Mohamed Siraj Dropped: సిరాజ్ను అందుకే పక్కన పెట్టాం?.. అసలు విషయం చెప్పిన కెప్టెన్ గిల్!
- Follow Us :
-
-
Add as a preferred
source on google
Why Mohammed Siraj Dropped From the IND vs NZ 1st Test: వెల్లింగ్టన్లోని బేసిన్ రిజర్వ్ వేదికగా న్యూజిలాండ్తో జరుగుతున్న తొలి టెస్టులో భారత్ తుది జట్టు ఎంపిక ఆసక్తికరంగా మారింది. ముఖ్యంగా సీనియర్ పేసర్ మహ్మద్ సిరాజ్ను పక్కన పెట్టి.. ఆకాశ్ దీప్, అన్షుల్ కాంబోజ్లకు అవకాశం ఇవ్వడం ఇప్పుడు చర్చనీయాంశమైంది. ఈ నిర్ణయంపై టాస్ సమయంలో భారత కెప్టెన్ శుభ్మన్ గిల్ స్పందించాడు. సిరాజ్తో పాటు గర్నూర్ బ్రార్ను కూడా జట్టులోకి తీసుకోలేకపోవడం చాలా కష్టమైన నిర్ణయమని వెల్లడించాడు. నేడు ప్రారంభమైన రెండు టెస్టుల సిరీస్లోని తొలి మ్యాచ్లో భారత్ టాస్ గెలిచి బౌలింగ్ ఎంచుకుంది.
పిచ్పై తొలి ఇన్నింగ్స్లో బౌలర్లకు ఎక్కువ సహకారం లభించే అవకాశం ఉందని కెప్టెన్ శుభ్మన్ గిల్ తెలిపాడు. అందుకే ఆ పరిస్థితులను సద్వినియోగం చేసుకోవాలని భావిస్తున్నట్లు చెప్పాడు. ఈ మ్యాచ్ కోసం జట్టు ఐదు నుంచి ఆరు ప్రాక్టీస్ సెషన్లలో పాల్గొందని, ఆటగాళ్లంతా బరిలోకి దిగేందుకు ఉత్సాహంగా ఉన్నారని పేర్కొన్నాడు. తుది జట్టు ఎంపికపై గిల్ మాట్లాడుతూ.. ‘గత వారం రోజులుగా ఏ కాంబినేషన్తో బరిలోకి దిగాలనే విషయంపై చర్చించాం. మా ఫాస్ట్ బౌలర్లందరూ బాగా రాణిస్తున్నారు. అందుకే సిరాజ్, గర్నూర్లను పక్కన పెట్టడం చాలా కష్టమైంది. ముఖ్యంగా వన్డే సిరీస్లో సిరాజ్, గర్నూర్ ఇద్దరూ మంచి ప్రదర్శన చేశారు. సిరాజ్ ప్లేయర్ ఆఫ్ ద సిరీస్గా కూడా నిలిచాడు. అయినప్పటికీ పరిస్థితులకు అనుగుణంగా ఈ నిర్ణయం తీసుకోవాల్సి వచ్చింది’ అని వివరించాడు.
Also Read
- Jasprit Bumrah Bowling: బుమ్రా మ్యాజిక్ బాల్.. నోరెళ్లబెట్టిన కివీస్ కెప్టెన్.. వీడియో చూడాల్సిందే!
- Yuzvendra Chahal Creates History: చరిత్ర సృష్టించిన చాహల్... టీ20 హిస్టరీలో ఒకే ఒక్కడు..!
- Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
- Ind Vs NZ: వెల్లింగ్టన్ టెస్టుకు ముందు టీమిండియాకు ఎదురుదెబ్బ.. ఫీజులో 35 శాతం కోత..
బుమ్రా, ఆకాశ్ దీప్, అన్షుల్ కాంబోజ్, ప్రసిద్ధ్ కృష్ణలతో కూడిన నలుగురు పేసర్లపై తనకు నమ్మకం ఉందని గిల్ చెప్పాడు. వీరంతా తమ బాధ్యతను సమర్థంగా నిర్వర్తిస్తారని ఆశాభావం వ్యక్తం చేశాడు. మ్యాచ్లో కీలక సమయాల్లో వికెట్లు తీయడం, ప్రత్యర్థిపై ఒత్తిడి పెంచడం చాలా ముఖ్యమని పేర్కొన్నాడు. ఒక్కోసారి మ్యాచ్ ప్రశాంతంగా సాగుతున్నట్లు కనిపించినా.. అకస్మాత్తుగా రెండు, మూడు వికెట్లు కోల్పోతే పరిస్థితులు మారిపోతాయని వివరించాడు. అలాంటి కీలక సందర్భాల్లో పైచేయి సాధించడమే తమ లక్ష్యమని తెలిపాడు. భారత్, న్యూజిలాండ్ జట్లు ఈ పర్యటనలో ఇప్పటికే ఐదు టీ20లు, ఐదు వన్డేల సిరీస్లు ఆడాయి. టీ20 సిరీస్ను భారత్ 3-2తో, వన్డే సిరీస్ను 3-1తో గెలుచుకుంది. ఇప్పుడు రెండు టెస్టుల సిరీస్తో పర్యటన ముగియనుంది. న్యూజిలాండ్ గడ్డపై భారత్ చివరిసారిగా 18 ఏళ్ల క్రితం హామిల్టన్లో టెస్టు విజయం సాధించింది. గత 50 ఏళ్లలో కివీస్ గడ్డపై భారత్కు దక్కిన ఏకైక టెస్టు విజయం అదే కావడం గమనార్హం. ఈసారి చరిత్రను తిరగరాయడంతో పాటు ప్రపంచ టెస్టు ఛాంపియన్షిప్ ఫైనల్ అవకాశాలను సజీవంగా ఉంచుకోవాలని టీమిండియా భావిస్తోంది.
తొలి టెస్టుకు భారత్ తుది జట్టు:
కేఎల్ రాహుల్, యశస్వి జైస్వాల్, దేవదత్ పడిక్కల్, శుభ్మన్ గిల్ (కెప్టెన్), రిషభ్ పంత్, వాషింగ్టన్ సుందర్, ధ్రువ్ జురెల్ (వికెట్ కీపర్), ఆకాశ్ దీప్, అన్షుల్ కాంబోజ్, జస్ప్రీత్ బుమ్రా, ప్రసిద్ధ్ కృష్ణ.
తాజావార్తలు
-
Mohamed Siraj Dropped: సిరాజ్ను అందుకే పక్కన పెట్టాం?.. అసలు విషయం చెప్పిన కెప్టెన్ గిల్!
-
International Men’s Day: “నువ్వు మగాడివి.. ఏడవకూడదు”.. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
-
Jasprit Bumrah Bowling: బుమ్రా మ్యాజిక్ బాల్.. నోరెళ్లబెట్టిన కివీస్ కెప్టెన్.. వీడియో చూడాల్సిందే!
-
Hyundai Neira Electric MPV: 51.4 kWh బ్యాటరీ, 490KM రేంజ్తో హ్యుందాయ్ కొత్త 7 సీటర్ EV..
-
PM Modi: మాజీ ప్రధాని ఇందిరా గాంధీని స్మరించుకున్న ప్రధాన మంత్రి మోడీ..
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..