CM KCR: నేడు సిద్దిపేట, వరంగల్ లో సీఎం కేసీఆర్ పర్యటన
CM KCR: రాష్ట్ర అసెంబ్లీ ఎన్నికల ప్రచార పర్వం మంగళవారంతో ముగియనుంది. ఓటింగ్కు 48 గంటల ముందు ప్రచారాన్ని ముగించాలని ఎన్నికల నిబంధనలు స్పష్టం చేస్తున్నాయి. దీంతో రాష్ట్రంలోని 106 అసెంబ్లీ స్థానాలకు మంగళవారం సాయంత్రం 5 గంటలకు ప్రచారం ముగియనుంది. మిగిలిన 13 అసెంబ్లీ నియోజకవర్గాల్లో ప్రత్యేక పరిస్థితుల దృష్ట్యా సాయంత్రం 4 గంటలకు ప్రచారం ముగియనుంది. ప్రచార పర్వం ముగియగానే స్థానికేతర నేతలు నియోజకవర్గాన్ని వదిలి వెళ్లాలని ఎన్నికల సంఘం స్పష్టం చేసింది. గురువారం జరగనున్న ఎన్నికల్లో విజయం సాధించేందుకు అన్ని పార్టీలు ముమ్మరంగా ప్రచారం నిర్వహిస్తున్నాయి. బీఆర్ఎస్ విజయవంతానికి పార్టీ అధ్యక్షుడు సీఎం కేసీఆర్తో పాటు వర్కింగ్ ప్రెసిడెంట్, మంత్రి కేటీఆర్, మంత్రి హరీశ్రావు, ఎమ్మెల్సీ కల్వకుంట్ల కవిత ప్రచారం చేశారు.
సీఎం కేసీఆర్ గజ్వేల్, వరంగల్ లో ఎన్నికల ప్రచారం నిర్వహించనున్నారు. సీఎం కేసీఆర్ వరంగల్ కు రానున్నారు. వరంగల్ పశ్చిమ నియోజకవర్గాల నుంచి జన్ ఆశీర్వాద సభలో పాల్గొంటారు. వరంగల్ ఈస్ట్ వెస్ట్ అభ్యర్థుల ప్రచార సభలో పాల్గొననున్నారు. నూతనంగా నిర్మిస్తునన సూపర్ స్పెషాలిటీ ఆసుపత్రి ప్రాంగణంలో ఏర్పాటుచేసిన బహిరంగ సభలో పాల్గొంటారు. ములుగు రోడ్డులోని ఎల్బీ కళాశాల వద్ద హెలిప్యాడ్ను ఏర్పాటు చేశారు. మధ్యాహ్నం 2 గంటలకు హెలికాప్టర్లో ఎల్బీ కళాశాలకు చేరుకుని అక్కడి నుంచి ప్రత్యేక వాహనంలో కేఎంసీలోని మీటింగ్ కాంప్లెక్స్కు చేరుకుని సభలో మాట్లాడతారు. అనంతరం సిద్దిపేట జిల్లా గజ్వేల్ నియోజకవర్గంలో జరిగే ప్రజా ఆశీర్వాద బహిరంగ సభలో సీఎం కేసీఆర్ పాల్గొననున్నారు. గత ఎన్నికల సమయంలో గజ్వేల్లో సభలు నిర్వహించిన సీఎం కేసీఆర్.. ఈసారి కూడా అదే ఏర్పాటును కొనసాగించనున్నారు.
Read also: Hanuman Puja : హనుమాన్ ను ఇలా పూజిస్తే చాలు.. కష్టాలన్నీ మాయం..
అసెంబ్లీ ఏర్పాట్లను చీఫ్ విప్ దాస్యం వినయ్ భాస్కర్, ఎమ్మెల్యే నన్నపునేని నరేంద్ర, మేయర్ గుండు సుధారాణి వరంగల్ లో సభా స్థలిని పరిశీలించారు. 10 ఎకరాలకు పైగా విస్తీర్ణంలో ఉన్న కాకతీయ మెడికల్ కాలేజీ గ్రౌండ్స్లో లక్ష మందికి సరిపడా ఏర్పాట్లు చేస్తున్నారు. వరంగల్ కాకతీయ మెడికల్ కాలేజీలో జరగనున్న సీఎం కేసీఆర్ ఎన్నికల ర్యాలీకి వరంగల్ పోలీస్ కమిషనర్ అంబర్ కిషోర్ ఝా పోలీసు బందోబస్తును పెంచారు. సభా ప్రాంగణంలో ఎలాంటి ఇబ్బందులు తలెత్తకుండా ముందస్తు చర్యలు చేపట్టారు. ట్రాఫిక్ అంతరాయం కలగకుండా తగు చర్యలు తీసుకోవాలని ట్రాఫిక్ పోలీసు అధికారులను సీపీ ఆదేశించారు.
రాష్ట్రంలో ఎన్నికల ప్రచారం ముగిసిన తర్వాత ఓటర్ల మానసిక ప్రశాంతతకు భంగం వాటిల్లకుండా చూడాలని, సినిమా హాళ్ల ద్వారా ఎన్నికలకు సంబంధించిన అంశాలను ప్రదర్శించవద్దని సీఈవో వికాసరాజ్ అన్ని రాజకీయ పార్టీలు, అభ్యర్థులకు స్పష్టం చేశారు. టీవీ మరియు ఇతర ప్రచార పరికరాలు. నిబంధనలు అతిక్రమిస్తే చట్టపరమైన చర్యలు తీసుకుంటామని హెచ్చరించారు. ప్రచార సమయం ముగిసినప్పటి నుంచి పోలింగ్ ముగిసే వరకు ఎలక్ట్రానిక్ మీడియాలో ఎలాంటి రాజకీయ ప్రకటనలు ప్రసారం చేయరాదని, అభిప్రాయ సేకరణ, చర్చా కార్యక్రమాలు, విశ్లేషణ, దృశ్య, ధ్వని బైట్ల విషయంలో నిబంధనలు పాటించాలన్నారు. ఈ నెల 29, 30 తేదీల్లో రాజకీయ నేతలు ఎన్నికలకు సంబంధించిన ఇంటర్వ్యూలు ఇవ్వరాదని, విలేకరుల సమావేశాలు పెట్టవద్దని, బల్క్ ఎస్ ఎంఎస్ లు పంపవద్దని స్పష్టం చేశారు. మంచి ప్రభుత్వాన్ని ఎన్నుకోవాలంటే విజ్ఞతతో, నిర్భయంగా ఓటు వేయాల్సిన అవసరాన్ని ఓటర్లకు వివరించాలని మీడియాకు విజ్ఞప్తి చేశారు.
Health Tips : శరీరంలో వేడిని తగ్గించే జ్యూస్ ఇదే.. ఎలా తయారు చెయ్యాలంటే?