Allu Arjun: షాకింగ్.. రీ రిలీజ్ వద్దన్న బన్నీ?
ఈ మధ్యకాలంలో సినిమాలను రీ-రిలీజ్ చేస్తున్న దాఖలాలు ఎక్కువయ్యాయి. ఎప్పుడో ఏళ్ల క్రితం వచ్చిన సినిమాలనే కాదు, ఇటీవలే రిలీజ్ అయి మంచి కరేజ్ అందుకున్న సినిమాలను సైతం రీ-రిలీజ్ చేస్తున్నారు. అలా ఈ మధ్య బాహుబలి ఫ్యాన్స్ సినిమాను ఒక భాగంగా కట్ చేసి రిలీజ్ చేసి, సుమారు 50 కోట్ల వరకు కలెక్షన్స్ రాబట్టారు. వీరి ప్రణాళిక ప్రకారం పుష్ప మొదటి రెండు భాగాలను కూడా ఇలాగే రిలీజ్ చేస్తారని భావించారు. ఈ విషయాన్ని అల్లు అర్జున్, సుకుమార్ దృష్టికి కూడా తీసుకెళ్లారు. అయితే ఇద్దరూ ఆ ప్రపోజల్ను తిరస్కరించినట్లు సమాచారం. కారణం, పుష్ప సెకండ్ పార్ట్ గత ఏడాది డిసెంబర్లోనే విడుదలైంది.
కానీ బాహుబలి సుమారు 10 ఏళ్ల క్రితం వచ్చింది కాబట్టి ఆ సినిమా మీద ఇప్పటికీ క్రేజ్ కొనసాగుతోంది. కాబట్టి గత ఏడాది విడుదలైన సినిమాను ఇప్పుడు మళ్లీ రిలీజ్ చేయడం సరైందేమీ కాదని వారు భావించినట్లు తెలుస్తోంది. దాంతో పాటు సుకుమార్ కూడా ఈ కటింగ్ చూసుకునేంత ఖాళీగా లేరని, ఆయన ప్రస్తుతం బిజీగా ఉన్నారని సమాచారం. ఈ నేపధ్యంలో ఇప్పట్లో ఈ సినిమాను రీ-రిలీజ్ చేసే ఆలోచన లేదని చెబుతున్నారు. రామ్ చరణ్తో సినిమా పూర్తి చేసిన తర్వాత సుకుమార్ పుష్ప మూడవ భాగంపై దృష్టి కేంద్రీకరించనున్నారని, అల్లు అర్జున్ కూడా అట్లీ సినిమా పూర్తవగానే సుకుమార్ ప్రాజెక్టుపై ఫోకస్ చేసే అవకాశం ఉందని తెలుస్తోంది.