Good News: ప్రైవేట్ ఉద్యోగులకు తీపికబురు.. భారీ స్థాయిలో ఇంక్రిమెంట్లు

కరోనాతో గత రెండేళ్లుగా జీతాల పెంపు లేని ప్రైవేటు ఉద్యోగులకు అయాన్స్ సంస్థ సర్వే తీపికబురు చెప్పింది. 2022 ఏడాదిలో జీతాల విషయంలో దేశంలోని ప్రముఖ కంపెనీలు ఐదేళ్ళ గరిష్ఠ స్థాయిలో ఇంక్రిమెంట్లు ఇస్తాయని సర్వే వెల్లడించింది. సగటున 9.9% వేతనాల పెంపు ఉంటుందని అయాన్ సంస్థ తెలిపింది. 2021లో వేతనాల పెంపు సగటు 9.3 శాతంగా ఉందని గుర్తు చేసింది దీంతో ఈ ఏడాది ఇంక్రిమెంట్లు పెరుగుతాయని సర్వే అంచనా వేసింది.

మరోవైపు బ్రిక్స్ కూటమిలోని మిగతా దేశాలతో పోలిస్తే భారత్‌లోనే అధికంగా పెంపు ఉంటుందని సర్వే అంచనా వేసింది. ఈ మేరకు భారత్‌లో 9.9 శాతం, రష్యాలో 6.1 శాతం, చైనాలో 6 శాతం, బ్రెజిల్‌లో 5 శాతం మాత్రమే వేతనాల పెంపు ఉంటుందని సర్వే అభిప్రాయపడింది. ఈ సర్వే కోసం 40 వేర్వేరు రంగాల నుంచి 1500 కంపెనీలను పరిగణనలోకి తీసుకున్నారు. ఈ-కామర్స్, వెంచర్ క్యాపిటల్, ఐటీ, ఐటీ ఆధారిత సేవలు, లైఫ్ సైన్సెస్ రంగంలో వేతనాల పెంపు అధికంగా ఉండనున్నట్లు అయాన్స్ సంస్థ సర్వే తెలిపింది.