంతకంటే అడుక్కు తినడం మంచిది”.. అలాంటి యూట్యూబర్స్‌పై చాగంటి ఫైర్..

Chaganti Koteswara Rao: చాగంటి కోటేశ్వరరావు గురించి తెలియని వారుండరు. ఆయన ప్రవచనాలంటే అందరికీ ప్రీతి. బ్రహ్మశ్రీ చాగంటి కోటేశ్వరరావు సనాతన ధర్మంపురాణాలు, ఆధ్యాత్మికతపై అద్భుతమైన ప్రవచనాలు ఇచ్చే ప్రముఖ తెలుగు ప్రవచనకర్త. మానవ విలువలుకుటుంబ వ్యవస్థ, ఆధ్యాత్మిక చింతనను పెంపొందించేలా ఆయన బోధనలు చేస్తారు. ఆంధ్రప్రదేశ్ ప్రభుత్వానికి నైతిక విలువల సలహాదారుగా సైతం సేవలందిస్తున్నారు. అయితే.. ఇటీవల చాగంటి ఓ ప్రవచనంలో ఓ విషయంపై ఆగ్రహం వ్యక్తం చేశారు. యూట్యూబ్‌లో కొన్ని ఛానెల్స్ వీవ్స్ సాధించడానికి రకరకాలుగా థంబ్ నెయిల్స్ పెడుతుంటాయి. అయితే.. చాగంటి కొడుకుపై సైతం ఇటీవల ఓ థంబ్ నెయిల్ అలాగే పెట్టారట. అది చూసిన ఆయన మెదట ఎంతో టెన్షన్ పడ్డారట. చివరికి వీడియోలో ఏమీ లేదని గ్రహించారట.

READ MORE: TTD Budget 2026: రూ.5,456 కోట్లతో టీటీడీ బడ్జెట్‌.. శ్రీవారి ఆదాయం ఎన్ని కోట్లు అంటే..!

ఈ అంశంపై ఇటీవల చాగంటి కోటేశ్వరరావు మాట్లాడుతూ… ” నేను యూట్యూబ్‌లో “చాగంటి కొడుకు విషయంలో బయటపడిన భయంకరమైన నిజం.. వాళ్ల కోడలు బయటపెట్టిన వైనం..” అనే థంబ్‌నెయిల్ చూసి మొదట హడలి పోయాను. ఎప్పుడూ ఇంత అణకువగా ఉంటాడు. అంత మంచిగా ఉంటాడు. వీడు ఏం చేశాడు? నా కోడలు ఎందుకు బయట పెట్టింది? అసలు ఏం జరిగింది మా ఇంట్లో? అని నాకు చెమటలు పట్టేశాయి. మా కుటుంబం మీద గౌరవమే పోయిందే.. వీడు ఏం చేశాడు అనుకుని వీడియో ఓపెన్ చేసి చూశాను. ఆ పది నిముషాల వీడియోలో ఏమీ లేదు. ఆ హెడ్డింగ్ అలా ఉంది కాబట్టే.. చాగంటి కోటేశ్వరావు కొడుకు ఏదో చేశాడని ఈ వీడియోను జనాలు చూశారు. మీరు రామాయణం తెలుసుకోకపోయిన పర్వాలేదు. భారతం తెలుసుకోకపోయినా పర్వలేదు. మహాత్మా గాంధీ గురించి తెలుసుకోకపోయినా పర్వలేదు. కానీ చాంగంటి కోటేశ్వరరావు కోడలు ఏదో చెప్పిందట. అది చూడాలని వీడియో చూస్తున్నారు. ఈ వీడియోను ఎన్ని లక్షల మంది చూస్తే అంత డబ్బు వాడికి కావాలి. అది ఉచ్ఛమా? నీశ్చమా? దాని కన్న అడుక్కుతినడం మంచిది.. ఇటు వంటి తప్పుడు పనులు చేసి మనం డబ్బులు సంపాధించకూడదన్న నైతిక విలువలు వాళ్లకు ఉండవు. అందరినీ నేను అనడం లేదు. కొంత కొంత మంది యూట్యూబ్‌లో అలపెడతారు.” అంటూ చాగంటి ఫైర్ అయ్యారు.

READ MORE: Ranji Trophy 2026 Final: జమ్మూకాశ్మీర్ సంచలనం.. 67 ఏళ్ల తర్వాత మొదటిసారి రంజీ ట్రోఫీ కైవసం