Spirit: పాన్ ఇండియా స్టార్ ప్రభాస్ హీరోగా, సెన్సేషనల్ దర్శకుడు సందీప్ రెడ్డి వంగా అత్యంత ప్రతిష్ఠాత్మక తెరకెక్కిస్తున్న చిత్రం ‘స్పిరిట్’ (Spirit). ఈ సినిమా గురించి రోజుకో కొత్త వార్త సోషల్ మీడియాలో తెగ వైరల్ అవుతోంది. ఇప్పటికే ఈ సినిమాపై పాన్ ఇండియా లెవల్లో భారీ అంచనాలు నెలకొనగా, తాజాగా మరో ఇంట్రెస్టింగ్ బజ్ సినీ వర్గాల్లో చక్కర్లు కొడుతోంది. తాజా ప్రచారం ప్రకారం.. బాలీవుడ్ స్టార్ హీరోయిన్ కత్రినా కైఫ్ ఈ సినిమాలో ఓ కీలక పాత్రలో కనిపించే అవకాశాలు ఉన్నాయని టాక్ వినిపిస్తోంది.
అయితే ఇది పూర్తి స్థాయి పాత్ర కాకుండా, కేవలం రెండు రోజుల షూటింగ్తో పూర్తయ్యే స్పెషల్ అపియరెన్స్ అని సమాచారం. స్క్రీన్ టైమ్ తక్కువగానే ఉన్నప్పటికీ, ఆమె పాత్ర కథను కీలక మలుపు తిప్పే విధంగా ఉంటుందని ఇండస్ట్రీ వర్గాల్లో ప్రచారం జరుగుతోంది. డైరెక్టర్ సందీప్ రెడ్డి వంగా తన సినిమాల్లో ఊహించని పాత్రలు, షాకింగ్ ట్విస్టులు, బలమైన ఎమోషనల్ మూమెంట్స్ను చూపించడంలో ప్రత్యేక గుర్తింపు పొందారు. దీంతో కత్రినా కైఫ్ నిజంగానే ఈ ప్రాజెక్ట్లో భాగమైతే, ప్రేక్షకులకు మరోసారి సర్ప్రైజ్ ఖాయం అని సినీ విశ్లేషకులు అభిప్రాయపడుతున్నారు. అయితే కత్రినా కైఫ్ నటిస్తున్నారనే విషయంపై ఇప్పటివరకు చిత్ర బృందం నుంచి ఎలాంటి అధికారిక ప్రకటన వెలువడలేదు. ప్రస్తుతం సోషల్ మీడియాలో వైరల్ అవుతున్న ఈ వార్తపై డార్లింగ్ అభిమానులు ఆసక్తిగా చర్చించుకుంటున్నారు. ఇప్పటికే ‘స్పిరిట్’ మూవీ ఇండియన్ సినీ ఇండస్ట్రీలో అత్యంత ఆసక్తిగా ఎదురుచూస్తున్న సినిమాల్లో ఒకటిగా నిలిచింది. తాజా ప్రచారం నిజమైతే సినిమాపై ఉన్న అంచనాలు మరింత పెరిగే అవకాశం ఉంది. టి-సిరీస్ ఫిలిమ్స్, భద్రకాళి పిక్చర్స్ సంయుక్తంగా నిర్మిస్తున్న ఈ హై-వోల్టేజ్ యాక్షన్ ఎంటర్టైనర్లో ప్రభాస్ పవర్ఫుల్ పోలీస్ ఆఫీసర్ పాత్రలో కనిపించబోతున్నారు. ఈ చిత్రం ప్రపంచవ్యాప్తంగా 2027 మార్చి 5న థియేటర్లలో గ్రాండ్గా విడుదల కానుంది.