OTR: కౌశిక్పై ఫిర్యాదు.. మూడు నెలల్లో నివేదిక ఇవ్వాలన్న స్పీకర్!
- కడియంతో అనుచితంగా వ్యవహరించారంటూ కౌశిక్పై ఫిర్యాదు
- ఎథిక్స్ కమిటీకి మూడు నెలల గడువిచ్చిన స్పీకర్
- ఒకసారి గడువు పొడిగింపు, అదీ దగ్గరవుతున్నా నో రియాక్షన్
- కౌశిక్ మీద వేటేస్తారన్నంతగా మొదట్లో హడావిడి
- Follow Us :
-
-
Add as a preferred
source on google
OTR: తెలంగాణ అసెంబ్లీలో ఎథిక్స్ కమిటీ ఏమైంది..? మొదట్లో వరుస సమావేశాలు పెట్టి హడావిడి చేసిన కమిటీ… తర్వాత ఉన్నట్టుండి ఎందుకు సైలెంట్ అయింది? ఎమ్మెల్యే కౌశిక్రెడ్డి సంగతేంటో తేల్చేందుకు స్పీకర్ పొడిగించిన గడువు కూడా సమీపిస్తున్నా… అట్నుంచి స్పందన లేకపోవడానికి కారణాలేంటి? ఎందుకు పని పూర్తి చేయలేకపోతున్నారు? లెట్స్ వాచ్. అసెంబ్లీ సమావేశాల్లో సీనియర్ ఎమ్మెల్యే కడియం శ్రీహరి పట్ల అనుచితంగా ప్రవర్తించారంటూ BRS MLA పాడి కౌశిక్ రెడ్డిపై స్పీకర్కు ఫిర్యాదు చేసింది అధికార పక్షం. దీంతో ఎథిక్స్ కమిటీని ఏర్పాటు చేసి చర్యలకు సిఫారసు చేయాలని ఆదేశించారు స్పీకర్ గడ్డం ప్రసాద్ కుమార్. కమిటీకి మూడు నెలల గడువు ఇచ్చి సంగతి తేల్చాలని ఆదేశించారాయన. అందుకు తగ్గట్టే… కమిటీ వేసిన తొలినాళ్ళలో వరుస సమావేశాలు పెట్టి హడావిడి చేశారు.
వ్యవహారం కొలిక్కి రాకపోవడంతో.. ఇటీవల జరిగిన అసెంబ్లీ సమావేశాల్లో కమిటీ గడువును పొడిగించారు. అలా పొడిగించిన సమయం కూడా దగ్గర పడుతున్నా… ఇప్పటి వరకు ఎలాంటి యాక్షన్గాని, రియాక్షన్గాని లేవు. కమిటీ ఏం చేసింది..? ఏం చేయబోతోందన్న క్లారిటీ లేదు. కౌశిక్ రెడ్డికి నోటీసులు ఇవ్వడం, గడువు కావాలని ఆయన కోరడం, అలాగే…. వీడియోలు కూడా కావాలని ఎమ్మెల్యే అడగడం… ఇస్తామంటూ కమిటీ వాయిదా వేయడం కామన్ అయ్యాయని చెప్పుకుంటున్నారు. దీంతో… ఎథిక్స్ కమిటీ మొదట్లో ఉన్నంత దూకుడుగా ఇప్పుడు ఎందుకు లేదు? ఎటూ తేల్చుకోలేకపోతోందా అన్న చర్చ మొదలైంది రాజకీయవర్గాల్లో. వరుసగా సమావేశాల వాయిదా కారణంగా… స్పీకర్ రెండోసారి ఇచ్చిన గడువు కూడా దగ్గర పడుతోంది. అసెంబ్లీలో ఘటన జరిగిన నాటి పరిస్థితి చూస్తే… ఎమ్మెల్యే కౌశిక్ రెడ్డి పై వెంటనే వేటేస్తారన్నట్టుగా నడిచింది వ్యవహారం.
Also Read
ఆ తర్వాత స్పీకర్ ఎథిక్స్ కమిటీ వేయడంతో…అంతా చట్టబద్ధంగా సెట్ చేయాలని నిర్ణయించినట్లు చర్చ జరిగింది. అయితే కమిటీ నియమించి ఐదు నెలలు కావస్తున్నా.. కొలిక్కి రాకపోవడంతో …అసలేం జరుగుతోందన్న చర్చ కు స్పేస్ ఇచ్చినట్టు అయిందని అంటున్నారు రాజకీయ పరిశీలకులు. ఎథిక్స్ కమిటి చైర్మన్ రేవూరి ప్రకాష్ రెడ్డి కాస్త సంయమనంతో అడుగు వేస్తున్నారో..? లేక ఆచి తూచి వ్యవహరిస్తున్నారోగానీ… స్పీకర్ కమిటీరి రెండోసారి ఇచ్చిన గడువు కూడా ముగుస్తున్నా నో సౌండ్ అన్న చర్చ జరుగుతోంది. కౌశిక్ రెడ్డిపై వేటు వేస్తారంటూ ఒక దశలో జోరుగా ప్రచారం జరిగింది. కానీ… ప్రస్తుతం ఉన్న పరిస్థితిని చూస్తుంటే… చర్యలకు కమిటీ సిఫారసు చేస్తుందా అన్న సందేహాలు వస్తున్నాయట ఎక్కువ మందికి. ఏదో ఒకటి తేల్చడానికి ఇంత టైం ఎందుకు తీసుకుంటున్నారు? ఎక్కడ ఆలస్యం జరుగుతోందన్న ప్రశ్నలు ఉత్పన్నం అవుతున్నాయి వివిధ వర్గాల్లో.
తాజావార్తలు
-
Fire Accident: నోబెల్ శాంతి బహుమతి గ్రహీత ఇంట్లో అగ్ని ప్రమాదం.. నిప్పు పెట్టిన దుండగులు..
-
Vaibhav Sooryavanshi: వైభవ్ సూర్యవంశీకి అరుదైన గౌరవం!
-
Dawood Ibrahim: పాకిస్థాన్లో దావూద్ ఇంకా ఫుల్ యాక్టివ్.. మాజీ ఎఫ్బీఐ ఏజెంట్ బయటపెట్టిన సంచలన నిజాలు
-
Itel City 300 5G: కొత్త కలర్ వేరియంట్లలో itel City 300 5G లాంచ్.. 13MP కెమెరా, 5000mAh బ్యాటరీ!
-
Aditya Dhar: రణ్వీర్ సింగ్తోనే ఆదిత్య ధర్ మూవీ.. ఈసారి మరో డ్రీమ్ ప్రాజెక్ట్!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!