Karivepaku Kaaram Podi: ముద్దగ కాకుండా.. పొడిపొడిగా, పర్ఫెక్ట్గా “కరివేపాకు కారప్పొడి” కావాలా.? ఇంకెందుకు ఆలస్యం ఇలా ఫాలో అవ్వండంతే..!
- Follow Us :
-
-
Add as a preferred
source on google
Karivepaku Kaaram Podi: కరివేపాకు అనగానే చాలామంది కూరల్లోంచి తీసి పక్కన పెట్టేస్తుంటారు. కానీ అందులో విటమిన్ A, B, C, E, K వంటి ఎన్నో పోషకాలు, ఐరన్ మెండుగా ఉంటాయి. ఇవి జుట్టు ఆరోగ్యానికి, కంటి చూపు మెరుగుపడటానికి ఎంతో మేలు చేస్తాయి. ఆ పోషకాలన్నీ శరీరానికి అందాలంటే అన్నం, ఇడ్లీ, దోశ, చపాతీల్లోకి చక్కగా సరిపోయే కమ్మనైన, సంప్రదాయ కరివేపాకు కారప్పొడి ఉత్తమ ఎంపిక. సరైన కొలతలతో, నెలల తరబడి నిల్వ ఉండేలా ఈ పొడిని ఎలా తయారు చేసుకోవాలో చూద్దాం.
కావలసిన పదార్థాలు:
* కరివేపాకు: 300 గ్రాములు (బాగా కడిగి, తడి ఆరబెట్టినది)
* శనగపప్పు: 4 టేబుల్ స్పూన్లు
* మినప్పప్పు: 4 టేబుల్ స్పూన్లు
* పల్లీలు (వేరుశనగ గుళ్ళు): 2 టేబుల్ స్పూన్లు (రుచికి సరిపడా కొద్దిగా)
* ధనియాలు: 1 చిన్న టీ గ్లాసు (సుమారు 6 – 7 స్పూన్లు)
* జీలకర్ర: 1.5 స్పూను
* ఎండుమిర్చి: 50 వరకు (సుమారు 60–70 గ్రాములు, మీ కారానికి తగినట్లు)
* వెల్లుల్లి రెబ్బలు: 10–12
* ఎండు కొబ్బరి: చిన్న ముక్క
* చింతపండు: చిన్న నిమ్మకాయ సైజులో సగం (కొద్దిగా)
* నూనె: 2–3 గరిటెలు (వేయించడానికి సరిపడా)
* ఉప్పు: రుచికి తగినంత (రాళ్ళ ఉప్పు పొడి అయితే మరింత రుచి)
Also Read
- Can Beer Damage Your Kidneys: బీర్ తాగితే కిడ్నీలకు ఏం కాదనుకుంటున్నారా? తాజా అధ్యయనంలో షాకింగ్ నిజాలు..
- Marriages: "పెళ్లి వద్దు.. సింగిల్ లైఫే బెటర్".. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
- Tandoori Roti Recipe: ఇంట్లోనే కరకరలాడే తందూరీ రోటీ.. ప్రెషర్ కుక్కర్లోనే సింపుల్గా హోటల్ స్టైల్ తందూరీ రోటీ..!
- Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
తయారీ విధానం..
ఆకును శుభ్రపరచడం & ఆరబెట్టడం
కరివేపాకు కారప్పొడి తయారీకి ముందుగా ఆకును కొమ్మలతో ఉన్నప్పుడే శుభ్రంగా కడిగి, నీరు లేకుండా దులిపి ఆరబెట్టుకోవాలి. ఆకుల వెనుక తెల్లటి పురుగు గుడ్లు లేదా మచ్చలు ఏమైనా ఉన్నాయేమో చూసుకుని పాడైన వాటిని తీసేయాలి. పొడి నెల నుంచి రెండు నెలల వరకు నిల్వ ఉండాలంటే ఆకుపై ఏమాత్రం తడి లేకుండా ఫ్యాన్ గాలికి పూర్తిగా డ్రై అయ్యేలా ఆరబెట్టడం ముఖ్యం.
పప్పులు & దినుసులు వేయించడం
ఆ తర్వాత బాండీలో రెండు చెంచాల నూనె వేసి వేడయ్యాక శనగపప్పు, మినప్పప్పు వేసి దోరగా వేయించాలి. ఇందులోనే పప్పుల రుచి డామినేట్ చేయకుండా కొద్దిగా పల్లీలు, ధనియాలు, జీలకర్ర వేసి మంచి సువాసన వచ్చే వరకు వేయించి వేరే ప్లేట్లోకి తీసుకోవాలి. అదే బాండీలో ఎండుమిరపకాయలు కూడా వేసి, అవి క్రిస్పీగా మారి రంగు మారేంత వరకు వేయించి పక్కన ఉంచాలి.
కరివేపాకు, వెల్లుల్లి వేయించడం
అనంతరం బాండీలో మరో గరిటెడు నూనె వేసి కరివేపాకును చేర్చి, మంటను మీడియం ఫ్లేమ్లో ఉంచి ఆకు కరకరలాడే వరకు వేయించాలి. సరిగ్గా వేగకపోతే పొడి ముద్దగా మారుతుంది. ఆకు చక్కగా వేగిన తర్వాత స్టవ్ ఆపేసి, ఆ వేడి బాండీలోనే వెల్లుల్లి రెబ్బలు వేయాలి. బాండీ వేడికే వెల్లుల్లిలోని పచ్చిదనం పోతుంది. అయితే అడుగున ఆకు మాడకుండా ఒక నిమిషం పాటు కలుపుకుంటూ చల్లారనివ్వాలి.
గ్రైండింగ్ విధానం
దినుసులు చల్లారాక మిక్సీ జార్లో ముందుగా వేయించిన పప్పులు, ధనియాలు, జీలకర్ర, ఎండు కొబ్బరి ముక్క, రుచికి సరిపడా ఉప్పు వేసి కాస్త రవ్వలాగా మిక్సీ పట్టాలి. ఆ తర్వాత ఇందులోనే వేయించిన ఎండుమిర్చి, కొద్దిగా చింతపండు వేసి తిప్పాలి (చింతపండు ఎక్కువైతే పులుపు ఎక్కువవుతుంది కాబట్టి తక్కువగానే వేసుకోవాలి). చివరగా వేయించిన కరివేపాకు, వెల్లుల్లి వేసి మరీ మెత్తటి పౌడర్లా కాకుండా కాస్త బరకగా ఉండేలా పల్స్ మోడ్లో తిప్పుకోవాలి. పొడినంతటినీ ఒక వెడల్పాటి గిన్నెలోకి తీసుకుని చేత్తో బాగా కలిపి, పూర్తిగా చల్లారాక గాలి చొరబడని సీసాలో భద్రపరుచుకోవాలి.
ఈ పొడిని వేడివేడి అన్నంలో చెంచాడు వేసుకుని, కొద్దిగా స్వచ్ఛమైన వేరుశనగ నూనె లేదా నెయ్యితో కలుపుకుని తింటే అద్భుతమైన రుచితో పాటు ఆరోగ్యానికి ఎంతో మేలు చేస్తుంది. ఇడ్లీ, కరకరలాడే నెయ్యి దోశ లేదా ఉప్మాపై చల్లుకుని తిన్నా చాలా బాగుంటుంది. ఆకును తడి లేకుండా చూసుకుని నూనెలో సరిగ్గా వేయిస్తే ఈ పొడి కనీసం 1 నుండి 2 నెలల పాటు తాజాగా నిల్వ ఉంటుంది.
తాజావార్తలు
-
TVK MLA V.S. Babu: ఎంకే స్టాలిన్ను ఓడించిన టీవీకే ఎమ్మెల్యే కన్నుమూత..
-
Jairam Ramesh: నోట్లబందీ, ఓట్లబందీ ఒకే నాణేనికి రెండు వైపులు.. జైరాం రమేశ్ సంచలన వ్యాఖ్యలు..
-
Uttam Kumar Reddy : జలవాటాలో ఒక్క చుక్కా వదులుకోం.. ఏపీ యత్నాలను అడ్డుకుంటాం
-
History of Weekdays: ఆదివారం తర్వాత సోమవారమే ఎందుకు వస్తుంది? ఈ 24 గంటల ఖగోళ లెక్క తెలిస్తే షాక్ అవుతారు!
-
Interesting Facts: 4,000 ఏళ్ల రహస్యం.. వారం 7 రోజులే ఎందుకు? అసలు నిజం ఇదే!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!