Man Killed His Four Month Pregnant Wife For Extramarital Affair: వివాహేతర సంబంధాల కారణంగా ఇప్పటికే ఎన్నో నేరాలు వెలుగుచూశాయి. కట్టుకున్న వారినే చంపుకోవడం, అడ్డుగా ఉన్నారని పిల్లల్ని హతమార్చడం వంటి ఎన్నో నేరాలు చోటు చేసుకున్నాయి. ఇప్పుడు అంతకుమించిన దారుణ ఘటన ఒక వెలుగులోకి వచ్చింది. మరో మహిళతో వివాహేతర సంబంధం నెరుపుతున్న ఒక వ్యక్తి.. అడ్డుగా ఉందని నాలుగు నెలల గర్భంతో ఉన్న తన భార్యని హత్య చేశాడు. అనంతరం పారిపోయాడు. పోలీసులు ఎలాగోలా అతని ఆచూకీ తెలుసుకొని, అరెస్ట్ చేశారు. ఈ ఘటన ఆంధ్రప్రదేశ్ రాష్ట్రంలో చోటు చేసుకుంది. ఆ వివరాల్లోకి వెళ్తే..
Rajasthan Royals: రాజస్థాన్ రాయల్స్కు పెద్ద ఝలక్.. ఆ విధ్వంసకర ఓపెనర్ దూరం
వేలేరుపాడులోని పాతరెడ్డిగూడెం గ్రామానికి చెందిన సోడే వెంకటేశ్వర్లుకు పదేళ్ల క్రితం సోడే రాధతో వివాహం అయ్యింది. వీరికి ఒక కుమారుడితో పాటు ఇద్దరు కుమార్తెలు ఉన్నారు. మద్యానికి అలవాటు అయిన వెంకటేశ్వర్లు.. తరచూ ఇంట్లో గొడవ పడుతుండేవాడు. కట్ చేస్తే.. కొంతకాలం నుంచి ఒక గిరిజిన యువతితో వెంకటేశ్వర్లు వివాహేతర సంబంధం కొనసాగిస్తున్నాడు. తొలుత ఎవ్వరికీ తెలియకుండా గుట్టుగా ఈ వ్యవహారాన్ని నడిపించాడు. అయితే.. భర్త ప్రవర్తనలో మార్పు రావడాన్ని గమనించి రాధ, అతనిపై నిఘా పెట్టింది. ఈ క్రమంలోనే భర్త బాగోతం తెలిసింది. అప్పటి నుంచి ఆ విషయంలో ఇద్దరి మధ్య తరచూ గొడవలు జరుగుతుండేవి. మార్చి 31వ తేదీన రాత్రి సమయంలోనూ ఆ వివాహేతర సంబంధం విషయమై భార్యాభర్తల మధ్య గొడవ జరిగింది.
Kichcha Sudeep: సుదీప్ ప్రైవేట్ వీడియోలు.. తీసింది అతనే ..?
అప్పుడే భార్యను అడ్డు తొలగించుకోవాలని భర్త వెంకటేశ్వరు నిర్ణయించుకున్నాడు. ఇంట్లో ఉన్న రోకలిబండ తీసుకొని, రెండుసార్లు బలంగా రాధ తలపై బాదాడు. అనంతరం అక్కడి నుంచి పారిపోయాడు. ఈ ఘటనలో రాధ తీవ్ర గాయాలపాలైంది. ఆమెను స్థానికులు వెంటనే ప్రభుత్వాసుపత్రికి తరలించారు. అయితే.. పరిస్థితి విషమించడంతో ఆమె ఏప్రిల్ 1వ తేదీన ప్రాణాలు విడిచింది. ఈ ఘటనపై కేసు నమోదు చేసిన పోలీసులు.. పరారీలో ఉన్న నిందితుడు వెంకటేశ్వర్లు వసంతవాడ వద్ద ఉన్నట్టు గుర్తించారు. దీంతో.. అతడ్ని అక్కడ అదుపులోకి తీసుకొని, గురువారం కోర్టులో హాజరుపరిచారు.
