5000 నిట్స్ డిస్‌ప్లే, 9,020mAh బ్యాటరీ, IP69 రేటింగ్‌తో Vivo Y600k Turbo లాంచ్..!
- చైనాలో కొత్త స్మార్ట్‌ఫోన్‌గా వివో వై600కె టర్బో లాంచ్
- 6.83 అంగుళాల అమోలెడ్ డిస్‌ప్లే, 2800×1260 పిక్సెల్స్ రిజల్యూషన్, 120హెర్ట్జ్ రిఫ్రెష్ రేట్
- క్వాల్‌కామ్ స్నాప్‌డ్రాగన్ 7ఎస్ జెన్ 4 ప్రాసెసర్‌
- 9,020ఎంఏహెచ్ భారీ బ్యాటరీతో పాటు 90వాట్ ఫాస్ట్ ఛార్జింగ్ సపోర్ట్
- ఫోన్‌కు ఐపీ68, ఐపీ69 డస్ట్, వాటర్ రెసిస్టెన్స్ రేటింగ్స్..
- Follow Us :
-
-
Add as a preferred
source on google
Vivo Y600k Turbo Launched: వివో (VIVO) తాజాగా Y600 సిరీస్‌లో మరో కొత్త ఫోన్‌ను లాంచ్ చేసింది. Vivo Y600k Turbo పేరుతో ఈ ఫోన్‌ను చైనాలో లిస్ట్ చేసింది. ఇప్పటికే ఉన్న Vivo Y600 టర్బోకి కొత్త వేరియంట్‌గా ఈ మోడల్‌ను తీసుకొచ్చినట్లు తెలుస్తోంది. భారీ బ్యాటరీ, 90W ఫాస్ట్ ఛార్జింగ్, AMOLED డిస్‌ప్లేతో వచ్చిన ఈ ఫోన్ ధర, ఫీచర్లు ప్రస్తుతం టెక్ మార్కెట్లో ఆసక్తిని పెంచుతున్నాయి.
AMOLED డిస్‌ప్లే
వివో Y600k టర్బోలో 6.83 అంగుళాల AMOLED డిస్‌ప్లే అందించారు. ఇది 2800×1260 పిక్సెల్స్ రిజల్యూషన్‌తో పాటు 120Hz రిఫ్రెష్ రేట్, 130Hz టచ్ శాంప్లింగ్ రేట్‌ను సపోర్ట్ చేస్తుంది. డిస్‌ప్లే 10.7 బిలియన్ కలర్స్‌ను చూపగలదు. అలాగే 4320Hz హై-ఫ్రీక్వెన్సీ PWM డిమ్మింగ్‌కు సపోర్ట్ ఉంది. లోకల్ పీక్ బ్రైట్‌నెస్ 5000 నిట్స్ వరకు ఉంటుందని కంపెనీ పేర్కొంది.
స్నాప్‌డ్రాగన్ ప్రాసెసర్‌
ఈ స్మార్ట్‌ఫోన్‌లో క్వాల్‌కామ్ స్నాప్‌డ్రాగన్ 7s జెన్ 4 మొబైల్ ప్లాట్‌ఫామ్‌ను ఉపయోగించారు. దీనికి 12GB LPDDR4X ర్యామ్, 256GB UFS 3.1 స్టోరేజ్ జత చేశారు. ఫోన్‌లో పెద్ద మొత్తంలో యాప్స్, గేమ్స్‌ను నిర్వహించేందుకు ఈ హార్డ్‌వేర్ ఉపయోగపడుతుంది.
9,020mAh బ్యాటరీ
Vivo Y600k టర్బోలో ప్రధాన ఆకర్షణగా 9,020mAh కెపాసిటీ ఉన్న బ్యాటరీని అందించారు. దీనికి 90W వైర్డ్ ఫాస్ట్ ఛార్జింగ్ సపోర్ట్ ఉంది. బ్యాటరీ రేటెడ్ కెపాసిటీ 8,820mAhగా ఉంది. వైర్‌లెస్ ఛార్జింగ్‌కు సపోర్ట్ లేదు. అయితే USB టైప్-C పోర్ట్ ద్వారా రివర్స్ ఛార్జింగ్ చేసుకునే సదుపాయం ఉంది.
IP68, IP69 రేటింగ్
Vivo Y600k Turboకు IP68, IP69 డస్ట్, వాటర్ రెసిస్టెన్స్ రేటింగ్స్ ఉన్నాయి. మెరుగైన డ్రాప్ రెసిస్టెన్స్ కోసం బలోపేతం చేసిన గ్లాస్‌ను ఉపయోగించారు. అంతేకాకుండా ఈ ఫోన్ ఎనిమిది మిలిటరీ-స్టాండర్డ్ ఎన్విరాన్‌మెంటల్ టెస్టులను కూడా పాస్ చేసినట్లు సంస్థ తెలిపింది. సాఫ్ట్‌వేర్ పరంగా ఈ ఫోన్ ఆండ్రాయిడ్ 16 ఆధారిత OriginOS 6పై పనిచేస్తుంది. అండర్ డిస్‌ప్లే ఆప్టికల్ ఫింగర్‌ప్రింట్ స్కానర్, డ్యూయల్ స్పీకర్లు, IR బ్లాస్టర్, NFC వంటి ఫీచర్లు ఇందులో ఉన్నాయి. కనెక్టివిటీ కోసం Wi-Fi 6, బ్లూటూత్ 5.2 అందించారు.
ధర
Vivo Y600k టర్బోను ప్రస్తుతం 12GB+256GB కాన్ఫిగరేషన్‌లో మాత్రమే లిస్ట్ చేశారు. దీని ధర 2,799 చైనా యువాన్లు. అంటే భారత కరెన్సీలో సుమారు రూ.35,000 వరకు ఉంటుంది. ఎలక్ట్రిక్ బ్లూ, డ్యూన్ గోల్డ్, మిలీనియల్ పింక్ కలర్ ఆప్షన్లలో ఈ ఫోన్ లభిస్తుంది. అయితే చైనా వెలుపల ఇతర మార్కెట్లలో ఈ ఫోన్‌ను విడుదల చేస్తారా లేదా అనే విషయంపై వివో ఇంకా ఎలాంటి సమాచారం వెల్లడించలేదు.