Health: వేగంగా విస్తరిస్తున్న సమస్య.. ప్రతి 10 మందిలో ముగ్గురికి ఈ వ్యాధి

దేశంలో పెరుగుతున్న దీర్ఘకాలిక వ్యాధుల కారణంగా ఆరోగ్య రంగంపై ప్రతి సంవత్సరం అదనపు భారం పెరుగుతోంది. మధుమేహం, అధిక రక్తపోటు, గుండె జబ్బులతో పాటు.. అనేక రకాల కాలేయ సంబంధిత వ్యాధులు ఆరోగ్య నిపుణులను ఆందోళనకు గురిచేస్తున్నాయి. నాన్-ఆల్కహాలిక్ ఫ్యాటీ లివర్ డిసీజ్ ముప్పు గురించి భారత్ అలర్ట్ అయింది. ఈ తీవ్రమైన ఆరోగ్య సమస్యపై కేంద్ర ఆరోగ్య శాఖ కార్యదర్శి అపూర్వ చంద్ర ఆందోళన వ్యక్తం చేశారు. నాన్-ఆల్కహాలిక్ ఫ్యాటీ లివర్ డిసీజ్ (ఎన్‌ఎఎఫ్‌ఎల్‌డి) వేగంగా ప్రజారోగ్య సమస్యగా అభివృద్ధి చెందుతోందని ఆయన అన్నారు. యువతలో దీని ప్రమాదం మరింత పెరిగిందని తెలిపారు.

దేశంలోని ప్రతి పది మందిలో దాదాపు ముగ్గురు ఈ సమస్యకు గురవుతున్నారు. ఈ సమస్య ఆరోగ్య రంగంపై అదనపు ఒత్తిడిని పెంచుతుంది. NAFLD కోసం మార్గదర్శకాలు, శిక్షణా మాడ్యూళ్లను విడుదల చేస్తూ.. భారతదేశం దీనిని నాన్-కమ్యూనికేబుల్ డిసీజ్ (NCD)గా వర్గీకరించడానికి చొరవ తీసుకుంది. ఈ వ్యాధి గురించి ప్రజలందరూ తెలుసుకోవడం.. దాని నివారణకు చర్యలు తీసుకోవడం చాలా ముఖ్యం. నాన్-ఆల్కహాలిక్ ఫ్యాటీ లివర్ డిసీజ్ (NAFLD).. ఊబకాయం, మధుమేహం, గుండె జబ్బులు వంటి అనేక జీవక్రియ వ్యాధులతో సంబంధం కలిగి ఉంటుందని కేంద్ర ఆరోగ్య కార్యదర్శి తెలిపారు. నాన్-ఆల్కహాలిక్ ఫ్యాటీ లివర్ వ్యాధి ఉన్నవారికి సంరక్షణ.. చికిత్స చాలా ముఖ్యం. పెరుగుతున్న ఈ వ్యాధి ప్రమాదాలను తగ్గించడానికి జీవనశైలి, ఆహారం రెండింటినీ మెరుగుపరచాలి.

Read Also: Nicholas Pooran: పురాన్ విధ్వంసం.. ప్రపంచ రికార్డు బద్దలు..!

ఈ పెరుగుతున్న కాలేయ వ్యాధి సమస్య గురించి ఇన్స్టిట్యూట్ ఆఫ్ లివర్ అండ్ బిలియరీ సైన్సెస్ (ILBS) డైరెక్టర్ డాక్టర్ SK సారిన్ మాట్లాడుతూ.. మధుమేహం, గుండె జబ్బులు, క్యాన్సర్ వంటి నాన్-కమ్యూనికేబుల్ వ్యాధులు కూడా కాలేయ ఆరోగ్యాన్ని ప్రభావితం చేస్తాయని అన్నారు. దేశంలో 66 శాతానికి పైగా మరణాలు ఎన్‌సిడిలకు సంబంధించినవేనని పేర్కొన్నారు. పొగాకు వినియోగం, ఆల్కహాల్, తప్పుడు ఆహారపు అలవాట్లు, శారీరక శ్రమ లేకపోవడం, వాయు కాలుష్యం తదితర కారణాలతో అంటువ్యాధులు పెరుగుతున్నాయని.. ఫ్యాటీ లివర్ వ్యాధి వచ్చే ప్రమాదాన్ని కూడా పెంచుతున్నాయని మంత్రిత్వ శాఖ ఒక ప్రకటనలో తెలిపింది. ఇంతకు ముందు.. కేంద్ర మంత్రి డాక్టర్ జితేంద్ర సింగ్ కూడా ఈ వ్యాధి గురించి ప్రజలను అప్రమత్తం చేయడం గమనార్హం. దేశంలోని ప్రతి మూడో వ్యక్తికి ఫ్యాటీ లివర్‌ వ్యాధి వచ్చే అవకాశం ఉందని కేంద్ర మంత్రి అన్నారు. మద్యం సేవించని వారిలో కూడా ఈ వ్యాధి ముప్పు వేగంగా పెరుగుతోందని తెలిపారు.

ఆల్కహాలిక్ ఫ్యాటీ లివర్ డిసీజ్ తక్కువ ఆల్కహాల్ తాగే లేదా ఆల్కహాల్ తాగని వ్యక్తులను ప్రభావితం చేస్తుంది. ఈ సందర్భంలో కాలేయంలో చాలా కొవ్వు పేరుకుపోవడం ప్రారంభమవుతుంది. దీని కారణంగా ఈ అవయవం యొక్క సాధారణ పనితీరు ప్రభావితమవుతుంది. ఊబకాయంతో బాధపడుతున్న వ్యక్తులలో NAFLD కేసులు తరచుగా కనిపిస్తాయి. జీవనశైలి కారకాలు ప్రమాదాన్ని పెంచుతాయని భావించినప్పటికీ.. కాలేయ కొవ్వు అభివృద్ధి చెందడానికి కారణమేమిటో నిపుణులకు ఖచ్చితంగా తెలియదు.

Read Also: Saree Girl : వర్మ డెన్లో శారీ గర్ల్ బర్త్ డే సెలబ్రేషన్స్