Ishant Sharma: భారత్, వెస్టిండీస్ సిరీస్‌లో కనిపించనున్న ఇషాంత్ శర్మ.. కానీ మ్యాచ్లో కాదు..!

ఇండియా ఫాస్ట్ బౌలర్ ఇషాంత్ శర్మ చాలా కాలంగా టీమ్ కు దూరంగా ఉన్నాడు. టీమిండియాలో పునరాగమనం కోసం ప్రయత్నిస్తున్నాడు. ప్రస్తుతం వెస్టిండీస్ పర్యటనలో ఉన్న భారత జట్టులో.. ఈసారి కూడా ఇషాంత్‌ శర్మకు చోటు దక్కలేదు. కానీ వెస్టిండీస్ సిరీస్ లో ఇషాంత్ కనిపించనున్నాడు. భారత్, వెస్టిండీస్ సిరీస్‌లతో ఇషాంత్ అరంగేట్రం చేయబోతున్నాడంటే.. నిజమనే చెప్పాలి కానీ మ్యాచ్ లో కాదు. ఈ సిరీస్‌లో ఇషాంత్ కామెంట్రీ చేస్తూ కనిపించనున్నాడు. అయితే ఇషాంత్ శర్మ కామెంట్రీ చేయడం ఇదే తొలిసారి. భారత్ మరియు వెస్టిండీస్ మధ్య జరగనున్న రెండు మ్యాచ్‌ల టెస్ట్ సిరీస్‌లో ఇషాంత్ శర్మ.. ఓటీటీ ప్లాట్‌ఫామ్ జియో సినిమాలో కామెంటర్ గా కనిపించనున్నాడు. ఈ విషయాన్ని జియో సినిమా ఓ ట్వీట్‌లో తెలిపింది.

Weight Loss Tips : రోజూ ఫైనాపిల్ ను ఇలా తీసుకుంటే బరువు తగ్గుతారా?

ఇషాంత్ తన చివరి మ్యాచ్‌ను నవంబర్ 2021లో న్యూజిలాండ్‌తో కాన్పూర్‌లో ఆడాడు. ఆ తర్వాత అతను టీమ్ ఇండియాలో ఆడలేదు. గతేడాది ఐపీఎల్‌లో కూడా ఆడలేదు. కానీ ఈ ఏడాది ఐపీఎల్-2023లో పునరాగమనం చేసి ఢిల్లీ క్యాపిటల్స్ తరఫున ఆడి.. ఎనిమిది మ్యాచ్‌ల్లో 10 వికెట్లు పడగొట్టాడు. కానీ ఇషాంత్ ఇప్పటికీ టీమ్ ఇండియాకు తిరిగి రాలేకపోయాడు. అతను ఇప్పుడు తన అనుభవాన్ని కామెంటరీ బాక్స్‌లో ఉపయోగించనున్నాడు.
మరోవైపు ఇషాంత్ శర్మ ఇంకా అంతర్జాతీయ క్రికెట్ నుంచి రిటైర్మెంట్ తీసుకోలేదు. కానీ ఇప్పటికీ అతను కామెంట్రీ చేస్తున్నాడు. రిటైర్ అవ్వకుండా కామెంట్రీ చేసిన క్రికెటర్ లో ఇషాంత్ కంటే ముందు దినేష్ కార్తీక్ ఉన్నాడు.

Samajavaragamana: మొదటి రోజు కంటే 11వ రోజు ఎక్కువ కలెక్ట్ చేసిన సామజవరగమన

ఇషాంత్ శర్మ అంతర్జాతీయ కెరీర్ చూస్తే.. భారత్ తరఫున 105 టెస్టు మ్యాచ్ లు ఆడి 311 వికెట్లు పడగొట్టాడు. ODIలలో భారతదేశం కోసం 80 మ్యాచ్‌లు ఆడి 115 వికెట్లు తీశాడు. ఇండియా తరపున 14 T20 మ్యాచ్‌లు ఆడాడు. అందులో అతను ఎనిమిది వికెట్లు తీశాడు. ఇషాంత్ శర్మ చాలా కాలంగా భారత వన్డే, టీ20 జట్టుకు దూరంగా ఉన్నాడు. 2016లో సిడ్నీలో ఆస్ట్రేలియాతో భారత్ తరఫున తన చివరి వన్డే ఆడాడు. రాజ్‌కోట్‌లో ఆస్ట్రేలియాతో చివరి T20 మ్యాచ్ ఆడాడు.