Stray Dog : కుక్కలే కాదు.. కుక్కల ప్రేమికులు కూడా కరుస్తున్నారు జాగ్రత్త..

తెలంగాణలో వీధి కుక్కల దాడులు ప్రజలను బెంబెలెత్తిస్తున్నాయి. అయితే.. కుక్కలే కాదు కుక్కల ప్రేమికులు సైతం మనుషులను కరుస్తూ హడలెత్తిస్తున్నారు. అలాంటి ఘటనే ఇది. వీధికుక్కకు ఆహారం ఇవ్వకుండా అడ్డుకునేందుకు ప్రయత్నించిన ఓ మహిళను శునక ప్రేమికురాలు కొరికింది. గుజరాత్‌లోని కేటా జిల్లా నదియాత్ తాలూకాలోని కమ్లా గ్రామానికి చెందిన సీతాజల భర్త ఏడాది క్రితం మరణించాడు. దీంతో.. కుమారులు యగ్నేష్ (26), ప్రకాష్ (22)తో కలిసి సీతాజల నివసిస్తున్నారు. అయితే.. ఆదివారం సాయంత్రం రావల్ అనే మహిళ వీధి కుక్కకు ఆహారం ఇస్తూ కనిపించింది. వారం రోజుల క్రితం సీత కొడుకు ప్రకాష్‌ని అదే కుక్క కరిచింది. అందుకని రావల్ దగ్గరకు వెళ్లి దానికి ఆహారం ఇవ్వవద్దని సీత చెప్పింది.

Also Read : Education Ministry Rule: ఒకటో తరగతిలో చేర్చుకునే చిన్నారులకు ఆరేళ్లు ఉండాల్సిందే.. కేంద్రం కొత్త రూల్!

అయితే.. సీత మాటలు వినకుండా.. రావల్‌ కుక్కకు ఆహారం పెట్టేందుకు ప్రయత్నించడంతో.. మరోసారి వారించింది సీతా. దీంతో రావల్ మరియు ఆమె భర్త కమలేష్ కోపంతో కర్రతో సీతపై దాడి చేశారు. అంతే కాకుండా, “నేను నా చేతులు పట్టుకుని ఆమె ఆపడానికి ప్రయత్నించినప్పుడు, రావల్ నా బొటనవేలును కొరికింది, అది రక్తస్రావం అయింది. నేను జారిపడి పడిపోయాను. నేను మూర్ఛపోయేంత వరకు నన్ను కర్రతో కొట్టారు” అని సీత పోలీసులకు చెప్పింది.

Also Read : CPI Narayana : అదానీ మాయల ఫకీరు కంటే దారుణంగా తయారయ్యాడు

ఈ విషయం విన్న సీత పెద్ద కుమారుడు యజ్ఞేష్ తన తల్లిని రక్షించేందుకు పరుగెత్తాడు. రావల్ మరియు ఆమె భర్త తనను చంపుతామని బెదిరించారని యజ్ఞేష్ పోలీసులకు తెలిపారు. అయితే.. జాలాను సమీపంలోని ఆసుపత్రికి తరలించి చికిత్స అందించారు. పలుచోట్ల గాయాలయ్యాయి. ఆమె తలకు బలమైన గాయం కావడంతో పాటు మెదడులో రక్తస్రావమైంది. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు.