చిత్రసీమలో గురువులు
- Follow Us :
-
-
Add as a preferred
source on google
తన పుట్టినరోజున ఉపాధ్యాయ దినోత్సవంగా ప్రకటించాలని ఆ నాటి రాష్ట్రపతి సర్వేపల్లి రాధాకృష్ణన్ ఆకాంక్షించారు. అప్పటి నుంచీ ఆయన పుట్టినరోజయిన సెప్టెంబర్ 5న దేశవ్యాప్తంగా గురుపూజ్యోత్సం సాగుతోంది. చిత్రసీమలోనూ ఈ సంప్రదాయం కొనసాగేది. తెలుగు సినిమా రంగంలో గురువు అన్న పదం వినగానే అందరికీ ముందుగా గుర్తుకు వచ్చేది దర్శకరత్న దాసరి నారాయణరావే. ఆయన శిష్యప్రశిష్యులు ఈ నాటికీ చిత్రసీమలో దర్శకులుగా వెలుగొందుతూనే ఉన్నారు. తమను సినిమా రంగానికి పరిచయం చేసిన వారిని, ఎక్కువ అవకాశాలు కల్పించిన వారిని, పేరు తెచ్చిన అవకాశాలు ఇచ్చిన వారినీ కూడా చిత్రసీమలో గురువులుగానే భావిస్తూ ఉంటారు. అలాంటి గురువులు ఎవరెవరికి ఏం చేశారో గురుపూజ్యోత్సవం సందర్భంగా మననం చేసుకుందాం.
విశ్వవిఖ్యాత నటసార్వభౌముడు నందమూరి తారక రామారావు గారు తనను చిత్రసీమకు పరిచయంచేసిన ఎల్.వి.ప్రసాద్ ను, తనతో మల్లీశ్వరి వంటి కళాఖండాన్ని తెరకెక్కించిన బి.యన్.రెడ్డిని, తనను పాతాళభైరవితో సూపర్ స్టార్ గా నిలిపిన కేవీ రెడ్డిని గురుతుల్యులుగా భావించేవారు. అలాగే వారు వచ్చి తనను ఏదైనా కోరినా, వెంటనే అందుకు అంగీకరించి, తాను వారి రుణం తీర్చుకోలేకపోయినా, దానిని గురుదక్షిణగా భావించేవారు. యన్టీఆర్ స్వీయ దర్వకత్వంలో రూపొందించి, నటించిన తల్లా పెళ్ళామా చిత్రాన్ని ఎల్.వి.ప్రసాద్ చూడగానే, ఆ సినిమా హిందీ రీమేక్ రైట్స్ ఇవ్వమని అడిగారు. రామారావు గురుదక్షిణగా తాను రాసిన కథను ఏమీ తీసుకోకుండానే ఇచ్చేశారు. అలాగే బి.యన్. రెడ్డి కోరగానే ఆయన నిర్మించి, దర్శకత్వం వహించిన బంగారు పంజరం చిత్రానికి వ్యాఖ్యానం చేశారు. ఇక కేవీ రెడ్డి కోరినప్పుడల్లా ఆయన నిర్మించిన చిత్రాలలో నటించారు. అలాగే తాను నిర్మించిన తొలి రంగుల చిత్రం శ్రీకృష్ణ సత్యకు గురువు కేవీరెడ్డినే దర్శకునిగా నియమించుకున్నారు.
Also Read
- Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
- Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
- Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
- Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
ఇక నటసమ్రాట్ అక్కినేని నాగేశ్వరరావుకు చిత్రసీమలో ఇద్దరు గురువులు. వారిలో దుక్కిపాటి మధుసూదనరావు మొదటివారు. ఏయన్నార్ నాటకాలు వేస్తున్న రోజుల నుంచీ ఆయనను తీర్చిదిద్దారు దుక్కిపాటి. అందుకే ఆయనతో కలసి అన్నపూర్ణ పిక్చర్స్ సంస్థను నెలకొల్పారు. ఈ గురుశిష్యులబంధం గురించి తెలుగు చిత్రసీమలో అందరికీ తెలుసు. గురువు నిర్మించే చిత్రాలు విజయం సాధించాలని ఈ శిష్యుడుకోరుకోగా, తన శిష్యుడు ఏయన్నార్ కు తాను వైవిధ్యమైన చిత్రాలు అందించాలని గురువు అభిలషించేవారు. ఇక మరో గురువు ఎవరంటే తనను సీతారామజననంతో తనను చిత్రసీమకు పరిచయం చేసిన ఘంటసాల బలరామయ్య. ఆయన తెరకెక్కించిన బాలరాజు చిత్రంతోనే ఏయన్నార్ కు ఎనలేని పేరు లభించింది. బలరామయ్య చివరగా రేచుక్క చిత్రానికి దర్శకత్వం వహిస్తూ కన్నుమూశారు. పి.పుల్లయ్య ఆ సినిమాను పూర్తి చేశారు. అందులో యన్టీఆర్ హీరో అయినా, ఓ పాటలో కనిపించి గురువును మరచిపోలేదని నిరూపించుకున్నారు ఏయన్నార్.
కృష్ణ అంతకు ముందే కొన్ని చిత్రాలలో బిట్ రోల్స్ లో కనిపించినా, ఆయన హీరోగా నటించిన తొలి చిత్రం తేనెమనసులు. ఆదుర్తి తెరకెక్కించిన ఈ చిత్రం ద్వారా కృష్ణతో పాటు రామ్ మోహన్ కూడా హీరోగా పరిచయం అయ్యారు. ఆ తరువాత కృష్ణ స్టార్ హీరోగా ఎదిగారు. తనను హీరోగా నిలిపిన ఆదుర్తి సుబ్బారావును కృష్ణ గురువుగా భావించేవారు. ఆదుర్తి నిర్మించి దర్శకత్వం వహించిన మాయదారి మల్లిగాడులో కృష్ణ పారితోషికం పుచ్చుకోకుండా నటించారు. శోభన్ బాబు తొలిసారి తెరపై కనిపించిన చిత్రం దైవబలం. ఈ చిత్రంలో యన్టీఆర్ కథానాయకుడు. ఈ సినిమా తరువాత శోభన్ బాబు స్టార్ కావడానికి దాదాపు పుష్కరకాలం పట్టింది. శోభన్ బాబుకు వెంటనే తన సీతారామకళ్యాణం చిత్రంలో అవకాశం కల్పించారు యన్టీఆర్. ఆ తరువాత దాదాపు యన్టీఆర్ నటించిన 20 చిత్రాలలో శోభన్ బాబుకు ఏదో ఒక పాత్ర ఇప్పిస్తూ వచ్చారు రామారావు. అందువల్ల యన్టీఆర్ ను శోభన్ బాబు గురువుగా భావించేవారు. అందువల్లే తమ నివాసంలో యన్టీఆర్ పెద్ద పటం పెట్టుకొని ఆరాధించేవారు శోభన్. కృష్ణంరాజును చిలకా గోరింకా చిత్రం ద్వారా తెరకు పరిచయం చేశారు కె.ప్రత్యగాత్మ. అందువల్ల ఆయనను గురువుగా భావించి గౌరవించేవారు కృష్ణంరాజు.
మోహన్ బాబు తనను చిత్రసీమలో హీరోగానిలిపిన దాసరి నారాయణరావును గురువుగా ఆరాధించేవారు. ఈ విషయం అందరికీ తెలుసు. గురువు దాసరి నిర్మించిన చిత్రాలలో మోహన్ బాబు అనేకసార్లు పారితోషికం పుచ్చుకోకుండా నటించారు. దాసరి, మోహన్ బాబు బంధం గురించి తెలుగు చిత్రపరిశ్రమలో ఎవరినడిగినా చెబుతారు. చిరంజీవిలోని నటునికి తగిన పాత్రలు ఇచ్చి ప్రోత్సహించారు కె.బాలచందర్. ఆయన దర్శకత్వంలో రూపొందిన ఇది కథ కాదు, 47రోజులు చిత్రాల్లో చిరంజీవి విలన్ గా నటించినా, నటునిగా మంచిపేరు సంపాదించారు. అందువల్ల బాలచందర్ ను గురువుగా అభిమానిస్తారు చిరంజీవి. ఆ కారణంగానే తమ తొలి సొంత చిత్రం రుద్రవీణను బాలచందర్ దర్శకత్వంలోనే నిర్మించారు చిరంజీవి. ఇక నందమూరి బాలకృష్ణకు గురువు ఎవరంటే ఆయన తండ్రి యన్టీఆర్ అని అందరికీ తెలుసు. ఎందుకంటే యన్టీఆర్ సినిమాలు చూస్తూనే పెరిగారు. పైగా యన్టీఆర్ దర్శకత్వంలోనే నటునిగా ఆరితేరారు. అందువల్ల తండ్రి తారకరాముణ్ణే గురువుగా ఆరాధిస్తారు, అభిమానిస్తారు బాలయ్య. నాగార్జున తన తండ్రి ఏయన్నార్ ను, దర్శకుడు వి.మధుసూదనరావును గురువులుగా గౌరవిస్తారు. ఇక వెంకటేశ్ తనను చిత్రసీమలో హీరోగా నిలిపిన కె.రాఘవేంద్రరావును గురువుగారు అంటూ ఎంతగానో గౌరవిస్తారు. గురువు ఏ రోజున కాల్ షీట్స్ అడిగినా లేదనకుండా ఇచ్చేవారు వెంకటేశ్.
ఇలా టాప్ స్టార్స్ కే కాదు, ప్రస్తుతం యంగ్ స్టార్స్ కు కూడా ఎంతోమంది గురువులు ఉన్నారు. ఇక ఆ నాటి మేటి టెక్నీషియన్స్, డైరెక్టర్స్, నిర్మాతలు సైతం తమను చిత్రసీమలో నిలదొక్కుకొనేలా చేసిన వారిని గురువుగానే అభిమానించేవారు. అలాంటి వారందరూ గురుపూజ్యోత్సవాన తమ గురువులను తలచుకుంటూనే ఉంటారని చెప్పవచ్చు. గురువును త్రిమూర్తులతో పోల్చారు పెద్దలు. అందువల్ల తమ ఉనికికి, స్థితికి, అభివృద్ధికి కారకులయిన గురువులను ఎవరూ మరచిపోరాదు. సినిమారంగంలోనూ తమ గురువులను అందరూ ఆరాధిస్తూనే ఉంటారని చెప్పవచ్చు.
తాజావార్తలు
-
Instagram New Rules in India: కేంద్రం సీరియస్.. Instagram అల్గారిథమ్ మార్చిన Meta.. యూజర్లకు కొత్త రూల్స్!
-
Madurai Tanishq Robbery Case: తనిష్క్ దోపిడీ కేసులో కొత్త ట్విస్ట్.. TVK–NTK మధ్య పొలిటికల్ వార్..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
Chiranjeevi: నాతో సినిమా చేస్తావా అని ఏ డైరెక్టర్ని అడగలేదు.. ఈ దుర్మార్గుడు హ్యాండిచ్చాడు!
ట్రెండింగ్
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..
-
SRH-IPL 2027: హెడ్కు గుడ్బై.. మరో 8 మంది అవుట్.. ఎస్ఆర్హెచ్ రిటెన్షన్, రిలీజ్, పర్స్ డీటెయిల్స్ ఇవే!
-
MS Dhoni Drone Show: రెండు కళ్లు చాలవుగా చూడడానికి.. ధోనీ రెటైమెంట్తో ప్రత్యేక డ్రోన్ షో నిర్వహించిన సీఎస్కే..!
-
IPL 2027 Retentions: ధోనీ ఔట్.. ట్రావిస్ హెడ్, స్టార్క్కు షాక్.. 10 జట్ల రిటెన్షన్, రిలీజ్, పర్స్ డీటెయిల్స్ ఇవే!