Komali Death Mystery: ఒక ఆత్మహత్య ఎన్నో ప్రశ్నలు.. చావుకు కారణం అదేనా?

Komali Death Mystery: యూట్యూబర్ కోమలి ఆత్మహత్యకు కారణాలేంటి? ఇదే ఇప్పుడు అందరి మదిలో మెదులుతున్న ప్రశ్న. ఆమె మిస్టరీ డెత్ వెనుక ఉన్నది లవ్ ఫెయిల్యూరేనా? అఖిల్ చెప్పినట్లు ఆమెది వన్ సైడ్ లవ్వేనా? ఇంతకీ కోమలి రూసుకున్న డైరీలో ఏముంది? ఇద్దరి ఫోన్లలో లభించిన చాటింగ్‌ల సారాంశం ఏంటి? పోలీసులు ప్రాథమికంగా ఏం తేల్చారు?

ZIM vs IND: టీమిండియా నయా రికార్డ్.. జింబాబ్వే టార్గెట్ ఎంతంటే?

యూట్యూబర్ కోమలి ఎందుకు ఆత్మహత్య చేసుకుంది? దేనికోసం ఆత్మహత్య చేసుకోవాల్సిన పరిస్థితి ఏర్పడింది? అఖిల్ ఆమెను ప్రేమించలేదా? ప్రేమించ వద్దంటూ.. చెప్పినప్పటికీ కోమలి ఎందుకు వినలేదు? కోమలి రాసుకున్న డైరీలో ఏముంది? ఇలా ఎన్నో ప్రశ్నలు తలెత్తుతున్నాయి. నిజానికి కోమలి, అఖిల్ మూడేళ్లుగా ప్రేమించుకుంటున్నారు. కానీ ఏడాది కిత్రం బ్రేకప్‌ చెప్పుకున్నారు. ఈ క్రమంలో మరో యువతితో అఖిల్ .. మరో యువతితో చనువుగా ఉంటున్నాడు. దాన్ని జీర్ణించుకోలేక పోయిన కోమలి 6 నెలల క్రితం ఆత్మహత్యాయత్నం చేసింది.

బ్రేకప్ అయిన తర్వాత కూడా కోమలి.. అఖిల్‌ను మర్చిపోలేదు. వారిద్దరి మధ్య మరో యువతి విషయంలో వాగ్వాదాలు జరుగుతూనే ఉన్నాయి. మూడురోజుల క్రితం ఇదే తరహాలో వాగ్వాదం జరిగినట్లు తెలుస్తోంది. ఇందుకు సంబంధించిన సీసీ ఫుటేజీలు బయటకు వచ్చాయి. ఆ తర్వాత తీవ్ర మనస్తాపానికి గురైన కోమలి ఆత్మహత్యకు పాల్పడింది. ఇప్పుడు కోమలి ఆత్మహత్యతో ఒక్కసారిగా నిశ్శబ్ధ వాతావరణం నెలకొంది. ఐతే కోమలిని అఖిల్‌ ట్రాప్‌ చేసి మోసం చేశాడని ఆమె తల్లి వరలక్ష్మి పోలీసులకు ఇచ్చిన ఫిర్యాదులో పేర్కొన్నారు. దీంతో అనుమానాస్పద మృతిగా కేసు నమోదు చేసుకున్న పోలీసులు కోమలి డైరీ, ఆమె సెల్‌ఫోన్‌ స్వాధీనం చేసుకున్నారు. మరోవైపు తన ప్రేమను ఎప్పటికైనా అర్థం చేసుకుంటాడని డైరీలో రాసిందని.. ప్రియుడు అఖిల్‌ మోసం చేసినట్లుగా పేర్కొనలేదని పోలీసులు చెబుతున్నారు.

Sim binding: “సిమ్ లేకుంటే వాట్సాప్ పనిచేయదు”.. మార్చి 1 నుంచి సిమ్ బైండింగ్..

అటు చిత్రపురి కాలనీలో మరో బ్లాక్‌లో సోదరి ఇంట్లో ఉంటున్న అఖిల్‌‌ని అదుపులోకి తీసుకొని విచారిస్తున్నారు పోలీసులు. అఖిల్‌ ఫోన్‌ను కూడా స్వాధీనం చేసుకున్నారు. అందులో ఇద్దరి చాటింగ్‌లను పరిశీలిస్తున్నారు. మరో యువతితో రిలేషన్‌లో ఉన్నానని.. తన వెంట పడొద్దని చెప్పినా ఆమె వినిపించుకోలేదని అతడు చెప్పినట్లు తెలుస్తోంది. కోమలి ఆత్మహత్యకు ముందు తల్లిదండ్రులకు, స్నేహితులకు మీరు బాగుండాలని వాయిస్‌ మేసేజ్‌లు పెట్టినట్లు పోలీసులు గుర్తించారు. డైరీలో తన ప్రియుడు అఖిల్ తనను ఎప్పటికైనా అర్థం చేసుకుంటాడని కోమలి రాసుకున్నట్లు సమాచారం. అయితే అఖిల్ తనను మోసం చేసినట్లు లేదా వేధించినట్లు ఆమె ఎక్కడా పేర్కొనకపోవడం విశేషం. ప్రస్తుతం పోలీసులు అఖిల్ రెడ్డిని అదుపులోకి తీసుకుని విచారించి స్టేట్మెంట్ రికార్డ్ చేశారు. కోమలిది వన్ సైడ్ లవ్ అని అఖిల్ వాంగ్మూలం ఇచ్చినట్లు తెలుస్తోంది. మొత్తంగా కోమలి ప్రేమ వ్యవహారంలో మనస్తాపానికి గురై ఉరివేసుకున్నట్లు ప్రాథమికంగా నిర్ధారించారు పోలీసులు. కేసు సమగ్ర దర్యాప్తు తర్వాత అన్ని విషయాలు తెలుస్తాయంటున్నారు.