Car Servicing: కారు సర్వీస్‌కు ముందు, తర్వాత ఈ విషయాలను గుర్తుంచుకోండి.. లేదంటే..?

మీరు కొత్త కారుని కొనుగోలు చేస్తే.. దాని సామర్థ్యాన్ని మెరుగుపరచడానికి సర్వీసింగ్ అనేది అవసరం. మీరు కారును సరిగ్గా నిర్వహించకపోతే దాని పనితీరు తగ్గుతుంది. ఈ క్రమంలో.. కారు చెడిపోయే ప్రమాదం ఉంటుంది. చాలా మంది కార్ డ్రైవర్‌లు తమ కారును సమయానికి సర్వీస్ చేయడం చాలా అరుదు. మీరు కూడా ఇలాంటి పొరపాటు చేస్తే.. మానుకోండి. తద్వారా కారు సామర్థ్యంపై ప్రతికూల ప్రభావం పడదు. కారును సర్వీసింగ్ చేయడానికి ముందు.. తర్వాత గుర్తుంచుకోవలసిన ముఖ్యమైన విషయాలు ఏమిటో ఇప్పుడు తెలుసుకుందాం.

Read Also: Tech News: ‘ఆండ్రాయిడ్ రికవరీ మోడ్’ అంటే ఏంటి.. ఫోన్లో సమస్యలను ఎలా పరిష్కరించవచ్చు…?

మీ కారును సర్వీస్ చేసే ముందు ఈ విషయాలపై శ్రద్ధ వహించండి
మీరు మీ కారును సర్వీసింగ్ కోసం తీసుకెళ్లాలని చూస్తున్నట్లయితే.. ముందుగా కారు ఇంజిన్‌లో ఏ ఇంజన్ ఆయిల్ నింపాలి వంటి కొన్ని విషయాలను గుర్తుంచుకోండి. సర్వీసింగ్ కు ముందు కారు ఓడోమీటర్ రీడింగ్‌ను చెక్ చేయండి. తద్వారా సర్వీసింగ్ సమయంలో ఎటువంటి సమస్య ఉండదు. సర్వీసింగ్ విషయంలో కారు కొనుగోలుదారులకు కారు గురించి పెద్దగా తెలియదు. అలాంటప్పుడు.. కారు పదివేల కిలోమీటర్లు డ్రైవింగ్ చేసిన తర్వాత మాత్రమే సర్వీస్ చేస్తారని సమాచారం తెలుసుకోవాలి. తరచుగా ప్రజలు కారు సర్వీసింగ్ కోసం వెళతారు.. కానీ కారుతో సమస్య ఏమిటో వారికి తెలియదు. అటువంటి పరిస్థితిలో మీరు కారు ఎదుర్కొంటున్న సమస్యలను ముందుగానే గుర్తించాలి.

మీ కారు సర్వీస్ చేసిన తర్వాత ఈ విషయాలను గుర్తుంచుకోండి
మీ కారును కంపెనీ సర్వీస్ సెంటర్ లోనే సర్వీస్ చేయించుకోవాలి. మీరు మీ కారుని వేరేక చోట సర్వీస్ చేస్తే.. సర్వీస్ తర్వాత ఒకసారి సర్వీస్ బిల్లును చెక్ చేసుకోండి. చాలా మంది వ్యక్తులు సర్వీసింగ్ పేరుతో అదనపు ఛార్జీని వసూలు చేస్తారు. అలాగే.. కారు సర్వీసింగ్ తర్వాత మీరు గుర్తుంచుకోవలసిన ఒక ముఖ్యమైన విషయం ఏమిటంటే.. కారు నుండి ఎటువంటి పరికరాలు.. ఏదైనా టూల్ కనిపించకుండా పోయిందా అనేది చూడాలి. ఒకవేళ ఏదైనా మిస్ అయితే మెకానిక్ లేదా సర్వీస్ సెంటర్‌లో ఉన్న వారితో మాట్లాడి సమస్యను తీర్చుకోవాలి. కారు సర్వీసింగ్ చేసిన తర్వాత.. వెంటనే కారును తీసుకెళ్లి డ్రైవ్ చేస్తారు. అలా కాకుండా.. సర్వీసింగ్ అయిన వెంటనే అక్కడే ఉండి కారులో ఏమైనా ప్రాబ్లం ఉందా అనేది చెక్ చేసుకోవాలి.