DK Aruna : మూసీ ప్రక్షాళనపై డీకే అరుణ కీలక వ్యాఖ్యలు

DK Aruna : బీజేపీ మూసీ రివర్ ఫ్రంట్ డెవలప్‌మెంట్ కు వ్యతిరేకంగా ఏం మాట్లాడలేదని మహబూబ్‌నగర్ బీజేపీ ఎంపీ డీకే అరుణ అన్నారు. తాజాగా ఆమె మాట్లాడుతూ, మూసీ ప్రక్షాళనపై పలు కీలక వ్యాఖ్యలు చేశారు. మూసీ నీటిని శుద్ధి చేసి మంచి నీటిగా మార్చాలని తమకు వ్యతిరేకం లేదు అని ఆమె స్పష్టం చేశారు. అయితే, మూసీ ప్రక్షాళన పేరుతో లక్షల కోట్ల రూపాయలు ఖర్చు పెట్టే ప్రణాళికను మాత్రమే బీజేపీ వ్యతిరేకిస్తోందని ఆమె చెప్పారు. పేదవారి ఇళ్ళను కూలగొట్టి, వారికి నిరాశ్రయులుగా చేయాలని జరిగిన చర్యను బీజేపీ కట్టుదిట్టంగా వ్యతిరేకిస్తుందని పేర్కొన్నారు. ప్రక్షాళనకు అవసరమైన రీటైనింగ్ వాల్‌లు వేయడం ద్వారా, మూసీ నదిని శుద్ధి చేయవచ్చని ఆమె చెప్పారు.

Ponnam Prabhakar : సర్వే వల్ల సంక్షేమ పథకాలకు ఇబ్బందులు ఉండవు

దీనికి కూడా లక్షల కోట్లు ఖర్చు పెట్టే అవసరం లేదని అన్నారు. ఆమె ప్రశ్నిస్తూ, “ఎందుకు డీపీఆర్ (DPR) లేకుండా ఇళ్ళను ముందే కూలగొడుతున్నారు?” అని నిలదీశారు. కాంగ్రెస్ నేతలు, “డీపీఆర్ లేకుండా లక్షన్నర కోట్ల ఖర్చు?” అని అంటున్నారని ఆమె అన్నారు. బీఆర్ఎస్ పార్టీ కాళేశ్వరం ప్రాజెక్టులో దోచుకున్నట్లు, మూసీ ప్రక్షాళన పేరుతో కూడా లక్షల కోట్ల రూపాయలను దోచుకోవడానికి కాంగ్రెస్ నేతలు ప్రయత్నిస్తున్నారని ఆమె ఆరోపించారు. ఈ లక్షల కోట్ల రూపాయల దోపిడీని బీజేపీ గట్టి విధంగా వ్యతిరేకిస్తుందని డీకే అరుణ చెప్పారు.

Adluri Laxman Kumar : త్వరలోనే పేదవారికి ఇందిరమ్మ ఇళ్లు కూడా పంపిణీ చేస్తాం….