Gujarat Polls: 46 మంది అభ్యర్థులతో రెండో జాబితాను విడుదల చేసిన కాంగ్రెస్

Gujarat Polls: గుజరాత్‌లో జరగనున్న అసెంబ్లీ ఎన్నికల కోసం 46 మంది అభ్యర్థులతో కూడిన 2వ జాబితాను కాంగ్రెస్ గురువారం విడుదల చేసింది. నవంబర్ 4న పార్టీ తన తొలి జాబితాను ప్రకటించింది. అందులో 43 మంది అభ్యర్థులను ప్రకటించారు. గురువారం ఆ పార్టీ రెండో జాబితాను విడుదల చేసింది. 182 మంది అభ్యర్థులకు గాను ప్రకటించిన మొత్తం అభ్యర్థుల సంఖ్య 89కి చేరుకుంది.

Gujjula Premender Reddy: ఆ వ్యవహారం నడిపింది టీఆర్ఎస్ పార్టీనే

పార్టీ ప్రధాన కార్యదర్శి ముకుల్ వాస్నిక్ సంతకం చేసిన అభ్యర్థుల జాబితాలో మమద్‌భాయ్ జంగ్ జాట్ (అబ్దాసా), రాజేందర్‌సింగ్ జడేజా (మాండ్వీ), అర్జన్‌భాయ్ భూడియా (భుజ్), నౌషాద్ సోలంకి (దసాదా – ఎస్సీ), కల్పనా కరంసిభాయ్ మక్వానా (లింబ్డీ) ఉన్నారు. లింబ్డీ నుంచి కల్పనా కరంసీభాయ్ మక్వానా, దేడియాపాడ-ఎస్టీ నుంచి జెర్మాబెన్ సుఖ్‌లాల్ వాసవా, కరంజ్ నుంచి భారతీ ప్రకాష్ పటేల్‌లతో సహా మొత్తం ముగ్గురు మహిళా నేతలు ఈ జాబితాలో చోటు దక్కించుకున్నారు. డిసెంబర్ 1, 5 తేదీల్లో అసెంబ్లీ ఎన్నికలు జరగనుండగా, డిసెంబర్ 8న ఓట్ల లెక్కింపు జరగనుంది.