మాజీ భార్య ఫిర్యాదుతో నటుడు బాలా అరెస్ట్ అయ్యాడు. ఉదయం పాలారివట్టలోని బాలా ఇంటి నుంచి కడవంత్ర పోలీసులు బాలని అదుపులోకి తీసుకున్నారు. సోషల్ మీడియా ద్వారా తన పరువు తీశారంటూ మాజీ భార్య చేసిన ఫిర్యాదు మేరకు ఈ చర్యలు తీసుకున్నారు. తన కుమార్తె విషయంలో బాల చేసిన వ్యాఖ్యలు అతనిని అరెస్టు చేయడానికి దారితీశాయి. జువైనల్ జస్టిస్ యాక్ట్ కింద కూడా పోలీసులు కేసు నమోదు చేశారు. ఈ కేసులో బాల మేనేజర్ రాజేష్, అతని స్నేహితుడు అనంతకృష్ణన్ కూడా నిందితులుగా ఉన్నారు. గత కొన్ని రోజులుగా బాలా, అతని మాజీ భార్య మధ్య వివాదం వార్తల్లో నిలుస్తోంది. వీరి కూతురు సోషల్ మీడియాలో షేర్ చేసిన వీడియో వివాదానికి దారి తీసింది.
Ghatikachalam: భయపెట్టేలా ఘటికాచలం టీజర్
బాలాను చూసేందుకు, మాట్లాడేందుకు ఆసక్తి లేదని కూతురు చెప్పింది. కూతురు కూడా తన తల్లిని తండ్రి వేధించాడని చెప్పింది. ఆ తర్వాత పాపపై విమర్శలు వచ్చాయి. బాలా సోషల్ మీడియాలో తన స్పందనను పంచుకున్నారు. అప్పుడు బాలాకు వ్యతిరేకంగా మాజీ భార్య కూడా ముందుకు వచ్చింది. ఈ సమస్యలు బాలా అరెస్టుకు దారితీశాయి. తన కూతురిని వెంబడించి వేధించాడని ఆమె ఫిర్యాదులో పేర్కొంది. జువైనల్ జస్టిస్ యాక్ట్ కింద నటుడిపై నాన్ బెయిలబుల్ కేసు నమోదు చేశారు. సాయంత్రం బాలాను కోర్టులో హాజరు పరుస్తామని పోలీసులు తెలిపారు. మాజీ భార్య ఫిర్యాదు చాలా తీవ్రమైనదని పోలీసులు చెబుతున్నారు. విడిపోయిన తర్వాత కూడా తనను, తన కుమార్తెను వెంబడించి వేధిస్తున్నాడని ఫిర్యాదులో పేర్కొన్నారు. ఈ విషయంపై బాలా కుమార్తె స్వయంగా బాలాపై బహిరంగంగానే కామెంట్ చేసింది. కేసుకు సంబంధించిన విషయాలు సౌత్ పోలీస్ స్టేషన్ పరిధిలో ఉన్నందున కేసు అక్కడికి బదిలీ అయ్యే అవకాశం ఉంది.
