T20 World Cup 2024: హెల్మె‌ట్‌లో ఇరుక్కున్న బంతి.. చేత్తో పట్టుకుంటే ఔట్ ఇస్తారని ఏం చేశాడంటే?

Ball gets stuck in Tanzid Hasan’s Helmet: టీ20 ప్రపంచకప్‌ 2024 సూపర్ 8 రేసులో నిలవాలంటే తప్పక గెలవాల్సిన మ్యాచ్‌లో బంగ్లాదేశ్ విజయం సాధించింది. కింగ్స్‌టౌన్ వేదికగా నెదర్లాండ్స్‌తో జరిగిన మ్యాచ్‌లో 25 పరుగుల తేడాతో గెలుపొందింది. ఈ మ్యాచ్‌లో ముందుగా బ్యాటింగ్ చేసిన బంగ్లా 20 ఓవర్లలో 5 వికెట్ల నష్టానికి 159 పరుగులు చేసింది. షకీబ్ అల్ హసన్ (64 నాటౌట్; 46 బంతుల్లో 9 ఫోర్లు) అర్ధ శతకం బాదాడు. ఛేదనలో నెదర్లాండ్స్ 20 ఓవర్లలో 8 వికెట్లు కోల్పోయి 134 పరుగులు చేసిఓడింది. సిబ్రాండ్ (33; 22 బంతుల్లో 3 ఫోర్లు, 1 సిక్సర్) టాప్ స్కోరర్. ఈ మ్యాచ్‌లో ఓ అనూహ్య ఘటన చోటుచేసుకుంది.

Also Read: Niharika-Allu Arjun: అల్లు అర్జున్‌ను అన్‌ఫాలో చేసిన మెగా హీరో.. నిహారిక సమాధానం ఇదే!

నెదర్లాండ్స్ బౌలర్ వివియన్ కింగ్మా వేసిన బౌన్సర్ బంగ్లా బ్యాటర్ తన్జీద్ హసన్‌ హెల్మెట్‌కు బలంగా తాకింది. అదృష్టవశాత్తు బంతి తన్జీద్ హెల్మెట్‌లో ఇరుక్కుపోవడంతో.. అతడికి ఎలాంటి గాయం కాలేదు. హెల్మెట్‌ నుంచి చేతితో బంతిని తీస్తే ప్రత్యర్థి జట్టు ఔట్ అని అపీల్ చేస్తుందో అని భయపడిన తన్జీద్.. హెల్మెట్‌ను తీసి నేలకు కొట్టాడు. అయినా కూడా బంతి బయటకు రాలేదు. బంగ్లా ప్లేయర్ వచ్చి బంతిని హెల్మెట్‌ నుంచి తీశాడు. దీనికి సంబంధించిన వీడియో సోషల్ మీడియాలో వైరల్‌గా మారింది.

 

View this post on Instagram

 

A post shared by ICC (@icc)