ఇలియానా.. తెలుగు ప్రేక్షకులను ప్రత్యేకంగా పరిచయం అక్కర్లేని పేరు.. ఆమె సన్నని నడుముకు ఫిదా కానీ వారు ఉండరు. అయితే ఇప్పుడు ఇలియానా కొంచెం బొద్దుగా తయారైన విషయం తెలిసిందే. బావులవుడ్ లో అడపాదడపా సినిమాల్లో కనిపిస్తున్న ఈ బ్యూటీ ప్రస్తుతామ్ టాలీవుడ్ లో మళ్లీ అడుగుపెట్టాలని చూస్తోంది. ఇక సోషల్ మీడియాలో హాట్ హాట్ గా కనిపిస్తూ అందాలను ఆరబోస్తున్న ఈ బ్యూటీ ఐటెం భామగా మారుతుందని టాక్ వినిపిస్తోంది. తనకు కలిసొచ్చిన హీరో రవితేజతోనే అమ్మడు చిందులు వేయనున్నదట. రవితేజ సరసన ఇలియానా కిక్ చిత్రంలో నటించింది.. ఆ తరువాత సెకండ్ ఇన్నింగ్స్ లో అమర్ అక్బర్ ఆంటోని చిత్రంతో రవితేజని ఛాన్స్ ఇచ్చాడు. ఇక ఇప్పుడు కూడా మాస్ మహారాజానే ఆదుకోవాలని చూస్తున్నాడట.
ప్రస్తుతం రవితేజ నటిస్తున్న చిత్రాల్లో రామారావు ఆన్ డ్యూటీ ఒకటి.శరత్ మండవ దర్శకుడిగా పరిచయం అవుతున్న ఈ చిత్రాన్ని ఎస్ఎల్వీ సినిమాస్ ఎల్ఎల్పీ బ్యానర్ మీద సుధాకర్ చెరుకూరి నిర్మిస్తున్నారు. శరవేగంగా షూటింగ్ జరుపుకుంటున్న ఈ సినిమాలో ఇలియానా ఒక స్పెషల్ సాంగ్ లో కనిపించనున్నదని టాక్ వినిపిస్తోంది. ఇక ఈ సినిమాలో రవితేజ పవర్ ఫుల్ పోలీసాఫీసర్ గా కనిపిస్తున్న సంగతి తెలిసిందే. ఇందులో అదిరిపోయే ఓ ఐటెం సాంగ్ కోసం రవితేజ ఇలియానాను రికమెండ్ చేశాడట. ఆమెను సంప్రదించగా ఆమె కూడా టక్కున ఒకే చెప్పినట్లు సమాచారం. అవకాశాలు లేక ఖాళీగ కూర్చోడం కన్నా వచ్చిన అవకాశాన్ని సద్వినియోగం చేసుకోవాలని చూస్తున్నదంట ఇల్లీ బేబీ.. మరి ఇందులో ఎంతవరకు నిజముందో చూడాలి.
