IND vs WI 4th T20: అందరూ కాటేరమ్మకొడుకులే.. కానీ ఉప్పల్లో తుస్సుమన్నారు.. భారత్ ఓటమికి ఐదు కారణాలు ఇవే!
- Follow Us :
-
-
Add as a preferred
source on google
Key Reasons for India’s Defeat vs West Indies: హైదరాబాద్లోని రాజీవ్ గాంధీ అంతర్జాతీయ స్టేడియంలో వెస్టిండీస్తో జరిగిన నాలుగో టీ20లో భారత్ ఓటమిని చవిచూసింది. మొదట విండీస్ 3 వికెట్లకు 247 పరుగుల భారీ స్కోరు చేసింది. టీమిండియా 19.3 ఓవర్లలో 223 పరుగులకు ఆలౌటైంది. 24 పరుగుల తేడాతో భారత్ను ఓడించిన వెస్టిండీస్.. ఐదు మ్యాచ్ల టీ20 సిరీస్ను 2-2తో సమం చేసింది. వెస్టిండీస్ కెప్టెన్ శాయ్ హోప్ సెంచరీతో చెలరేగగా, కీమో పాల్ ఐదు వికెట్లతో భారత్ పతనాన్ని శాసించాడు. భారీ లక్ష్య ఛేదనలో భారత బ్యాటర్లు పోరాడినప్పటికీ.. కీలక సమయాల్లో వికెట్లు కోల్పోవడంతో పరాజయం తప్పలేదు. జట్టులోని బయటర్లు అందరూ కాటేరమ్మకొడుకులే అయినా.. ఒక్కరు కూడా భారీ ఇన్నింగ్స్ ఆడలేకపోయారు. భారత్ ఓటమికి కారణాలు ఏంటో ఓసారి చూద్దాం.
శాయ్ హోప్ విధ్వంసకర సెంచరీ:
వెస్టిండీస్ భారీ స్కోరు సాధించడంలో కెప్టెన్ శాయ్ హోప్ కీలక పాత్ర పోషించాడు. కేవలం 50 బంతుల్లోనే అజేయంగా 102 పరుగులు చేశాడు. తన ఇన్నింగ్స్లో తొమ్మిది సిక్సర్లు, నాలుగు ఫోర్లు ఉన్నాయి. బౌండరీల మోత మోగిస్తూ భారత బౌలర్లపై విరుచుకుపడ్డాడు. హోప్ ధాటికి వెస్టిండీస్ నిర్ణీత 20 ఓవర్లలో 3 వికెట్ల నష్టానికి 247 పరుగుల భారీ స్కోరు సాధించింది. ఈ భారీ లక్ష్యం భారత్పై ఒత్తిడిని పెంచింది.
Also Read
- Team India Record: టీమిండియా చరిత్రలోనే ఘోర ఓటమి.. దెబ్బకు రికార్డులు తారుమారు..
- Will Young: నేను 125 పరుగులు చేసినా వేస్ట్ అయింది.. విల్ యంగ్ ఆవేదన..
- Mitchell Santner: "చాలా హ్యాపీగా ఉన్నాం.. ఇక రిలాక్స్ అవుతాం".. గ్రాండ్ విక్టరీపై కెప్టెన్ ఆసక్తికర వ్యాఖ్యలు..
- IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
భారత బౌలర్ల పేలవ ప్రదర్శన:
భారత్ ఓటమికి ప్రధాన కారణాల్లో బౌలింగ్ వైఫల్యం ఒకటి. పిచ్ బ్యాటింగ్కు అనుకూలంగా ఉండటంతో వెస్టిండీస్ బ్యాటర్లు స్వేచ్ఛగా పరుగులు సాధించారు. భారత బౌలర్లు పరుగుల ప్రవాహాన్ని అడ్డుకోవడంలో ఇబ్బంది పడ్డారు. అర్ష్దీప్ సింగ్ నాలుగు ఓవర్లలో 52 పరుగులు ఇచ్చి ఒక వికెట్ తీశాడు. మయాంక్ యాదవ్ నాలుగు ఓవర్లలో 52 పరుగులు ఇచ్చినా వికెట్ దక్కించుకోలేకపోయాడు. అక్షర్ పటేల్ నాలుగు ఓవర్లలో 45 పరుగులు ఇచ్చి ఒక వికెట్ తీశాడు. మైదానంలోని చిన్న, పెద్ద బౌండరీలను వెస్టిండీస్ బ్యాటర్లు సమర్థంగా ఉపయోగించుకున్నారు. పిచ్పైకి వచ్చి షాట్లు ఆడుతూ భారత బౌలర్లపై ఒత్తిడి పెంచారు. దీంతో వెస్టిండీస్ భారీ స్కోరు సాధించగలిగింది. భారత బౌలర్లు తేలిపోయిన అదే పిచ్పై విండీస్ బౌలర్లు రాణించారు.
సంజూ శాంసన్, తిలక్ వర్మ పోరాటం వృథా:
248 పరుగుల భారీ లక్ష్యంతో బరిలోకి దిగిన భారత్కు సంజు శాంసన్ అద్భుత ఆరంభాన్ని అందించాడు. కేవలం 23 బంతుల్లోనే 56 పరుగులు సాధించి ఛేదనపై ఆశలు రేకెత్తించాడు. తిలక్ వర్మ కూడా 43 పరుగులతో కీలక సహకారం అందించాడు. వీరిద్దరి దూకుడుతో భారత్ లక్ష్యం దిశగా సాగుతున్నట్లు కనిపించింది. అయితే కీలక సమయంలో వరుసగా వికెట్లు కోల్పోవడం భారత్ను దెబ్బతీసింది. టాప్, మిడిల్ ఆర్డర్ బ్యాటర్లు ఆశించిన స్థాయిలో రాణించలేకపోయారు. క్రీజులో నిలదొక్కుకుని ఇన్నింగ్స్ను ముందుకు తీసుకెళ్లే భాగస్వామ్యం లేకపోవడంతో పరుగుల వేగం తగ్గిపోయింది. టాప్ ఆర్డర్లో మరో మంచి భాగస్వామ్యం నమోదైతే ఫలితం మరోలా ఉండేది.
కీమో పాల్ ఐదు వికెట్లతో దెబ్బ
వెస్టిండీస్ బౌలర్ కీమో పాల్ భారత బ్యాటింగ్ను కుప్పకూల్చాడు. నాలుగు ఓవర్లలో 41 పరుగులు ఇచ్చి ఐదు వికెట్లు పడగొట్టి మ్యాచ్ను వెస్టిండీస్ వైపు తిప్పాడు. మరోవైపు గుడాకేశ్ మోటీ కూడా కీలక సమయంలో రెండు వికెట్లు తీసి భారత్పై ఒత్తిడి పెంచాడు. భారత బ్యాటర్లు దూకుడుగా ఆడే ప్రయత్నంలో వికెట్లు కోల్పోవడంతో లక్ష్యానికి చేరువ కాలేకపోయారు. చివరికి భారత్ 19.3 ఓవర్లలో 223 పరుగులకు ఆలౌటైంది.
బెస్ట్ ఫీల్డింగ్:
వెస్టిండీస్ బ్యాటర్లు పిచ్లోకి దూసుకెళ్తూ బౌండరీలను బాదారు. పిచ్ను వారు సమర్థవంతంగా ఉపయోగించుకున్నారు. అదే సమయంలో విండీస్ ఫీల్డర్లు ఒత్తిడిలో కూడా ప్రతి క్యాచ్ను పట్టుకున్నారు. సంజు శాంసన్ అద్భుత క్యాచ్ కారణంగానే పెవిలియన్ చేరాడు. ఇషాన్ కిషన్, శ్రేయాస్ అయ్యర్ ఇచ్చిన క్యాచ్లను కూడా ఎలాంటి పొరపాటు చేయకుండా ఒడిసిపట్టుకున్నారు. అంతకుముందు మన ఫీల్డర్లు పెద్దగా ప్రభావం చూపలేకపోయారు.
తాజావార్తలు
-
OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
-
Nagula Chavithi: నాగుల చవితి వేళ అద్భుతం.. సుబ్రహ్మణ్యేశ్వర స్వామి ఆలయంలో ప్రత్యక్షమైన నాగసర్పం!
-
CM Revanth Reddy : పిల్లల భవిష్యత్తే లక్ష్యం.. సీఎం రేవంత్ కీలక సందేశం
-
OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
-
OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
ట్రెండింగ్
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!