Nifty IT: టీసీఎస్ నుండి విప్రో వరకు పడిపోయిన షేర్లు..

ఈరోజు మధ్యాహ్నం 12 గంటల లోపే స్టాక్ మార్కెట్ కుదేలయింది. ప్రముఖ ఐటీ కంపెనీల షేర్ల పతనం నుంచి స్టాక్ మార్కెట్ కోలుకోలేకపోయింది. నిఫ్టీ ఐటీ ఇండెక్స్ 3.15 శాతం పడిపోయింది. టీసీఎస్ (TCS) నుండి Mphasis వరకు షేర్లు అదే బాటలో నడుస్తున్నాయి. ఈరోజు మధ్యాహ్నం 1.30 గంటల వరకు దీని షేర్లు 5.45 శాతం క్షీణతతో రూ. 3004.60 వద్ద ట్రేడవుతున్నాయి. ఈరోజు ఈ షేర్ రూ. 3156.35 వద్ద ప్రారంభమైంది. విప్రో షేర్లు దాని మునుపటి ముగింపు ధరతో పోలిస్తే 2.81% తగ్గి రూ.536.40 వద్ద ట్రేడవుతున్నాయి.

Read Also: MP News: గణేశ్ మండపంలో మాంసం ముక్కలు..

ఎల్టీటీస్ (LTTS) 4 శాతం కంటే ఎక్కువగా పడిపోయి 5434.85కి చేరుకుంది. ఉదయం రూ. 5665 వద్ద ట్రేడింగ్ ప్రారంభమైంది. ఉదయం రూ.5320 వద్ద ప్రారంభమైన పెర్సిస్టెంట్ కూడా 3.77% తగ్గి రూ.5154కు చేరుకుంది. టాటా కంపెనీ టీసీఎస్ షేర్లలో 3.58 శాతం క్షీణత నమోదైంది. ఇప్పుడు రూ.4344 వద్ద ట్రేడవుతోంది. HCL టెక్‌లో 3.28% క్షీణత ఉంది. ఇన్ఫోసిస్ కూడా దాదాపు 3% పడిపోయి రూ.1894కి చేరుకుంది. టెక్ మహీంద్రా 2.96 శాతం, కోఫోర్జ్ 2.73 శాతం, ఎల్‌టిఐ మైండ్‌ట్రీ 1.77 శాతం పడిపోయాయి.

Read Also: CM Revath Reddy: రుణమాఫీ చేశాం..అయిన రైతుల బాధలు తప్పడం లేదు

ఐటీ కంపెనీల షేర్లలో ఈ క్షీణత స్టాక్ మార్కెట్ వృద్ధికి ముగింపు పలికింది. మధ్యాహ్నం 1.30 గంటల ప్రాంతంలో సెన్సెక్స్ 170 పాయింట్లు పతనమై 82908 వద్దకు చేరుకుంది. నిఫ్టీ కూడా 62 పాయింట్లు పతనమై 25355 వద్దకు చేరుకుంది. మరోవైపు శ్రీరామ్ ఫైనాన్స్, బజాజ్ ఫైనాన్స్, ఐసీఐసీఐ బ్యాంక్, బజాజ్ ఫిన్‌సర్వ్, స్టేట్ బ్యాంక్ వంటి షేర్లు టాప్ గెయినర్స్‌లో ఉన్నాయి.