Tirumala Special Entry Darshan Tickets: శ్రీవారి భక్తులకు అలర్ట్.. నేడే రూ.300 ప్రత్యేక ప్రవేశ దర్శనం టికెట్ల బుకింగ్..!
- నవంబర్ 2026 నెలకు సంబంధించిన..
- రూ.300 ప్రత్యేక ప్రవేశ దర్శనం టికెట్లు..
- నేడు ఉదయం 10 గంటలకు అందుబాటులోకి
- Follow Us :
-
-
Add as a preferred
source on google
Tirumala Special Entry Darshan Tickets: తిరుమల శ్రీవేంకటేశ్వర స్వామివారి దర్శనం కోసం ఎదురుచూస్తున్న భక్తులకు టీటీడీ కీలక అప్డేట్ ఇచ్చింది. నవంబర్ 2026 నెలకు సంబంధించిన రూ.300 ప్రత్యేక ప్రవేశ దర్శనం (Special Entry Darshan) టికెట్లు నేడు (ఆగస్టు 25) న ఉదయం 10 గంటలకు ఆన్‌లైన్‌లో అందుబాటులోకి రానున్నాయి. శీఘ్ర దర్శనం పొందాలనుకునే భక్తులు టీటీడీ అధికారిక వెబ్సైట్ ద్వారా టికెట్లను బుక్ చేసుకోవచ్చు.
నవంబర్ నెలకు రూ.300 దర్శనం టికెట్లు:
నవంబర్ 2026లో శ్రీవారి ప్రత్యేక ప్రవేశ దర్శనం చేసుకోవాలనుకునే భక్తులు ముందుగానే టికెట్లు బుక్ చేసుకోవాలి. ఒక్కో భక్తుడికి టికెట్ ధర రూ.300గా ఉంటుంది. బుకింగ్ ప్రక్రియ పూర్తిగా ఆన్‌లైన్‌లోనే జరుగుతుంది. టికెట్లు పరిమితంగా అందుబాటులో ఉండే అవకాశం ఉన్నందున బుకింగ్ ప్రారంభమయ్యే సమయానికి ముందుగానే సిద్ధంగా ఉండటం మంచిది.
తిరుమల, తిరుపతి రూమ్ బుకింగ్:
నవంబర్ 2026 నెలకు సంబంధించిన తిరుమల, తిరుపతి వసతి గదుల బుకింగ్ కూడా నేడు మధ్యాహ్నం 3 గంటలకు ప్రారంభం కానుంది. శ్రీవారి దర్శనంతో పాటు వసతి అవసరమైన భక్తులు ఈ సమయానికి టీటీడీ అధికారిక ఆన్‌లైన్ పోర్టల్‌లో అందుబాటులో ఉండే రూమ్‌లను బుక్ చేసుకోవచ్చు.
రూ.300 దర్శనం టికెట్ ఎలా బుక్ చేసుకోవాలి?
ముందుగా టీటీడీ అధికారిక వెబ్సైట్ https://ttdevasthanams.ap.gov.in/ ను సందర్శించాలి. రిజిస్టర్ చేసిన మొబైల్ నంబర్‌తో లాగిన్ అవ్వాలి. అనంతరం ‘Special Entry Darshan’ ఆప్షన్‌ను ఎంచుకుని నవంబర్ 2026లో మీకు అనుకూలమైన తేదీని ఎంపిక చేసుకోవాలి. తర్వాత భక్తుల వివరాలను సరిగ్గా నమోదు చేసి, అవసరమైన గుర్తింపు వివరాలను అందించాలి. ఆ తర్వాత ఆన్‌లైన్ పేమెంట్ ప్రక్రియను పూర్తి చేసి టికెట్‌ను కన్ఫర్మ్ చేసుకోవాలి. బుకింగ్ పూర్తయిన తర్వాత దర్శనం టికెట్‌ను డౌన్‌లోడ్ చేసుకుని భవిష్యత్ అవసరాల కోసం భద్రపరుచుకోవాలి.
బుకింగ్‌కు ముందే ఈ జాగ్రత్తలు:
బుకింగ్ ప్రారంభమయ్యే సమయానికి 10 నుంచి 20 నిమిషాల ముందే అధికారిక వెబ్‌సైట్‌లో లాగిన్ అయి సిద్ధంగా ఉండటం మంచిది. భక్తులు తమ చెల్లుబాటు అయ్యే ప్రభుత్వ గుర్తింపు కార్డును దగ్గరలో ఉంచుకోవాలి. వ్యక్తిగత వివరాలను నమోదు చేసేటప్పుడు ఎలాంటి తప్పులు లేకుండా చూసుకోవాలి. టీటీడీ సేవలు, దర్శనం, వసతి కోటాలను అధికారిక ఆన్‌లైన్ పోర్టల్ ద్వారా మాత్రమే విడుదల చేస్తుంది. కాబట్టి భక్తులు అనధికారిక వెబ్‌సైట్లు, ఏజెంట్లను నమ్మకుండా టీటీడీ అధికారిక మార్గాల ద్వారానే టికెట్లు బుక్ చేసుకోవాలి. టీటీడీ సంబంధించిన యాప్ లో కూడా ఈ టికెట్స్ ను బుక్ చేసుకోవచ్చు.
అధికారిక బుకింగ్ వెబ్సైట్: https://ttdevasthanams.ap.gov.in/