Vasantha Krishna Prasad: వైసీపీలో సభ్యత్వం లేదు.. అటువంటి విధానమే నాకు తెలీదు..!

Vasantha Krishna Prasad: వైసీపీలో సభ్యత్వం లేదు.. అటువంటి విధానమే నాకు తెలీదు అంటూ ఎద్దేవా చేశారు తెలుగుదేశం పార్టీ ఎమ్మెల్యే వసంత కృష్ణ ప్రసాద్‌.. ఎన్టీఆర్ జిల్లా విజయవాడ రూరల్‌ గొల్లపూడి తెలుగుదేశం పార్టీ కార్యాలయంలో తెలుగుదేశం పార్టీ సభ్యత్వ నమోదు కార్యక్రమాన్ని ప్రారంభించిన ఎమ్మెల్యే వసంత వెంకట కృష్ణప్రసాద్.. ఈ సందర్భంగా లక్ష రూపాయలు చెల్లించి తెలుగుదేశం పార్టీలో శాశ్వత సభ్యత్వాన్ని తీసుకున్నారు.. గొల్లపూడి మెయిన్ సెంటర్లో ఎన్టీఆర్ విగ్రహానికి నివాళులు అర్పించిన అనంతరం సభ్యత్వ కార్యక్రమాన్ని తెలుగుదేశం పార్టీ కార్యాలయంలో ప్రారంభించారు… ఈ సందర్భంగా ఆయన మాట్లాడుతూ.. తెలుగుదేశం పార్టీ రాష్ట్ర వ్యాప్తంగా సభ్యత్వ నమోదు ప్రారంభం సందర్భంగా శాశ్వత సభ్యత్వం తీసుకోవడం సంతోషంగా ఉంది అన్నారు.. తెలుగుదేశం పార్టీ ఈ రాష్ట్రానికి, రాష్ట్ర ప్రజలకు ఎప్పటికీ అవసరం అని పేర్కొన్నారు. నియోజకవర్గ ప్రజలంతా తెలుగుదేశం పార్టీకి మద్దతు ఇచ్చి సభ్యత్వం తీసుకోవాలని కోరుతున్నాను అని పిలుపునిచ్చారు.. వైసీపీలో సభ్యత్వం అనేది గతంలో లేదు, నేను తీసుకోలేదు, అటువంటి విధానమే నాకు తెలీదు అంటూ వ్యాఖ్యానించారు. తెలుగుదేశం పార్టీలోనే సభ్యత్వం తీసుకోవడం జరిగిందని తెలిపారు.. కాగా, గతంతో వైసీపీ నుంచి ఎమ్మెల్యేగా విజయం సాధించిన వసంత కృష్ణ ప్రసాద్‌.. ఎన్నికల ముందు టీడీపీలో చేరి.. మరోసారి మైలవరం నుంచి బరిలోకి దిగి విజయం సాధించిన విషయం విదితమే.

Read Also: TDP: టీడీపీ సభ్యత్వ నమోదు ప్రారంభం.. తొలి సభ్యత్వం తీసుకున్న చంద్రబాబు..