బీఆర్ఎస్ వర్కింగ్ ప్రెసిడెంట్ కేటీఆర్పై ఎమ్మెల్యే కడియం శ్రీహరి కీలక వ్యాఖ్యలు చేశారు. జనగామ జిల్లా కేంద్రంలో గ్రంథాలయ చైర్మన్ ప్రమాణ స్వీకారోత్సవ సభా కార్యక్రమంలో పాల్గొన్న ఆయన మాట్లాడుతూ.. అధికారులపై దాడులు చేయడానికి రైతులను ఉసిగొలుపుతున్నారని అన్నారు. రైతులకు పంట రుణాలు మాఫీ చేసిన చరిత్ర కాంగ్రెస్ పార్టీదని తెలిపారు. బీఆర్ఎస్ వాళ్ళు ఉద్యోగాల నియామకాలు ఇవ్వకుండా 10 సంవత్సరాలు ఏం చేశారు…? గాడిదలు కాసారా…? అని దుయ్యబట్టారు. విద్యా వ్యవస్థను నాశనం చేసి, బ్రష్టు పట్టించింది బీఆర్ఎస్ పార్టీ అని ఆరోపించారు. హరీష్ రావుకు పిచ్చికుక్క కరిసినట్టు మాట్లాడుతున్నాడు.. బోనస్ ఇస్తామంటే హరీశ్ రావు అంతా బోగస్ అంటున్నారని మండిపడ్డారు.
SubbaRaju : నటుడు సుబ్బరాజు భార్య స్రవంతి ఫ్యామిలీ బ్యాగ్రౌండ్ ఇదే..
ప్రతిపక్షాలు ప్రభుత్వానికి సలహాలు సూచనలు ఇవ్వాలి కానీ.. విమర్శలు చేయడానికే బీఆర్ఎస్ ఉందని ఎమ్మెల్యే కడియం శ్రీహరి వ్యాఖ్యానించారు. కేసీఆర్, కేటీఆర్, హరీష్ రావు వేల ఎకరాల భూములు కొల్లగొట్టి, వేల కోట్లు సంపాదించుకున్నారని పేర్కొన్నారు. నీతి నిజాయితీ అని బీఆర్ఎస్ పార్టీ చరిత్రలోనే లేదు.. పార్టీ చేసిన విధ్వంసం.. అవినీతి, అక్రమాలు వల్ల వీళ్ళ పాపాలు పండుతాయని తెలిసి ఆ పాపాలు తనకు అంటోద్దని తాను బయటకు వచ్చానన్నారు. జనగాం ఎమ్మెల్యే 10 లక్షల పనిచేసిన తాను ముక్కు నేలకు రాస్తానని తెలిపారు.
Priyanka Gandhi: కసువ చీరలో మెరిసిన ప్రియాంక.. ఇందిరను జ్ఞాపకం చేసుకున్న కేరళీయులు
కేటీఆర్‌కు పార్టీని ఎవరు ఏం చేస్తారో అని.. గతంలో చేసిన తప్పులకు ఎప్పుడు జైలుకు పోవాల్సి వస్తుందో అని రెండు భయాలు ఉన్నాయని అన్నారు. ప్రజల్లో సానుభూతి కోసమే జైలుకు పోతానంటున్నారని చెప్పారు. గుమ్మడికాయల దొంగ ఎవరంటే భుజాలు తడుముకున్నట్టుగా కేటీఆర్ భుజాలు తడుముకుంటున్నాడని ఆరోపించారు. చేసిన పాపాలు ఒక్కొక్కటి బయటకు వస్తున్నాయి కాబట్టి కేటీఆర్ భయపడుతున్నాడని అన్నారు. కాంగ్రెస్ ప్రభుత్వంపై బీఆర్ఎస్, బీజేపీ చేస్తున్న విచిత్ర ప్రచారాన్ని తిప్పి కొట్టాలి.. బీఆర్ఎస్, బీజేపీ పార్టీ కాంగ్రెస్ ప్రభుత్వంపై చేస్తున్న విష ప్రచారాలు తిప్పికొట్టేందుకు కాంగ్రెస్ సోషల్ మీడియా సిద్ధంగా ఉండాలని తెలిపారు.