Aditya Dhar: రణ్వీర్ సింగ్తోనే ఆదిత్య ధర్ మూవీ.. ఈసారి మరో డ్రీమ్ ప్రాజెక్ట్!
- Follow Us :
-
-
Add as a preferred
source on google
Ranveer Singh and Aditya Dhar to Reunite: ‘ధురంధర్’ సినిమాతో భారీ విజయాన్ని అందుకున్న బాలీవుడ్ హీరో రణ్వీర్ సింగ్ ప్రస్తుతం ‘ప్రళయ్’ చిత్రంలో నటిస్తున్నాడు. మరోవైపు ధురంధర్ దర్శకుడు ఆదిత్య ధర్ మాత్రం తన తదుపరి సినిమా విషయంలో ఇంకా అధికారిక ప్రకటన చేయలేదు. అయితే ఆయన కొత్త ప్రాజెక్ట్పై కొంతకాలంగా రకరకాల వార్తలు, ఊహాగానాలు వినిపిస్తున్నాయి. గతంలో విక్కీ కౌశల్తో ప్రకటించిన ‘ది ఇమ్మోర్టల్ అశ్వత్థామ’ కథను అల్లు అర్జున్కు వినిపించాడని ప్రచారం జరిగింది. ఆ ప్రాజెక్ట్ ముందుకు వెళ్లకపోవడంతో ఎన్టీఆర్, ప్రభాస్లకు కూడా కొత్త కథలు వినిపించినట్లు వార్తలు వచ్చాయి. చివరకు విక్కీ కౌశల్తోనే అశ్వత్థామ సినిమాను తెరకెక్కించనున్నాడంటూ మరోసారి గాసిప్స్ వినిపించాయి. అయితే వీటిలో ఏ ఒక్క అంశంపైనా ఇప్పటివరకు అధికారిక స్పష్టత లేదు.
ఇదిలా ఉంటే ఆదిత్య ధర్ తన తదుపరి సినిమాను టాలీవుడ్ హీరోతో చేయనున్నాడని గతంలో ప్రచారం జరిగింది. కానీ తాజాగా రణ్వీర్ సింగ్ పేరు తెరపైకి వచ్చింది. ధురంధర్ కాంబినేషన్ మరోసారి చేతులు కలపబోతోందని బాలీవుడ్ వర్గాల్లో బజ్ వినిపిస్తోంది. అశ్వత్థామ, ఆర్య వర్త్ కథలను పక్కన పెట్టి.. తన డ్రీమ్ ప్రాజెక్ట్గా భావిస్తున్న చంద్రగుప్త మౌర్య జీవిత కథను వెండితెరపైకి తీసుకురావాలని ఆదిత్య ధర్ భావిస్తున్నట్లు సమాచారం. ప్రస్తుతం ఈ సినిమా స్క్రిప్ట్ పనుల్లో ఆయన బిజీగా ఉన్నారట. 2027లో చిత్రీకరణ ప్రారంభించి.. 2028 చివర్లో సినిమాను ప్రేక్షకుల ముందుకు తీసుకురావాలని ప్లాన్ చేస్తున్నాడని టాక్.
Also Read
- Nasha MuktBharat: డ్రగ్స్ మహమ్మారిపై సమరశంఖం.. 'నషా ముక్త్ భారత్ యాత్ర'కు కింగ్ నాగార్జున మద్దతు..
- January 12 Vidudala: ప్రమోషన్స్ అంటే చాలు వచ్చేస్తాడు.. అనిల్ రావిపూడిపై కృతి, కీర్తి సెటైర్లు!
- Swasika: ఆమె నటిస్తే మూవీ హిట్టే.. 'ఏవోటీ'తో హ్యాట్రిక్ సాధిస్తుందా?
- Monalisa: కుంభమేళా వైరల్ గర్ల్ మోనాలిసా ఇప్పుడు ఎక్కడుంది? పెళ్లి తర్వాత జీవితం ఎలా మారింది?
ఎలాంటి అంచనాలు లేకుండా విడుదలైన ధురంధర్ అనూహ్య విజయాన్ని అందుకుని రూ.1,300 కోట్లకు పైగా వసూళ్లు సాధించింది. దీంతో సీక్వెల్పై భారీ అంచనాలు ఏర్పడ్డాయి. ధురంధర్: ది రివెంజ్ కూడా బాక్సాఫీస్ వద్ద రూ.1,800 కోట్ల వసూళ్లతో సంచలనం సృష్టించి.. భారతీయ సినిమాల్లో అత్యధిక వసూళ్లు సాధించిన చిత్రాల జాబితాలో రెండో స్థానానికి చేరింది. ఈ నేపథ్యంలో రణ్వీర్ సింగ్, ఆదిత్య ధర్ మరోసారి కలిసి పనిచేస్తే.. ఆ సినిమాపై అంచనాలు ఏ స్థాయిలో ఉంటాయో ప్రత్యేకంగా చెప్పనక్కర్లేదు. అయితే చంద్రగుప్త మౌర్య బయోపిక్ కోసం వీరిద్దరూ నిజంగానే చేతులు కలుపుతున్నారా? లేక ఇది కూడా మరో ప్రచారానికే పరిమితం అవుతుందా? అనేది అధికారిక ప్రకటన వచ్చే వరకు వేచి చూడాల్సిందే.
తాజావార్తలు
-
Aditya Dhar: రణ్వీర్ సింగ్తోనే ఆదిత్య ధర్ మూవీ.. ఈసారి మరో డ్రీమ్ ప్రాజెక్ట్!
-
CM Revanth Reddy: క్యూర్, ప్యూర్, రేర్.. తెలంగాణ సమగ్రాభివృద్ధికి సీఎం రేవంత్ రెడ్డి మూడు రీజియన్ల ఫార్ములా..
-
Azam Khan Released From Jail: ఇక ఎన్నికలు కాదు.. విప్లవమే వస్తుంది! అజం ఖాన్ సంచలన వ్యాఖ్యలు
-
Ravindra Jadeja: జడేజాను పక్కన పెట్టడానికి అసలు కారణం ఇదే.. కోచ్ క్లారిటీ!
-
Nasha MuktBharat: డ్రగ్స్ మహమ్మారిపై సమరశంఖం.. ‘నషా ముక్త్ భారత్ యాత్ర’కు కింగ్ నాగార్జున మద్దతు..
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!