ధనుష్ విడాకులు.. వారికి చిక్కులు తెచ్చిపెట్టాయా..?

కోలీవుడ్ స్టార్ హీరో ధనుష్ ఇటీవల భార్య ఐశ్వర్య రజినీకాంత్ కి విడాకులు ఇచ్చిన సంగతి తెలిసిందే. తమ మధ్య ఉన్న విబేధాల వలెనే తమ వైవాహిక జీవితానికి స్వస్తి పలుకుతున్నామని, దయచేసి తమ ప్రైవసీకి అడ్డుపడకండి అంటూ చెప్పుకొచ్చారు. ఇక ఈ సమయంలో అభిమానులందరూ ధనుష్ కి అండగా నిలుస్తున్నారు. ఇక వీటితో పాటు ఇటీవల ధనుష్ కరోనా బారిన పడడం. చికిత్స తీసుకోవడం, ఈ విడాకుల గొడవ వీటన్నింటితో ధనుష్ సతమతమతమవుతున్నాడని తెలుస్తోంది. దీంతో ధనుష్ నటిస్తున్న సినిమాల షూటింగ్స్ కి బ్రేక్ పడినట్లు తెలుస్తోంది. ప్రస్తుతం ధనుష్.. తెలుగులో ‘సార్’ సినిమా చేస్తున్న సంగతి తెలిసిందే.

వెంకీ అట్లూరి దర్శకత్వంలో తెరకెక్కుతున్న ఈ సినిమా ఈ మధ్యనే షూటింగ్ మొదలుపెట్టింది. ఈసమయంలో ధనుష్ కు కోవిడ్ పాజిటివ్ అంటూ నిర్థారణ అవ్వడంతో షూటింగ్ కు బ్రేక్ పడిందని మేకర్స్ తెలుపుతున్నారు. అయితే ఈ సినిమాను కేవలం మూడు నాలుగు నెలల్లోనే ముగించాలని దర్శకుడు వెంకీ అట్లూరికి ధనుష్ ముందుగానే కండీషన్ పెట్టినట్లుగా తెలుస్తోంది. కానీ అనుకున్నది అనుకున్నట్లుగా జరగకపోవడంతో మేకర్స్ కొద్దిగా అసహనం వ్యక్తం చేస్తున్నట్లు తెలుస్తోంది.ఇక ఈ సినిమానే ఇంత లేట్ అయితే శేఖర్ కమ్ముల దర్శకత్వంలో తెరకెక్కుతున్న సినిమా ఇంకెంత లేట్ అవుతుందో చూడాలి మరి. ఏడీఐమైనా ధనుష్ విడాకులు.. తెలుగు దర్శకులకు చిక్కులు తెచ్చిపెట్టినట్లు అవుతోంది అని టాలీవుడ్ వర్గాలు గుసగుసలాడుతున్నాయి.