Sri Lanka vs Afghanistan: ఉత్కంఠభరితంగా సాగిన పోరులో లంక విజయం
- Follow Us :
-
-
Add as a preferred
source on google
Sri Lanka Won Against Afghanistan In Asia Cup In Super 4 Category: ఆసియా కప్లో భాగంగా సూపర్ ఫోర్లో చోటు సంపాదించుకున్న శ్రీలంక, ఆప్ఘనిస్తాన్ జట్ల మధ్య నిన్న రాత్రి మ్యాచ్ జరిగింది. చివరి ఓవర్ వరకూ ఉత్కంఠభరితంగా సాగిన ఈ పోరులో.. శ్రీలంక విజయం సాధించింది. ఆఫ్ఘనిస్తాన్ కుదిర్చిన 176 పరుగుల లక్ష్యాన్ని శ్రీలంక జట్టు 19.1 ఓవర్లలో ఛేదించింది. ఒకానొక దశలో శ్రీలంక కాస్త తడబడటం, ఆఫ్ఘనిస్తాన్ బౌలర్లు పట్టు సాధించడంతో.. ఆఫ్ఘన్ ఈ మ్యాచ్ కైవసం చేసుకోవచ్చన్న సందేహాలు వ్యక్తమయ్యాయి. అయితే.. చివర్లో వచ్చిన లంక బ్యాట్స్మన్లు చెలరేగడంతో, నాలుగు వికెట్లు, ఐదు బంతులు మిగిలుండగానే లక్ష్యాన్ని ఛేదించగలిగారు.
షార్జా క్రికెట్ స్టేడియం వేదికగా జరిగిన ఈ మ్యాచ్లో తొలుత టాస్ గెలిచిన శ్రీలంక జట్టు బౌలింగ్ ఎంపిక చేసుకుంది. దీంతో బ్యాటింగ్ చేసేందుకు ఆఫ్ఘనిస్తాన్ బ్యాట్స్మన్లు రంగంలోకి దిగారు. ఆరంభం నుంచే ఆఫ్ఘన్ బ్యాట్స్మన్లు దూకుడుగా ఆడారు. ఓపెనర్ హజ్రతుల్లా జజై (13) వెంటనే పెవిలియన్ చేరినా.. అతనితో పాటు క్రీజులో దిగిన రహ్మానుల్లా గుర్బాజ్ మాత్రం లంక బౌలర్లపై తాండవం చేశాడు. కేవలం 45 బంతుల్లోనే 4 ఫోర్లు, 6 సిక్సర్ల సహాయంతో 84 పరుగులు చేశాడు. వన్ డౌన్లో వచ్చిన ఇబ్రహీం జద్రాన్ (38 బంతుల్లో 40) అతనికి తోడు ఇవ్వడంతో.. ఇద్దరు కలిసి రెండో వికెట్కి 93 పరుగుల భాగస్వామ్యాన్ని జోడించారు. అయితే.. ఆ తర్వాత వచ్చిన బ్యాట్స్మన్లు ఎవరూ పెద్దగా రాణించలేకపోయారు. ఫలితంగా.. నిర్ణీత 20 ఓవర్లలో ఆరు వికెట్ల నష్టానికి ఆఫ్ఘనిస్తాన్ 175 పరుగులు చేసింది. తొలుత ఆఫ్ఘన్ బ్యాట్స్మన్లు చూపించిన దూకుడు చూసి, 200 పరుగుల మార్క్ని దాటిస్తారని అనుకున్నారు కానీ, అది సాధ్య పడలేదు.
Also Read
- SWT 2026: టైటిల్ విజేతగా కర్ణాటక.. రికార్డు సృష్టించిన శ్రేయాంక పాటిల్.!
- Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
- KL Rahul Record: కేఎల్ రాహుల్ నయా రికార్డు.. 2004 తర్వాత ఇదే మొదటిసారి!
- Sarfaraz Khan: టీమిండియా డ్రెస్సింగ్ రూమ్ లీక్ ఆరోపణలు.. ఎట్టకేలకు స్పందించిన సర్ఫరాజ్ ఖాన్!
ఇక 176 పరుగుల లక్ష్యంతో రంగంలోకి దిగిన శ్రీలంక బ్యాట్స్మన్లు సైతం మొదట్నుంచే తమ బ్యాటుకి పని చెప్పడం మొదలుపెట్టారు. ఓపెనర్ నిస్సాంకా (28 బంతుల్లో 35) ఆచితూచి రాణిస్తే, అతనితో పాటు క్రీజులోకి వచ్చిన కుశల్ మెండిస్ మాత్రం మెరుపులు మెరిపించాడు. 19 బంతుల్లోనే 2 ఫోర్లు, 3 సిక్సర్ల సహాయంతో 36 పరుగులు చేశారు. అయితే.. వీళ్లిద్దరు ఔటయ్యాక మ్యాచ్ ఆఫ్ఘన్ వైపు టర్న్ తీసుకుంది. ధనుష్క గుణతిలక (20 బంతుల్లో 33) దుమ్మురేపినా.. అతని కంటే ముందు, అతని తర్వాత వచ్చిన చరిత్ అసలంక (14 బంతుల్లో 8), దాసున శనక (9 బంతుల్లో 10) నిరాశపరిచారు. ఈ దెబ్బకు మ్యాచ్ ఆఫ్ఘన్దేనని అనుకున్నారు. కానీ.. ధనుష్క రాజపక్స తన విధ్వంసకర ఇన్నింగ్స్తో మలుపు తిప్పేశాడు. 14 బంతుల్లోనే 31 పరుగులు చేయడంతో, లంక లక్ష్యానికి చేరువైంది. అతని తదనంతరం వచ్చిన వనిందు (9 బంతుల్లో 16), చమిక (2 బంతుల్లో 5) రాణించడంతో.. శ్రీలంక లక్ష్యాన్ని చేధించగలిగింది.
తాజావార్తలు
-
AI Data Centre Row: విదేశాల్లో డేటా సెంటర్లు నిర్మిస్తే భారీ పన్నులు!.. అమెరికా టెక్ కంపెనీలకు ట్రంప్ వార్నింగ్
-
Rashmika: ‘ఒసేయ్ రాములమ్మ’ అనగానే భయమేసింది.. మ్యాచ్ చేయలేం కానీ..!
-
దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ (DPIFF) అవార్డ్స్ 2026 ప్రకటన.. విజేతలు వీరే..!
-
Supreme Court on Cousin Marriages: దగ్గరి బంధువుల మధ్య వివాహాలపై కొత్త చట్టం?.. కేంద్రానికి సుప్రీంకోర్టు కీలక సూచన
-
Koti Deepotsavam 2026: కన్నుల పండుగగా కోటి దీపోత్సవం.. నేడు ఎనిమిదో రోజు ప్రత్యేక కార్యక్రమాలు ఇవే!
ట్రెండింగ్
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..
-
IND vs PAK: పాకిస్థాన్తో మ్యాచ్ మాకో లెక్కే కాదు.. టీమిండియా కెప్టెన్ హాట్ కామెంట్స్..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!