TS High Court : షరతులతో కూడిన రిజిస్ట్రేషన్లు చేయాలి

అనధికార లేఅవుట్లలో ప్లాట్ల రిజిస్ట్రేషన్లపై హైకోర్టు కీలక తీర్పునిచ్చింది. అనధికార లేఅవుట్ల ప్లాట్లను షరతులతో రిజిస్ట్రేషన్ చేయాలని హైకోర్టు ఆదేశించింది. అనుమతి లేని లేఅవుట్లలో స్థలాలు రిజిస్ట్రేషన్లు నిలిపివేస్తూ 2020లో ప్రభుత్వం ఉత్తర్వులు జారీ చేసింది. ఈ నేపథ్యంలో రిజిస్ట్రేషన్ల శాఖ ఉత్తర్వులను సవాల్ చేస్తూ హైకోర్టులో 5 వేలకు పైగా పిటిషన్లు దాఖలయ్యాయి. దీంతో వేల సంఖ్యలో పిటిషన్లు వస్తున్నందున హై కోర్టలు కీలక ఉత్తర్వులు జారీ చేసింది.

షరతులతో కూడిన రిజిస్ట్రేషన్లు చేయాలని సబ్ రిజిస్ట్రార్లకు హైకోర్టు ఆదేశించింది. సుప్రీంకోర్టు తుది తీర్పునకు లోబడి ఉంటుందని డాక్యుమెంట్లో రాయాలని, సుప్రీంకోర్టు తుది తీర్పునకు లోబడి ఉంటుందని ఈసీ, వెబ్ సైట్ లోనూ పేర్కొనాలని హైకోర్టు వెల్లడించింది. ఎఫ్ టీఎల్, బఫర్ జోన్, 30 అడుగుల రోడు లేని ప్లాట్ల కొనుగోళ్లపై హెచ్చరించాలని, చట్ట ఉల్లంఘనలపై కొనుగోలుదారులదే బాధ్యత అని డాక్యుమెంట్ లో రాయాలని హైకోర్టు తెలిపింది.