మహారాష్ట్రలో కేంద్రమంత్రి అమిత్ షా ర్యాలీలన్నీ రద్దయ్యాయి. కేంద్ర హోంమంత్రి హఠాత్తుగా నాగ్‌పూర్ నుంచి ఢిల్లీకి బయల్దేరి వెళ్లారు. వాస్తవానికి, షా ఈ రోజు మహారాష్ట్రలో నాలుగు బహిరంగ సభలలో ప్రసంగించాల్సి ఉంది. అయితే అకస్మాత్తుగా ఈ వార్త వెలుగులోకి వచ్చింది. మణిపూర్ హింసాకాండ కారణంగా ఆయన ఎన్నికల పర్యటన రద్దయినట్లు సమాచారం. షా మణిపూర్‌లో పరిస్థితిని నిరంతరం పర్యవేక్షిస్తున్నారు. ఉన్నతాధికారుల నుంచి అప్‌డేట్‌లు తీసుకుంటున్నారు. తొలుత షా గడ్చిరోలి, వార్ధా, కటోల్, సేవర్లలో అమిత్ షా ఎన్నికల ర్యాలీలు నిర్వహించాలని నిర్ణయించుకున్నారు. ఆయన స్థానంలో స్మృతి ఇరానీ ఈ ప్రాంతాల్లో ఎన్నికల ర్యాలీలు నిర్వహించనున్నారు.
READ MORE: Kishan Reddy: ఒట్టేసి చెబుతున్నా.. తులసీ రాంనగర్ లో దుర్గంధం, వాసన రావడం లేదు..
మరోవైపు మణిపూర్‌లో పరిస్థితిని చూసిన సీఆర్‌పీఎఫ్ డీజీ మణిపూర్‌కు బయలుదేరారు. అక్కడికి వెళ్లి శాంతిభద్రతలను సమీక్షించనున్నారు. రాష్ట్రంలో శాంతిభద్రతల పరిరక్షణకు తాజా బృందాన్ని ఏర్పాటు చేస్తున్నారు. కర్ఫ్యూ సడలించిన మణిపూర్‌లోని కొన్ని ప్రాంతాల్లో మళ్లీ కర్ఫ్యూ విధించారు. రాష్ట్రంలో శాంతిభద్రతల దృష్ట్యా బిష్ణుపూర్, ఇంఫాల్, జిరిబిమ్ ప్రాంతాల్లో మళ్లీ కర్ఫ్యూ విధించారు.
READ MORE:Elon Musk: ఎలాన్‌ మస్క్‌ను బూతులు తిట్టిన బ్రెజిల్ ప్రథమ మహిళ.. మస్క్ ఏం చేశాడంటే?(వీడియో)
