Israel Hamas War : దక్షిణ గాజాలో ఇజ్రాయెల్ దాడి, 45 మంది పాలస్తీనా పౌరులు హతం

Israel Hamas War : ఇజ్రాయెల్, హమాస్ మధ్య కాల్పుల విరమణ తర్వాత మరోసారి యుద్ధం మొదలైంది. ఇంతలో ఇజ్రాయెల్ సైన్యం దక్షిణ గాజాపై దాడి చేసింది. 45 మంది మరణించారు.. అనేకమంది గాయపడ్డారు. అక్టోబరు 7న హమాస్ దాడి తర్వాత ప్రారంభమైన యుద్ధంలో ఇప్పటివరకు ఇరువైపులా 16 వేల మందికి పైగా మరణించారు. కాల్పుల విరమణ తర్వాత, దక్షిణ గాజాలో గ్రౌండ్ ఆపరేషన్ ప్రారంభించినట్లు ఇజ్రాయెల్ సైన్యం తెలిపింది. ఆ తర్వాత ఇదే అత్యంత వేగవంతమైన దాడి. ఇజ్రాయెల్ దళాలు జబాలియా, తూర్పు షుజయ్య, ఖాన్ యూనిస్‌లోకి ప్రవేశించాయని ఆయన చెప్పారు. కాగా మా యోధులు 24 ఇజ్రాయెల్ సైనిక వాహనాలను ధ్వంసం చేశారని హమాస్ పేర్కొంది. దీనితో పాటు స్నిపర్లు ఇజ్రాయెల్ ఆర్మీ సైనికులను కూడా లక్ష్యంగా చేసుకున్నారు. దీని కారణంగా చాలా మంది సైనికులు ప్రాణాలు కోల్పోయారు.

Read Also:Cyclone Michaung: మిచాంగ్‌ తుఫాను ఎఫెక్ట్.. అన్నదాతల ఆందోళన!

ఇజ్రాయెల్ సైన్యం ఇళ్లపై దాడి చేసిందని, ఇందులో సుమారు 45 మంది మరణించారు. చాలా మంది గాయపడ్డారు. వారిని చికిత్స కోసం ఆసుపత్రిలో చేర్చారు. హమాస్ మీడియా నివేదికల ప్రకారం.. ఈ పోరాటంలో ఇప్పటివరకు 7112 మంది పిల్లలు, 4885 మంది మహిళలు మరణించారు. దీంతో ఇజ్రాయెల్ దాడుల్లో ఇప్పటివరకు మొత్తం 16,248 మంది మరణించగా, వేలాది మంది గల్లంతయ్యారు.

Read Also:Dog Temple In Up: వందేళ్లుగా శునకానికి పూజలు.. ఎందుకో తెలిస్తే షాక్ అవుతారు..!

IDF ఆసుపత్రులు, శరణార్థి శిబిరాలు, నగరంలో కొత్త సూచనలతో కూడిన కరపత్రాలను వదిలివేసింది. ఇంట్లో నుంచి బయటకు రావద్దు, బయటకు వెళ్లడం చాలా ప్రమాదకరం అని అందులో రాసి ఉంది. ఇజ్రాయెల్ ఆర్మీ చీఫ్ లెఫ్టినెంట్ జనరల్ హర్జీ హలేవి ప్రకారం, ఉత్తర గాజాలోని అనేక ప్రాంతాలు ఉగ్రవాద రహితంగా మారాయి. ఇప్పుడు దక్షిణాదిలో హమాస్‌పై చర్యలు తీసుకుంటున్నామని చెప్పారు. హమాస్ అగ్ర కమాండర్లను నిర్మూలించడమే మా లక్ష్యం.