Health Tips: నోటి పుండ్లు వస్తే టొమాటోలతో ఇలా చేయండి.. వెంటనే తగ్గిపోతుంది

నోటి పుండ్లు సాధారణంగా నాలుక, చిగుళ్లు, దవడ లోపల, పెదవుల లోపల ఏర్పడతాయి. ఇవి నొప్పిని కలిగించడంతో పాటు చాలా అసౌకర్యం కల్పిస్తాయి. దీంతో ఆకలి వేసినా తినలేని పరిస్థితి ఉంటుంది. నోటిపుండ్లు ఎలాంటి హాని కలిగించకపోయినా వీటి వల్ల నోటికి కొంచెం కారం, పులుపు తగిలినా చాలా ఇబ్బందిగా ఉంటుంది. నోటిలో కురుపులు రావడానికి గల కారణం.. విటమిన్ ‘బి’ లోపంతో సహా అనేక కారణాలు ఉన్నాయి. అంతే కాకుండా.. కొన్ని ఫుడ్ ఇన్ఫెక్షన్ల వల్ల నోటిలో కురుపులు, బొబ్బలు ఏర్పడుతాయి. అయితే టొమాటాలతో నోటి పుండ్లకు చెక్ పెట్టవచ్చు. అంతేకాకుండా.. దీర్ఘకాలంలో నోటి పుండ్లు రాకుండా పని చేస్తుంది. నోటి అల్సర్‌లను తగ్గించడంలో కూడా సహాయపడతాయి. నోటిపుండ్ల విషయంలో టమోటాలు ఎలా ఉపయోగపడతాయో తెలుసుకుందాం.

1. టమోటోపై బ్లాక్ మైరోబాలన్ రాసి తినండి..
బ్లాక్ మైరోబాలన్ నోటి వ్యాధులకు దివ్యౌషధంగా పరిగణించబడుతుంది. దీనిలోని యాంటీ బాక్టీరియల్ నోటి అల్సర్‌లను తగ్గిస్తుంది. టొమాటో రసం తాగితే నోటిలో పుండ్ల మంటను తగ్గిస్తుంది. అంతేకాకుండా.. టమోటాలో ఉండే విటమిన్ సి యాంటీ బాక్టీరియల్‌గా పనిచేస్తుంది. చిన్న నల్ల మైరోబాలన్‌ను మెత్తగా రుబ్బి, ఆపై టమోటాలకు అప్లై చేసి తింటే మంచిది.

2. టొమాటో రసాన్ని నీటిలో కలిపి తాగాలి..
నోటిపుండ్లు తగ్గాలంటే టొమాటో రసాన్ని నీటిలో కలిపి తాగాలి. అంతేకాకుండా పుక్కిలించవచ్చు. ఇది అల్సర్‌లను తగ్గిస్తుంది. నిజానికి.. టొమాటోలోని సిట్రిక్ యాసిడ్, విటమిన్ సి నోటి పుండ్లకు ప్రభావవంతంగా పనిచేస్తాయి. దీంతో మంటను తగ్గిస్తాయి. టొమాటో రసంలో కొంచెం నీరు పోసి రోజుకు రెండు మూడు సార్లు పుక్కిలించండి.

3. టమోటా, పుదీనా నమలండి..
టొమాటోను కట్ చేసి అందులో కొన్ని పుదీనా ఆకులను వేయండి. కొద్దిగా నిమ్మరసం, ఉప్పు వేసి రెండూ కలిపి నమలాలి. ఈ రెండింటిని ఇలా తినడం వల్ల నోటిపుండ్లు తగ్గుతాయి.