T20 World Cup: టీమిండియా ప్లేయర్‌కు ఐసీసీ షాక్.. మ్యాచ్ ఫీజులో 50 శాతం కోత

ఐసీసీ మహిళల టీ20 ప్రపంచకప్ 2024 మ్యాచ్ లో భాగంగా.. నిన్న భారత్-పాకిస్థాన్‌ మధ్య మ్యాచ్ జరిగింది. ఈ మ్యాచ్‌లో ప్రవర్తనా నియమావళిని ఉల్లంఘించినందుకు భారత మహిళా క్రికెట్ జట్టు స్టార్ పేసర్ అరుంధతి రెడ్డిని ఐసీసీ మందలించింది. ప్రవర్తనా నియమావళిలోని ఆర్టికల్ 2.5ను ఉల్లంఘించినందుకు అరుంధతి దోషిగా తేలింది. “అంతర్జాతీయ మ్యాచ్‌లో అతని/ఆమె అవుట్ చేసినప్పుడు బౌలర్ నుండి దూకుడుగా స్పందించే లేదా అవమానపరిచే, దూకుడుగా స్పందించే భాష, చర్యలు లేదా సంజ్ఞలను ఉపయోగించడం” కోసం ఆర్టికల్ 2.5ను ఉపయోగిస్తారు.

Read Also: CM Revanth Reddy : మెట్రో రైలు రెండో ద‌శకు మ‌ద్దతు ఇవ్వండి… కేంద్ర మంత్రికి సీఎం రేవంత్‌ విన‌తి

మొదటి ఇన్నింగ్స్ చివరి ఓవర్‌లో నిదా దార్‌ని అవుట్ చేసిన తర్వాత అరుంధతి రెడ్డి.. బ్యాటర్‌ను పెవిలియన్ వైపు సైగ చేసింది. ఈ మ్యాచ్‌లో భారత్ ఆరు వికెట్ల తేడాతో గెలిచింది. 3/19తో అద్భుతమైన బౌలింగ్‌తో అబ్బురపరిచిన అరుంధతి రెడ్డి ప్లేయర్ ఆఫ్ ద మ్యాచ్‌గా నిలిచింది. ఇదిలా ఉంటే.. అరుంధతి రెడ్డి ఐసీసీ ప్రవర్తనా నియమావళిని ఉల్లంఘించినందుకు ఒక-డిమెరిట్ పాయింట్ పెనాల్టీని విధించింది. 24 నెలల కాలంలో ఆమె చేసిన మొదటి తప్పు ఇది. మైదానంలోని అంపైర్లు, థర్డ్ అంపైర్ ఈ ఘటనను చూసి ఆమెపై అభియోగాలు మోపారు. అరుంధతి రెడ్డి కూడా ఈ తప్పును అంగీకరించింది. లెవల్ 1 ఉల్లంఘనలకు డీమెరిట్ పాయింట్లతో పాటు అధికారిక మందలింపు నుండి మ్యాచ్ ఫీజులో 50 శాతం తగ్గింపు వరకు జరిమానా ఉంటుంది. కాగా.. టీమిండియా ఉమెన్స్ జట్టు అక్టోబర్ 9న శ్రీలంకతో తలపడనుంది. అక్టోబర్ 13న ఆస్ట్రేలియాతో తలపడనుంది.

An India pacer has been reprimanded for breaching the ICC Code of Conduct during their Women's #T20WorldCup contest against Pakistan.https://t.co/ez3kvtjiDR

— ICC (@ICC) October 7, 2024

Read Also: Ka Movie: ‘మాస్ జాతర’ సాంగ్ అదిరిందే!