Israel- Hezbollah: హెజ్‌బొల్లా – ఇజ్రాయెల్‌ కాల్పుల విరమణకు ఓకే..

Israel- Hezbollah: ఇజ్రాయెల్, హిజ్బుల్లా మధ్య లెబనాన్‌లో జరుగుతున్న యుద్ధం ఇప్పుడు ఆగిపోనుంది. ఇరాన్ మద్దతుగల హిజ్బుల్లాతో కాల్పుల విరమణ ఒప్పందాన్ని ఇజ్రాయెల్ భద్రతా మంత్రివర్గం ఆమోదించడంతో లెబనాన్‌లో ఇజ్రాయెల్ దాడులు ఆగిపోతాయి. దీని కారణంగా లెబనాన్‌లో యుద్ధాన్ని ముగించడానికి మార్గం సుగమం చేయబడింది. ఇజ్రాయెల్, హిజ్బుల్లా మధ్య జరిగిన యుద్ధంలో లెబనాన్‌లో సుమారు 3,800 మంది మరణించగా, 16 వేలకు మందికి పైగా గాయపడ్డారు.

Also Read: Nikhil Movie: 20 రోజులకే.. ఓటీటీలోకి వచ్చేసిన నిఖిల్ కొత్త సినిమా!

కాల్పుల విరమణ ఒప్పందానికి ఇజ్రాయెల్ వార్ క్యాబినెట్ ఆమోదం తెలిపిందని అక్కడి మీడియా తెలిపింది. ఇప్పుడు దీనిని అమెరికా అధ్యక్షుడు జో బిడెన్, ఫ్రెంచ్ అధ్యక్షుడు ఇమ్మాన్యుయేల్ మాక్రాన్ ప్రకటించారు. కాల్పుల విరమణ ఒప్పందం ప్రకారం, ఇజ్రాయెల్ దళాలు దక్షిణ లెబనాన్ నుండి వైదొలగవలసి ఉంటుందని, లెబనీస్ సైన్యాన్ని ఆ ప్రాంతంలో మోహరించాలని అధికారులను ఉటంకిస్తూ మీడియా పేర్కొంది. దీనితో పాటు, లిటాని నదికి దక్షిణ సరిహద్దులో హిజ్బుల్లా తన సాయుధ ఉనికిని కూడా ముగించనుంది.

Also Read: Fire Accident: జీడిమెట్ల అగ్నిప్రమాద ఘటన.. ఇంకా అదుపులోకి రాని మంటలు..

ఇందుకు సంబంధించి లెబనీస్ విదేశాంగ మంత్రి అబ్దుల్లా బౌ హబీబ్ మాట్లాడుతూ.. ఇజ్రాయెల్ దళాలు ఉపసంహరించుకుంటే దక్షిణ లెబనాన్‌లో కనీసం 5,000 మంది సైనికులను మోహరించడానికి లెబనీస్ సైన్యం సిద్ధంగా ఉందని చెప్పారు. ఇజ్రాయెల్ దాడుల వల్ల ధ్వంసమైన మౌలిక సదుపాయాలను పునర్నిర్మించడంలో అమెరికా పాత్ర పోషిస్తుంది. బిడెన్ కాల్పుల విరమణ నిర్ణయం తర్వాత, యుఎస్ ప్రెసిడెంట్ జో బిడెన్ ఈ రోజు మధ్యప్రాచ్యానికి నాకు శుభవార్త ఉందని అన్నారు. లెబనాన్, ఇజ్రాయెల్ ప్రధాన మంత్రులతో మాట్లాడనని ఈ విషయాన్ని ప్రకటించినందుకు సంతోషిస్తున్నానని ఆయన అన్నారు. ఇజ్రాయెల్, హిజ్బుల్లా మధ్య విధ్వంసకర సంఘర్షణకు ముగింపు పలికేందుకు అమెరికా ప్రతిపాదనను వారు అంగీకరించారు.