టాలీవుడ్ లో విభిన్నమైన కథలకు పెట్టింది పేరు ప్రశాంత్ వర్మ. ప్రస్తుతం ఈ యంగ్ డైరెక్టర్.. యంగ్ హీరో తేజ సజ్జా తో కలిసి సూపర్ హీరో హనుమాన్ అనే సినిమాను తెరకెక్కిస్తున్న సంగతి తెలిసిందే. 100 రోజుల్లో ఈ షూటింగ్ పూర్తిచేసిన ఈ డైరెక్టర్ తన తదుపరి చిత్రాన్ని అధికారికంగా ప్రకటించాడు. ఈ బిగ్ అనౌన్సమెంట్ ను ఏకంగా ఆర్ఆర్ఆర్ త్రయం రాజమౌళి, రామ్ చరణ్ మరియు జూనియర్ ఎన్టీఆర్ లతో లాంచ్ చేయించడం విశేషం. టాలీవుడ్ ప్రముఖ నిర్మాత డీవీవీ దానయ్య తనయుడు దాసరి కళ్యాణ్ ని హీరోగా పరిచయం చేసే బాధ్యతను ప్రశాంత్ తీసుకున్నాడు. అధీరా అనే టైటిల్ తో ఈ సినిమా తెరకెక్కుతుంది. ఇక ఈ సినిమా టైటిల్ లుక్ ను మేకర్స్ రిలీజ్ చేశారు.
సూపర్ హీరో గా కళ్యాణ్ ను చూపిస్తూ కట్ చేసిన గ్లింప్స్ అదిరిపోయింది. అధీరా అంటూ వెనుక నుంచి వచ్చిన బ్యాక్ గ్రౌండ్ మ్యూజిక్ అదిరిపోయిందనే చెప్పాలి. మొత్తానికి టైటిల్ తోనే సగం ఆసక్తిని పెంచిన డైరెక్టర్ కళ్యాణ్ ఫస్ట్ లుక్ డిజైన్ తో ఈ సినిమా భారీ అంచనాలు రేకెత్తించాడు ప్రశాంత్ వర్మ. టాలీవుడ్ లోనే మొట్టమొదటి జాంబీ మూవీ ని డైరెక్ట్ చేసింది ప్రశాంత్ వర్మనే .. ఇక హనుమాన్ తో మొట్టమొదటి సూపర్ హీరో సినిమాను తీస్తున్నాడు. ఇక ఇప్పుడేమో మరో అద్భుతమైన సినిమాతో రాబోతున్నాడు. మరి చూడాలి ఈ సినిమాతో ఈ యంగ్ డైరెక్టర్ ఎలాంటి హిట్ ని అందుకుంటాడో..
