CM KCR : నేడు ఉమ్మడి నల్గొండ జిల్లాలో సీఎం కేసీఆర్ పర్యటన

అసెంబ్లీ ఎన్నికల ప్రచారంలో భాగంగా తెలంగాణ ముఖ్యమంత్రి, బీఆర్‌ఎస్‌ అధ్యక్షుడు కె. చంద్రశేఖర్‌రావు ఆదివారం నల్గొండ జిల్లాలో పర్యటించనున్నారు. కోదాడ, తుంగతుర్తి, ఆలేరు నియోజకవర్గాల్లో ఎన్నికల ప్రచార సభల్లో ఆయన ప్రసంగిస్తారు. మధ్యాహ్నం ఒంటిగంటకు హైదరాబాద్‌ నుంచి బయలుదేరి 1.40 గంటలకు కోదాడ చేరుకుని 1.50 గంటలకు ప్రజా ఆశీర్వాద సభలో సీఎం పాల్గొంటారు. అనంతరం 2.30 గంటలకు సీఎం కేసీఆర్ కోదాడ నుంచి బయలుదేరి తుంగతుర్తి నియోజకవర్గంలోని తిరుమలగిరికి చేరుకుని అక్కడ మధ్యాహ్నం 3.10 గంటలకు బహిరంగ సభలో ప్రసంగిస్తారు.

Also Read : Israel-Turkey: ఇజ్రాయిల్ ఆక్రమణదారు అని టర్కీ విమర్శలు.. ఇరు దేశాల మధ్య దౌత్యవివాదం..

అనంతరం అక్కడి నుంచి మధ్యాహ్నం 3.50 గంటలకు బయలుదేరి 4.10 గంటలకు ఆలేరు చేరుకుంటారు. ఆలేరులో సమావేశం అనంతరం తిరిగి హైదరాబాద్‌కు చేరుకుంటారు. ఈ నెల 31వ తేదీన సీఎం కేసీఆర్ మరో మూడు నియోజకవర్గాలైన హుజూర్‌నగర్, మిర్యాలగూడ, దేవరకొండ నియోజకవర్గాల్లో పర్యటించి బీఆర్‌ఎస్ పార్టీ నిర్వహించే బహిరంగ సభల్లో పాల్గొననున్నారు. దసరా పండుగ తర్వాత తెలంగాణ ముఖ్యమంత్రి ప్రచారాన్ని ముమ్మరం చేసి కాంగ్రెస్ పార్టీకి నోరు పారేసుకున్నారు. గత రెండు రోజులుగా జరిగిన సభల్లో కేసీఆర్ కాంగ్రెస్ పైనా, ఆ పార్టీ చేసిన వాగ్దానాలపైనా విరుచుకుపడ్డారు.

Also Read : Revanth Reddy: కేసీఆర్ తెలంగాణ బిడ్డ అయితే పరిగికి గోదావరి నీళ్లు ఎందుకు రాలే..