Bengaluru: నాలుగేళ్ల కొడుకును హత్య చేసి బ్యాగులో తీసుకెళ్లిన ఓ కంపెనీ సీఈఓ

Crime: బెంగళూరులోని ఓ స్టార్టప్ కంపెనీ సీఈవో తన నాలుగేళ్ల కొడుకును గోవాలోని ఓ హోటల్‌లో హత్య చేసింది. ఆమెను కర్ణాటకలోని చిత్రదుర్గ పోలీసులు అదుపులోకి తీసుకున్నారు. అయితే, పోలీసులు తెలిపిన వివరాల ప్రకారం.. కర్ణాటక రాష్ట్రానికి చెందిన సుచనా సేత్ ఓ స్టార్టప్‌ కంపెనీని స్థాపించి సీఈఓగా పని చేస్తుంది.. తన నాలుగేళ్ల కుమారుడితో కలిసి ఈ నెల 6వ తేదీన గోవాకు వెళ్లింది.. అక్కడ హోటల్‌లో రూమ్ తీసుకొని ఉంది.. ఆమె వెళ్లిన తరువాత రూమ్‌లో రక్తపు మరకలు కనిపించడంతో హోటల్ సిబ్బంది పోలీసులకు సమాచారం అందించారు.. ఇక, హోటల్ కు చేరుకున్న పోలీసులు సీసీ కెమెరాలను పరిశీలించగా.. హోటల్ రూమ్ లోకి వచ్చినప్పుడు బాబుతో వచ్చిన ఆమె.. బయటకు వెళ్లేటప్పుడు మాత్రం ఒంటరిగా వెళ్లడంతో పోలీసులు అనుమానం వ్యక్తం చేశారు.

Read Also: King Nag: మహేష్, తేజా సజ్జా, వెంకీ మామా అయిపోయారు… ఇక ఇప్పుడు కింగ్ నాగ్ టైమ్

దీంతో పోలీసులు ట్యాక్సీ డ్రైవర్‌కు ఫోన్ చేసి సదరు మహిళతో మాట్లాడారు.. తన స్నేహితుడి దగ్గర కుమారుడిని వదిలి పెట్టానని సుచనా సేత్ వివరణ ఇచ్చింది. దీంతో గోవా పోలీసులు రంగంలోకి దిగి కర్ణాటక పోలీసులను సంప్రదించారు. ఇక, విషయం తెలుసుకున్న కర్ణాటక పోలీసులకు ఆమెను అదుపులోకి తీసుకున్నారు. సుచనా సేత్ బ్యాగులో చిన్నారి మృతదేహాన్ని పోలీసులు స్వాధీనం చేసుకొని శవ పరీక్ష కోసం స్థానిక ఆస్పత్రికి తరలించారు. ఆమెను అరెస్టు చేసి రిమాండ్‌కు తరలించారు. ఈ ఘటనపై కేసు నమోదు చేసుకుని దర్యాప్తు చేస్తున్నామని పోలీసులు వెల్లడించారు.