US Bans Indian Companies:15 భారతీయ కంపెనీలపై అమెరికా నిషేధం.. కారణం?

రష్యా సైనిక-పారిశ్రామిక స్థావరానికి మద్దతిస్తున్నారనే ఆరోపణలతో 15 భారతీయ కంపెనీలతో సహా 275 మంది వ్యక్తులు, సంస్థలపై అమెరికా ఆంక్షలు విధించింది. చైనా, స్విట్జర్లాండ్, థాయ్‌లాండ్, టర్కీకి చెందిన కంపెనీలను కూడా రష్యాకు అత్యాధునిక సాంకేతికత, పరికరాలను సరఫరా చేసినందుకు నిషేధించామని యూఎస్ ట్రెజరీ డిపార్ట్‌మెంట్ గురువారం ఒక ప్రకటనలో తెలిపింది. రష్యా తన యుద్ధ యంత్రాంగానికి ఈ కంపెనీలు మద్దతు తెలిపాయని ఆరోపించింది.

READ MORE: Chiranjeevi: చిరంజీవి ఇంటికి వెళ్లిన కేంద్ర మంత్రి

ప్రపంచవ్యాప్తంగా రహస్యంగా నడుస్తున్న నెట్‌వర్క్‌ను నిలిపివేయడంతో పాటు, రష్యా యొక్క సైనిక పారిశ్రామిక స్థావరానికి కీలకమైన ఇన్‌పుట్‌లు, ఇతర వస్తువులను అందించే దేశీయ రష్యన్ దిగుమతిదారులు, కంపెనీలకు వ్యతిరేకంగా ఈ నిర్ణయం తీసుకున్నట్లు పేర్కొంది. నిజానికి రష్యా రక్షణ రంగ కంపెనీలకు సహాయం చేస్తున్న ఏ కంపెనీతోనూ వ్యాపారం చేయకూడదని అమెరికా భావిస్తోంది.

READ MORE:Shocking Video: భర్త చనిపోయిన బెడ్‌ను ఐదు నెలల గర్భిణితో శుభ్రం చేయించిన ఆస్పత్రి సిబ్బంది..

ఈ పూర్తి ఘటనపై యూఎస్ ట్రెజరీ డిప్యూటీ సెక్రటరీ వాలీ అడెయెమో మాట్లాడుతూ… “ఉక్రెయిన్‌పై రష్యా చట్టవిరుద్ధమైన, అనైతిక యుద్ధానికి అవసరమైన క్లిష్టమైన పరికరాలు, సాంకేతికతను విచ్ఛిన్నం చేయడానికి యునైటెడ్ స్టేట్స్, మిత్రదేశాలు చర్య తీసుకుంటున్నాయి. ” అని తెలిపారు. ఇదిలా ఉండగా.. యూఎస్ స్టేట్ డిపార్ట్‌మెంట్ అనేక థర్డ్ పార్టీ దేశాలలో ఆంక్షల ఎగవేత, మోసాలను కూడా లక్ష్యంగా చేసుకుంది. రష్యా యొక్క సైనిక-పారిశ్రామిక అవసరాలను తీర్చడంలో సహాయపడే ద్వంద్వ-వినియోగ వస్తువులను ఎగుమతి చేసే అనేక చైనా-ఆధారిత కంపెనీలు వీటిలో ఉన్నాయి. రష్యా యొక్క భవిష్యత్తు ఇంధన ఉత్పత్తి, ఎగుమతులకు మద్దతు ఇచ్చే అనేక సీనియర్ రష్యన్ రక్షణ మంత్రిత్వ శాఖ అధికారులు, రక్షణ సంస్థలపై కూడా యూఎస్ ఆంక్షలు విధించింది.