Allu Arjun: ది పర్ఫెక్ట్ ఫ్యామిలీ మ్యాన్.. ది పర్ఫెక్ట్ ఫ్యామిలీ పిక్చర్

Allu Arjun: సాధారణంగా పెళ్ళికి ముందు ఎంత ప్లే బాయ్ గా ఉన్నా కూడా పెళ్లి తరువాత పర్ఫెక్ట్ మ్యాన్ గా మారిపోతారు. అది పెళ్లి గొప్పతనం. అల్లు అర్జున్.. పెళ్ళికి ముందు ఎలా ఉన్నా కూడా పెళ్లి తరువాత ఫ్యామిలీ మ్యాన్ గా మారిపోయాడు. ముఖ్యంగా పిల్లలతో బన్నీ గడిపే విధానం ఎంతో ముచ్చటగా ఉంటుందని అభిమానులు చెప్పుకొస్తున్నారు. అర్హ‌చేసే అల్ల‌రికి బ‌న్నీ తెగ మురిసి పోతుంటాడు. ఆమెతో పాటు తాను కూడా చిన్న పిల్లాడిలా మారిపోతుంటాడు. ఇక స్నేహ ఆ మూమెంట్స్ ను కెమెరాలో బంధించి.. అభిమానులతో పంచుకుంటూ ఉంటుంది. మొన్నటికి మొన్న దీపావళీ వేడుకల్లో ఈ చిన్నారులు చేసిన రచ్చ అంతా ఇంతా కాదు. క్రాకర్స్ కలుస్తూ.. బన్నీ చెయ్యి పట్టుకొని లాగెళ్ళిపోయింది అర్హ. ఆ వీడియో ఇప్పటికీ ట్రెండింగ్ లో ఉంది.

Annapurna: కీర్తి ఆత్మహత్య చేసుకుంది.. స్టేజిమీద ఏడ్చిన అన్నపూర్ణ

ఇక నేడు చిల్డ్రన్స్ డే కావడంతో బన్నీ భార్య స్నేహ.. పిల్లలకు చిల్డ్రన్స్ డే శుభాకాంక్షలు తెలుపుతూ ఒక అద్భుతమైన ఫోటోను షేర్ చేసింది. వరుణ్ తేజ్ – లావణ్య పెళ్ళిలో దిగిన ఒక ఫోటోను అభిమానులతో పంచుకుంది. అందులో బ్లాక్ సూట్ వేసుకొని బన్నీ.. కొడుకు అయాన్ ను ముద్దాడుతుండగా.. వైట్ డిజైనర్ చీరలో స్నేహ.. ఆమె ఒడిలో అల్లరి పిడుగు అర్హ ఒదిగిపోయి కనిపించింది. ఇక ఈ ఫోటో నెట్టింట వైరల్ గా మారింది. ఈ ఫోటో చూసిన అభిమానులు ది పర్ఫెక్ట్ ఫ్యామిలీ మ్యాన్.. ది పర్ఫెక్ట్ ఫ్యామిలీ పిక్చర్ అంటూ కామెంట్స్ పెడుతున్నారు. ఇకపోతే ప్రస్తుతం బన్నీ.. పుష్ప 2 సినిమాలో నటిస్తున్నాడు. మరి ఈ సినిమాతో బన్నీ ఎలాంటి రికార్డ్ సృష్టిస్తాడో చూడాలి.