Summer Alert : శరీరంలో నీరు తగ్గిందని తెలిపే ‘రెడ్ ఫ్లాగ్’ లక్షణాలు ఇవే.. నిర్లక్ష్యం చేస్తే డేంజరే..!

ఎండలు తీవ్రమవుతున్న వేళ మన శరీరం చెమట రూపంలో అధికంగా నీటిని , లవణాలను కోల్పోతుంది. మనం కోల్పోయిన నీటిని తిరిగి అందించకపోతే డీహైడ్రేషన్ బారిన పడతాం. చాలామంది దాహం వేసే వరకు నీరు తాగరు, కానీ దాహం వేయడమే డీహైడ్రేషన్ ప్రారంభమైందని చెప్పే మొదటి సంకేతం. శరీరంలో నీటి శాతం తగ్గిందని తెలిపే ఇతర ముఖ్యమైన లక్షణాలను డాక్టర్ సునీల్ బోహ్రా వివరించారు.

డీహైడ్రేషన్‌ను గుర్తించే ముఖ్య లక్షణాలు
శరీరంలో నీరు తగ్గినప్పుడు కనిపించే మొదటి లక్షణం నోరు , గొంతు ఎండిపోవడం. అలాగే, మూత్రం రంగులో మార్పు రావడం మరో ప్రధాన సంకేతం. మూత్రం ముదురు పసుపు రంగులో వస్తున్నా లేదా మూత్ర విసర్జన తగ్గిపోయినా శరీరం నీటి కోసం అలమటిస్తుందని అర్థం చేసుకోవాలి. వీటితో పాటు అకస్మాత్తుగా తల తిరగడం, నీరసం, , విపరీతమైన తలనొప్పి రావడం కూడా డీహైడ్రేషన్ లక్షణాలే. శరీరంలో ఎలక్ట్రోలైట్స్ సమతుల్యత దెబ్బతినడం వల్ల కండరాల తిమ్మిర్లు (Muscle Cramps) కూడా వచ్చే అవకాశం ఉంది.

7-Seater Cars: 7-సీటర్ కార్లు కావాలా? ఎర్టిగా నుండి బొలెరో వరకు.. ఫ్యామిలీ కార్లపై ఓ లుక్కేయండి

తీవ్రమైన పరిస్థితులు , సంకేతాలు
డీహైడ్రేషన్ తీవ్రత పెరిగినప్పుడు గుండె వేగంగా కొట్టుకోవడం (Palpitations) , రక్తపోటు పడిపోవడం జరుగుతుంది. చర్మం తన స్థితిస్థాపకతను కోల్పోతుంది; అంటే చర్మాన్ని గిచ్చినప్పుడు అది వెంటనే యథాస్థితికి రాకపోతే నీటి శాతం బాగా తగ్గిందని గుర్తించాలి. విపరీతమైన ఆకలి వేయడం లేదా చిరాకు కలగడం కూడా డీహైడ్రేషన్ వల్ల కలిగే మానసిక మార్పులు. ముఖ్యంగా వృద్ధులు , చిన్న పిల్లల్లో ఈ లక్షణాలు కనిపిస్తే వెంటనే వైద్య సహాయం అందించాలి.

తీసుకోవాల్సిన జాగ్రత్తలు
డీహైడ్రేషన్ నుండి తప్పించుకోవడానికి దాహం వేసినా వేయకపోయినా రోజూ 3-4 లీటర్ల నీరు తాగడం అలవాటు చేసుకోవాలి. కేవలం మంచినీరు మాత్రమే కాకుండా కొబ్బరి నీళ్లు, మజ్జిగ, నిమ్మరసం వంటి ద్రవపదార్థాలు తీసుకోవడం వల్ల శరీరానికి అవసరమైన పొటాషియం, సోడియం వంటి లవణాలు అందుతాయి. పుచ్చకాయ, దోసకాయ వంటి నీటి శాతం ఎక్కువగా ఉండే పండ్లను ఆహారంలో చేర్చుకోవాలి. ఎండ ఎక్కువగా ఉన్న సమయంలో (మధ్యాహ్నం 12 నుండి 4 గంటల వరకు) వీలైనంత వరకు బయటకు వెళ్లకుండా ఉండటమే శ్రేయస్కరం.

APSRTC: దివ్యాంగులకు గుడ్‌న్యూస్‌.. ఆర్టీసీ బస్సుల్లో ఉచిత ప్రయాణం.. ఎస్కార్ట్‌కు 50 శాతం రాయితీ..