PM Modi: ఈజిప్టుకు ప్రధాని మోదీ.. ఈ నెల 24 నుంచి 2 రోజుల పాటు పర్యటన

PM Modi: ప్రధాని నరేంద్ర మోడీ జూన్‌ 24 నుంచి ఈజిప్టు పర్యటనకు వెళ్లనున్నారు. ఈజిప్టు అధ్యక్షుడు అబ్దుల్ ఫతాహ్ అల్-సిసి ఆహ్వానం మేరకు మోడీ రెండు రోజుల పర్యటన జూన్ 24న ప్రారంభం కానుంది. 1997 తర్వాత భారత ప్రధాని ద్వైపాక్షిక పర్యటన చేయడం ఇదే తొలిసారి. దావూదీ బోహ్రా కమ్యూనిటీ సహాయంతో పునరుద్ధరించబడిన 11వ శతాబ్దపు అల్-హకీమ్ మసీదును ప్రధాని నరేంద్ర మోదీ ఈ వారం తన మొదటి ఈజిప్టు పర్యటనలో సందర్శించనున్నారు. మొదటి ప్రపంచ యుద్ధంలో ఈజిప్టు కోసం అత్యున్నత త్యాగం చేసిన భారతీయ సైనికులకు నివాళులర్పించేందుకు ప్రధాన మంత్రి హెలియోపోలిస్ యుద్ధ శ్మశానవాటికను కూడా సందర్శించనున్నారు. అల్-సిసిని కలవడానికి ముందు, భారతదేశంతో సంబంధాలను పెంపొందించడానికి ఈజిప్టు అధ్యక్షుడు ఏర్పాటు చేసిన ఉన్నత స్థాయి మంత్రుల బృందం అయిన ఇండియా యూనిట్‌తో ప్రధాని చర్చలు జరుపుతారు. ప్రధాని మోదీ భారతీయ సమాజంలోని ప్రజలతో సంభాషించనున్నారు.

Also Read: Madhya Pradesh: పాకెట్ మనీ ఇవ్వలేదని తండ్రిని బండరాయితో కొట్టి చంపిన కొడుకు

ఉత్తరాఫ్రికా దేశంలోని భారతీయ సమాజ సభ్యులతో కూడా ప్రధాని మోదీ సంభాషించనున్నారు. విదేశాంగ మంత్రి ఎస్ జైశంకర్, రక్షణ మంత్రి రాజ్‌నాథ్ సింగ్, పర్యావరణ మంత్రి భూపేంద్ర యాదవ్ ఇటీవల ఈజిప్ట్‌లో పర్యటించారని విదేశాంగ కార్యదర్శి వినయ్ మోహన్ క్వాత్రా తెలిపారు. ఇరు దేశాలు తమ సంబంధాలను బలోపేతం చేసుకోవాలని ఆలోచిస్తున్నాయి. ప్రధాని మోదీ ఈజిప్టు ప్రెసిడెంట్ అల్-సిసితో సమావేశమై పలు అవగాహన ఒప్పందాలు, ఒప్పందాలపై సంతకాలు చేయనున్నారు.

Also Read: Jagadish Shettar: కర్ణాటక ఎమ్మెల్సీ ఉపఎన్నికల బరిలో జగదీష్ షెట్టర్

“అదే విధంగా ఈజిప్టు ప్రభుత్వానికి చెందిన కనీసం ముగ్గురు నుండి నలుగురు మంత్రులు భారతదేశానికి వచ్చారు. సూయజ్ కెనాల్ అథారిటీ ఛైర్మన్ భారతదేశ పర్యటనలో ఉన్నారు” అని క్వాత్రా చెప్పారు. భారతదేశం, ఈజిప్ట్ రెండూ తమ సంబంధాల అన్ని అంశాలను బలోపేతం చేయడంపై చాలా దృష్టి సారించాయని క్వాత్రా అన్నారు. జీ 20 అధ్యక్షుడిగా ఉన్న సమయంలో భారతదేశం ఈజిప్టును ప్రత్యేక అతిథిగా ఆహ్వానించిందని విదేశాంగ కార్యదర్శి చెప్పారు. ప్రెసిడెంట్ అల్-సిసి భారత్‌లో పర్యటించిన ఆరు నెలల్లోపే ఈజిప్ట్‌లో ప్రధాని మోదీ పరస్పర పర్యటన వస్తుందని క్వాత్రా చెప్పారు. “ప్రధాని మోడీ ఈజిప్టు పర్యటన రెండు దేశాల మధ్య సంబంధాలను కొనసాగించడమే కాకుండా, రెండు దేశాల మధ్య వాణిజ్య, ఆర్థిక సంబంధాలను కొత్త రంగాల్లోకి విస్తరించడానికి కూడా సహాయపడుతుందని విశ్వసిస్తున్నాము” అని క్వాత్రా అన్నారు.