Rothit Sharma: రోహిత్ శర్మ కట్ అవుట్ చూసి కొన్ని కొన్ని నమ్మేయాల్సిందే డూడ్..
- Follow Us :
-
-
Add as a preferred
source on google
తిరువనంతపురంలోని గ్రీన్ఫీల్డ్ ఇంటర్నేషనల్ స్టేడియం వేదికగా వెస్టిండీస్తో జరుగుతున్న తొలి వన్డే మ్యాచ్లో ఉత్కంఠ తారాస్థాయికి చేరింది. మ్యాచ్ జరుగుతున్న వేళ, స్టేడియం వెలుపల అభిమానులు ఏర్పాటు చేసిన 50 అడుగుల భారీ రోహిత్ శర్మ కటౌట్ అందరినీ విపరీతంగా ఆశ్చర్యపరుస్తోంది. కేరళలో ఫుట్బాల్ స్టార్లకు మాత్రమే ఇలాంటి భారీ కటౌట్లు కట్టే సంప్రదాయం ఉండేది, కానీ ఇప్పుడు క్రికెట్పై తమకున్న అపారమైన అభిమానంతో రోహిత్ శర్మ కోసం ఫ్యాన్స్ ఈ అద్భుతమైన సాహసం చేశారు. రాత్రికి రాత్రే ఏర్పాటైన ఈ కటౌట్ ప్రస్తుతం సోషల్ మీడియాలోనూ, స్టేడియం చుట్టూ వైరల్ అవుతూ మ్యాచ్కు వచ్చిన ప్రేక్షకులను కట్టిపడేస్తోంది.
Rohit Sharma’s big cutout outside Greenfield stadium! 🥶🔥
@ImRo45 https://t.co/4OHYZ3KJTd
— Rohit Sharma Fan (@hitmanfanfollow) September 26, 2026
మరోవైపు మైదానంలో మ్యాచ్ హోరాహోరీగా సాగుతోంది. వెస్టిండీస్ నిర్దేశించిన 296 పరుగుల లక్ష్య ఛేదనలో భారత జట్టు అద్భుతమైన ప్రదర్శన కనబరుస్తోంది. కెప్టెన్ శుభ్మన్ గిల్ అజేయ శతకంతో చెలరేగగా, మరోవైపు రికార్డుల వీరుడు విరాట్ కోహ్లీ వన్డేల్లో 15 వేల పరుగుల మైలురాయిని అధిగమించి హాఫ్ సెంచరీతో జట్టును ముందుకు నడిపిస్తున్నారు. వీరిద్దరి అద్భుతమైన భాగస్వామ్యంతో టీమిండియా ఇప్పుడు స్పష్టంగా గెలుపు దిశగా దూసుకుపోతోంది. స్టేడియం లోపల ఆటగాళ్ల మెరుపు బ్యాటింగ్ జోరు, బయట రోహిత్ శర్మ భారీ కటౌట్ సృష్టిస్తున్న హడావుడితో తిరువనంతపురంలో క్రికెట్ వాతావరణం పండుగలా మారిపోయింది. త్వరలోనే భారత్ ఈ మ్యాచ్లో విజయం సాధించి సిరీస్లో శుభారంభం చేస్తుందని అభిమానులు నమ్ముతున్నారు.