Tamilisai: మహిళా బిల్లుకు కేబినెట్ ఆమోదం.. ప్రధాని మోడీకి గవర్నర్ కృతజ్ఞతలు
Tamilisai: తెలంగాణ గవర్నర్ తమిళిసై సౌందరరాజన్ ప్రధాని నరేంద్ర మోదీకి కృతజ్ఞతలు తెలిపారు. మహిళా రిజర్వేషన్ బిల్లుకు కేంద్ర కేబినెట్ ఆమోదం తెలిపినందుకు ఆమె హర్షం వ్యక్తం చేశారు. మహిళా రిజర్వేషన్ బిల్లుకు కేంద్ర మంత్రివర్గం సోమవారం ఆమోదం తెలిపిన విషయం తెలిసిందే.. ఐదు రోజుల పాటు జరిగిన పార్లమెంట్ ప్రత్యేక సమావేశాల తొలి సమావేశం అనంతరం.. అదే రోజు సాయంత్రం కేంద్ర మంత్రివర్గం సమావేశమైంది. రానున్న రోజుల్లో పార్లమెంట్కు మహిళా భాగస్వాములను తీసుకురావాలని పలువురు బీజేపీ మంత్రులు, ఎంపీలను కోరినట్లు విశ్వసనీయ వర్గాల సమాచారం. లోక్సభ, రాష్ట్ర అసెంబ్లీల్లో 33 శాతం రిజర్వేషన్లకు హామీ ఇచ్చే మహిళా రిజర్వేషన్ బిల్లును ప్రవేశపెట్టాలని గత కొంత కాలంగా పలువురు నేతలు డిమాండ్ చేస్తున్నారు. ఆదివారం జరిగిన హైదరాబాద్ కాంగ్రెస్ వర్కింగ్ కమిటీ సమావేశంలో దీనిపై తీర్మానం కూడా చేశారు. ఈ క్రమంలో తెలంగాణ గవర్నర్ తమిళిసై స్పందిస్తూ కేంద్ర నిర్ణయంపై హర్షం వ్యక్తం చేశారు.
మహిళా రిజర్వేషన్ బిల్లుకు కేంద్ర కేబినెట్ ఆమోదం తెలిపినందుకు తెలంగాణ గవర్నర్ తమిళిసై సౌందరరాజన్ సోమవారం ప్రధాని నరేంద్ర మోదీకి కృతజ్ఞతలు తెలిపారు. ఇది చారిత్రాత్మక నిర్ణయం. ఈ నిర్ణయం మరింత మంది మహిళలు ప్రజా జీవితంలోకి వచ్చేలా ప్రోత్సహిస్తుందని, దీని వల్ల సమాజానికి మేలు జరుగుతుందన్నారు. కాగా, పార్లమెంట్, రాష్ట్ర అసెంబ్లీల్లో మహిళలకు 33 శాతం రిజర్వేషన్లు కల్పించేందుకు ఉద్దేశించిన బిల్లుకు కేంద్ర మంత్రివర్గం ఆమోదం తెలపడంపై గ్రేటర్ హైదరాబాద్ మేయర్ గద్వాల్ విజయలక్ష్మి హర్షం వ్యక్తం చేశారు. “చాలా కాలంగా పెండింగ్లో ఉన్న మహిళా రిజర్వేషన్ బిల్లుకు ఈ రోజు కేబినెట్ ఆమోదం లభించింది” అని ఆమె ఎక్స్లో పోస్ట్ చేసింది. దీనిని చారిత్రాత్మక ఘట్టంగా పేర్కొంటూ, ఆమె అలుపెరగని కృషికి BRS MLC కల్వకుంట్ల కవితకు హృదయపూర్వక అభినందనలు తెలిపారు. కాగా, గత కొంత కాలంగా మహిళా బిల్లు కోసం కవిత పోరాటం చేస్తున్నారు. సమావేశాలకు ముందే ఆమె దేశంలోని అన్ని రాజకీయ పార్టీలకు లేఖ రాశారు. దేశ రాజధానిలో కూడా పలుమార్లు సమ్మెకు దిగారు.
Thank you Honorable @PMOIndia shri @Narendramodi ji for the Approval of #WomenReservationBill by union https://t.co/dtCKSFFaAF is a Historic decision as it will motivate more women entering public life by which the society will be benefited.
— Dr Tamilisai Soundararajan (@DrTamilisaiGuv) September 18, 2023