Sonali Phogat: సోనాలీ ఫోగాట్ కేసులో మరో కొత్త ట్విస్ట్.. శరీరంపై 46 చోట్ల గాయాలు..

సోనాలీ ఫోగాట్ హత్య కేసు అనంతరం రోజుకొక కొత్త విషయం వెలుగులోకి వస్తోంది. తాజాగా ఈ కేసులో మరో ట్విస్ట్ వెలుగుచూసింది… సోనాలీ ఫాం హౌస్‌లో ఉన్న ఆమె ఫోన్, ల్యాప్ టాప్ లను… కంప్యూటర్ ఆపరేటర్ చోరీ చేశారని ఆమె కుటుంబసభ్యులు.. పోలీసులకు ఫిర్యాదు చేశారు. సోనాలీకి సంబంధించిన ల్యాప్ టాప్, డీవీఆర్, మొబైల్ ఫోన్, ఇతర ఆఫీసు సామాగ్రిని కంప్యూటర్ ఆపరేటర్ ఎత్తుకెళ్లాడని పోలీసుల దర్యాప్తులో తేలింది. దీంతో ఫోన్, ల్యాప్ టాప్ లను చోరీ చేసిన నిందితుడైన కంప్యూటర్ ఆపరేటర్.. శివం పరారీలో ఉండగా పోలీసులు అతన్ని అరెస్టు చేశారు.

Read Also: Gold Price Today: పసిడి ప్రేమికులకు శుభవార్త.. పడిపోయిన గోల్డ్‌ రేట్..

ఇక, బీజేపీ నాయకురాలు సోనాలి ఫోగట్ దారుణ హత్య కేసులో మరో ఆశ్చర్యకరమైన అశం వెల్లడైంది.. గోవా పోలీసులు బుధవారం ఆమె శరీరంపై 46 గాయాలను గుర్తించారు. తొలుత పోస్ట్‌మార్టం నివేదికలో ఫోగట్ శరీరంపై ఎలాంటి గాయాలు లేవని పేర్కొన్నారు. పబ్‌లో సోనాలిపై మెతక డోస్‌ కొట్టడం వల్లే మార్కులు వచ్చాయని గోవా పోలీసులు తెలిపారు. ఆమెను అదుపు చేసేందుకు ప్రయత్నాలు జరిగాయి. ఫోగాట్ శరీరంపై లోతైన అంతర్గత లేదా తీవ్రమైన బాహ్య గాయాలు లేవని పోస్ట్ మార్టం నివేదిక ఇంతకు ముందు పేర్కొన్నా.. గోవా పోలీసులు బుధవారం వెల్లడించినది మునుపటి నివేదిక నుండి యూటర్న్‌ తీసుకున్నట్టైంది..

హర్యానాలోని హిసార్‌కు చెందిన మాజీ టిక్‌టాక్ స్టార్ మరియు రియాలిటీ టీవీ షో “బిగ్ బాస్”లో పోటీదారు అయిన ఫోగట్, ఇద్దరు మగవారితో తీరప్రాంతానికి వచ్చిన ఒక రోజు తర్వాత ఆగస్టు 23న ఉత్తర గోవాలోని ఆసుపత్రికి తీసుకురాబడింది. ఫోగట్ కుటుంబం ఆమె మరణంలో ఫౌల్ ప్లే అనుమానాన్ని లేవనెత్తుతుండగా, ఆమె టీనేజ్ కుమార్తె యశోధర ఈ సంఘటనపై సీబీఐ విచారణకు తమ డిమాండ్‌ను పునరుద్ఘాటించారు. మాకు సీబీఐ విచారణ కావాలి.. మాకు న్యాయం జరగాలని ఆమె అన్నారు. ఈ కేసుకు సంబంధించి గోవా పోలీసులు ఇప్పటివరకు ఫోగట్ సహచరులు ఇద్దరు సహా ఐదుగురిని అరెస్టు చేశారు. కాగా, గోవా పర్యటనలో టిక్‌ టిక్ స్టార్, బీజేపీ నాయకురాలు సోనాలీ ఫోగాట్ హత్యకు గురైన సంగతి తెలిసిందే. ఈ కేసులో కీలక విషయాలు వెలుగులోకి వచ్చాయి. తొలుత గుండెపోటుగా భావించిన పోలీసులు.. పోస్టుమార్టం నివేదిక అనంతరం హత్య కేసు నమోదు చేసి దర్యాప్తు ప్రారంభించారు.