Oppo K14 Plus 5G: ఒప్పో K14 Plus 5G త్వరలో భారత్‌లో లాంచ్.. పనితీరు, డ్యూరబిలిటీపై ఫోకస్

Oppo K14 Plus 5G Teased on Flipkart: ప్రముఖ స్మార్ట్‌ఫోన్ బ్రాండ్ Oppo త్వరలో భారత్‌లో మరో కొత్త 5G ఫోన్‌ను విడుదల చేయనుంది. Oppo K14 Plus 5G పేరుతో రానున్న ఈ స్మార్ట్‌ఫోన్‌ను కంపెనీ ఇప్పటికే Flipkartలో ప్రత్యేక మైక్రోసైట్ ద్వారా టీజ్ చేసింది. దీంతో ఈ ఫోన్ భారత్‌లో త్వరలోనే లాంచ్ కానున్నట్లు స్పష్టమైంది. Oppo K14 Plus 5G.. ఈ ఏడాది ప్రారంభంలో భారత్‌లో విడుదలైన Oppo K14, Oppo K14x 5G మోడళ్ల సరసన చేరనుంది. ఇటీవల కంపెనీ తీసుకొచ్చిన Oppo K14 Lite తర్వాత K14 సిరీస్‌లో ఇది మరో కొత్త మోడల్‌గా నిలవనుంది.

Flipkartలో Oppo K14 Plus 5G టీజర్

Oppo K14 Plus 5Gను భారత్‌లో త్వరలో లాంచ్ చేయనున్నట్లు కంపెనీ అధికారికంగా వెల్లడించింది. ఈ ఫోన్ కోసం Flipkartలో ప్రత్యేక మైక్రోసైట్‌ను ఏర్పాటు చేసింది. దీని ద్వారా ఫోన్ విక్రయాలు Flipkartలో జరిగే అవకాశం స్పష్టమైంది. అయితే ప్రస్తుతానికి Oppo ఈ ఫోన్‌కు సంబంధించిన పూర్తి స్పెసిఫికేషన్స్, ధర, లాంచ్ తేదీ వంటి వివరాలను వెల్లడించలేదు. టీజర్‌లో మాత్రం 5G కనెక్టివిటీతో పాటు పనితీరు, డ్యూరబిలిటీపై కంపెనీ ప్రధానంగా దృష్టి పెట్టినట్లు తెలుస్తోంది.

‘Powered to Perform, Built to Last’ ట్యాగ్‌లైన్

Oppo K14 Plus 5Gను కంపెనీ “Powered to Perform, Built to Last” అనే ట్యాగ్‌లైన్‌తో ప్రమోట్ చేస్తోంది. దీన్ని బట్టి ఫోన్‌లో మంచి పనితీరుతో పాటు ఎక్కువకాలం ఉపయోగించుకునేలా డిజైన్, బిల్డ్ క్వాలిటీపై ఫోకస్ ఉండే అవకాశం ఉంది. అయితే ఇందులో ఏ చిప్‌సెట్‌ను ఉపయోగించారు, బ్యాటరీ సామర్థ్యం ఎంత, ఫాస్ట్ ఛార్జింగ్ వంటి వివరాలను Oppo ఇంకా వెల్లడించలేదు.

ఫ్లాట్ ఎడ్జెస్‌తో కొత్త డిజైన్

Flipkart టీజర్‌లో Oppo K14 Plus 5G ఫోన్‌ను సైడ్ యాంగిల్‌లో చూపించారు. ఇందులో ఫ్లాట్ ఎడ్జెస్, ఫ్రేమ్‌పై బటన్లు కనిపిస్తున్నాయి. టీజర్‌లో ఫోన్‌ను ఆరెంజ్, సిల్వర్ షేడ్స్‌లో చూపించినప్పటికీ, ఇవే అధికారిక కలర్ ఆప్షన్లు అని Oppo ఇంకా నిర్ధారించలేదు.

లాంచ్ తేదీ, ధరపై క్లారిటీ లేదు

ప్రస్తుతం Oppo K14 Plus 5G లాంచ్ తేదీ, ధర లేదా పూర్తి స్పెసిఫికేషన్స్‌పై కంపెనీ ఎలాంటి అధికారిక ప్రకటన చేయలేదు. లాంచ్‌కు ముందు దశలవారీగా ఫోన్‌కు సంబంధించిన మరిన్ని వివరాలను వెల్లడించే అవకాశం ఉంది.

Oppo K14 సిరీస్‌లో మరో కొత్త ఫోన్

Oppo K14 Plus 5G ఇప్పటికే ఉన్న K14 సిరీస్‌లో చేరనుంది. ఈ సిరీస్‌లో Oppo K14, Oppo K14x 5G మోడళ్లు ఉన్నాయి. వీటిని భారత్‌లో వరుసగా ఫిబ్రవరి, మార్చి నెలల్లో కంపెనీ విడుదల చేసింది. ఇటీవలే Oppo K14 Liteను కూడా మార్కెట్లోకి తీసుకొచ్చింది. దీని 4GB RAM + 64GB స్టోరేజ్ వేరియంట్ ధర రూ.16,999గా ఉంది.

Oppo K14 Lite ఫీచర్లు ఇవే

Oppo K14 Liteలో Android 16 ఆధారిత ColorOS 16 ఆపరేటింగ్ సిస్టమ్‌ను అందించారు. ఇందులో 120Hz రిఫ్రెష్ రేట్‌తో కూడిన 6.75 అంగుళాల HD+ డిస్‌ప్లే ఉంది. దీని రిజల్యూషన్ 720×1570 పిక్సెల్స్. పనితీరు కోసం ఆక్టా-కోర్ Unisoc T7250 చిప్‌సెట్ను ఉపయోగించారు. ఫోన్‌లో 13,700 చదరపు మిల్లీమీటర్ల థర్మల్ గ్రాఫైట్ కూలింగ్ ఏరియాను కూడా అందించారు. కెమెరాల విషయానికి వస్తే.. వెనుకవైపు ఆటోఫోకస్‌తో కూడిన 13MP కెమెరా, సెల్ఫీలు, వీడియో కాల్స్ కోసం 5MP ఫ్రంట్ కెమెరా ఉన్నాయి.

7,000mAh బ్యాటరీ

Oppo K14 Liteలో 7,000mAh భారీ బ్యాటరీను అందించారు. ఇది 15W ఛార్జింగ్‌తో పాటు రివర్స్ వైర్డ్ ఛార్జింగ్‌కు కూడా సపోర్ట్ చేస్తుంది. అదనంగా, దుమ్ము, నీటి నుంచి రక్షణ కోసం IP64 రేటింగ్ ను అందించారు.