Delhi High Court : విదేశీయులు భారత్ లో నివసిస్తున్నట్లు క్లెయిమ్ చేయలేరు
Delhi High Court : భారతదేశంలో విదేశీ పౌరుల నివాసం, సెటిల్మెంట్కు సంబంధించి ఢిల్లీ హైకోర్టు కీలక నిర్ణయం తీసుకుంది. భారత రాజ్యాంగం విదేశీ పౌరులెవరూ భారతదేశంలో నివసించే, స్థిరపడే హక్కును పొందేందుకు అనుమతించదని కోర్టు పేర్కొంది. విదేశీయుల ప్రాథమిక హక్కులు జీవించే హక్కు, స్వేచ్ఛకే పరిమితమవుతున్నాయని అన్నారు. అజల్ చక్మా అనే వ్యక్తిని నిర్బంధించడం చట్టవిరుద్ధమని దాఖలైన పిటిషన్ను ఢిల్లీ హైకోర్టు తిరస్కరించింది.
భారతదేశంలో స్థిరపడే హక్కు
భారత రాజ్యాంగంలోని ఆర్టికల్ 19(1)(ఇ) ప్రకారం ధర్మాసనం ఈ తీర్పు నిచ్చింది. ఒక విదేశీ పౌరుడు భారత్లో నివసించాల్సిన అవసరం ఉందని.. అందుకు ఇక్కడే స్థిరపడే హక్కును కావాలని క్లెయిమ్ చేయలేరనే విషయాన్ని కూడా పరిగణనలోకి తీసుకోవచ్చని న్యాయమూర్తులు సురేష్ కుమార్ కైట్, మనోజ్ జైన్లతో కూడిన ధర్మాసనం పేర్కొంది.
Read Also:Atal Setu : ముంబై కొత్త జీవం ‘అటల్ సేతు’ను నేడు ప్రారంభించనున్న మోడీ
స్వేచ్ఛకు ప్రాథమిక హక్కు
విదేశీయుడు ప్రాథమిక హక్కులు భారత రాజ్యాంగంలోని ఆర్టికల్ 21 కింద ప్రకటించబడిన ప్రాథమిక హక్కులకు మాత్రమే పరిమితం చేయబడతాయని, జీవించడానికి, అతడికి కావాల్సిన స్వేచ్ఛను మాత్రమే అందించగలమని ఆయన అన్నారు.
మీ బాధకు మిమ్మల్ని మీరు నిందించుకోండి
బంగ్లాదేశ్కు చెందిన అజల్ చక్మా కేసులో విచారణ సందర్భంగా.. బంగ్లాదేశ్ పాస్పోర్ట్తో దేశం విడిచిపెట్టిన అతను తిరిగి భారతదేశానికి ఎలా వచ్చాడో వివరించడంలో విఫలమైనందున అతని బాధకు తానే కారణమని హైకోర్టు పేర్కొంది.
Read Also:Guntur Kaaram: గుంటూరు కారం స్ట్రీమింగ్ పార్టనర్ ఫిక్స్.. ఎక్కడంటే?