Rakul Preeth Singh: కండోమ్ ని టెస్ట్ చేసిన రకుల్.. ఆమె తల్లిదండ్రులు ఏమన్నారంటే..?

రకుల్ ప్రీత్ సింగ్ ప్రస్తుతం బాలీవుడ్ లో పాగా వేయడానికి తెగ కష్టపడుతున్న సంగతి తెల్సిందే. ఇక దీనికునే విభిన్నమైన కథలను ఎంచుకొని ముందుకు దూసుకెళ్తోంది. ఇక తాజాగా బాలీవుడ్ లో అమ్మడు నటిస్తున్న చిత్రాల్లో ఛత్రివాలి ఒకటి.. ఈ సినిమాలో రకుల్ కండోమ్ టెస్టర్ గా కనిపిస్తుంది. ఇటీవల షూటింగ్‌ను పూర్తి చేసుకున్న ఈ మూవీ పోస్ట్‌ప్రొడక్షన్‌ పనులతో పాటు ప్రమోషన్‌ కార్యక్రమాలను జరుపుకుంటుంది.. మొదటిసారి ఈ పాత్ర చేస్తున్నప్పుడు అందరు ఇలాంటి పాత్ర చేయడానికి ఎలా ఒప్పుకుంది అని రకుల్ ఫై ట్రోలింగ్ మొదలయ్యింది. ఈ ట్రోలింగ్ పై రకుల్ స్పందించింది.

తాజాగా ఒక ఇంటర్వ్యూలో రకుల్ మాట్లాడుతూ” ఒక చిన్న పట్టణం నుంచి వచ్చి.. కండోమ్ టెస్టర్ క్వాలిటీ హెడ్‌గా మారిన ఓ అమ్మాయి కథ. ఇందులో మేము చూపించకూడనిది ఏది చూపించలేదు. సమాజంలో జరిగేదే చూపించాం.. మొదట ఈ పాత్ర ఒప్పుకున్నప్పుడు నా తల్లిదండ్రులకు చెప్పాను. వారు కూడా ఏ మాత్రం ఆలోచించకుండా ఓకే చెప్పారు. ఇలాంటి అవకాశాలు అరుదుగా వస్తాయి. అందుకే ఈ క్యారెక్టర్‌ని చేయాలని నిర్ణయించుకున్నా .. అందులోను నా పేరెంట్స్ ఒప్పుకున్నారు.. నేను చేసే ప్రతి సినిమా నా పేరెంట్స్ అంగీకారంతోనే చేస్తాను. ఎందుకంటే నా మొదటి ప్రేక్షకులు వారే కాబట్టి” అని చెప్పుకొచ్చింది. త్వరలోనే ఈ సినిమా ప్రేక్షకుల ముందుకు రానుంది. మరి ఈ చిత్రంతో బాలీవుడ్ లో అమ్మడు హిట్ అందుకుంటుందో.. లేదో చూడాలి.